تقييم الجين بعد 15 الف

**wezza** · 18-08-2009 12:38 PM

ده تقييم الـ15 الف كيلو يا جماعه الحقيقه العربيه جميله جدا و فيها مميزات جميله و كلنا عارفينها و اكلمنا فيها كتير بس الحقيقه انا لقيت فيها عيوب محدش خد باله منها او نسينا نكلم عنها و العيوب دى يا جماعه مش راى لوحدى ده راى ناس كتير ركبو العربيه و معاهم عربيات مختلفه الانواع
1- المرايات سيئه جدا جدا جدا بسبب صغر حجمها ( مبتلمش الطريق )
2- الباور بتاعها تقيل مقارنه بعربيات تانيه سوقتها
3- عفشتها بتفك بسرعه
4- صوت خبطه فى الدركسيون لما بحود و ادوس على فرق اسفلت او مطب خفيف
5- مؤشر البنزين مبديش مقياس صحيح لكميه البنزين
و يا جماعه الحجات دى اتفق عليها اكتر من واحد ركب العربيه و حس بيها مش انا لوحدى

**Osama.shihata** · 18-08-2009 12:54 PM

المشاركة الأصلية كتبت بواسطة wezza

ده تقييم الـ15 الف كيلو يا جماعه الحقيقه العربيه جميله جدا و فيها مميزات جميله و كلنا عارفينها و اكلمنا فيها كتير بس الحقيقه انا لقيت فيها عيوب محدش خد باله منها او نسينا نكلم عنها و العيوب دى يا جماعه مش راى لوحدى ده راى ناس كتير ركبو العربيه و معاهم عربيات مختلفه الانواع

المشاركة الأصلية كتبت بواسطة wezza

1- المرايات سيئه جدا جدا جدا بسبب صغر حجمها ( مبتلمش الطريق )
فعلا محتاجة مراية مدورة على الحرف بس تكون صغيرة علشان تبين الجزء الخفى ودى اهم ملاحظة لان اى حد بيبقى جنب العربية مبتشفوش خالص من المراية
2- الباور بتاعها تقيل مقارنه بعربيات تانيه سوقتها
ده حقيقى بس ده مفيد جدا على السرعات العالية وده انا مجربه بنفسى
3- عفشتها بتفك بسرعه
لسا متاكدتش من كدة بس اعتقد انها بتفك بسرعة على الرغم من طول العمر الافتراضى لها
4- صوت خبطه فى الدركسيون لما بحود و ادوس على فرق اسفلت او مطب خفيف
ده موجود بالفعل فى الجين 2 والبرسونا والواجا وثبت ذلك بالدليل القاطع وتصديق مهندسى التوكيل
5- مؤشر البنزين مبديش مقياس صحيح لكميه البنزين
فعلا مبيقراش 100% لما بتفول العربية حتى لو على الزور التفويل
و يا جماعه الحجات دى اتفق عليها اكتر من واحد ركب العربيه و حس بيها مش انا لوحدى

**Ayman_52** · 18-08-2009 01:08 PM

الف الف مبــــــــــــــروك على اول 15,000 وعقبال الــ 100.000 بالخير ان شاء الله

----

وبخصوص المرايا هى فعلا صغيره ... بس دا عشان تتناسب مع شكل الجين ... عشان لو كانت اكبر من كده كانت هتحسسك انها -ودان الفيل- مش مرايا جانبيه ... وانا شايف ان كلها اسبوعين بالكتير وبتتعود عليها

او ممكن تجيب مرايه الصالون الكبيره

-----

2-تقل الباور مش عيب دا ميزه عشان دى عربيه رياضيه اصلا ... وبالتالى لازم الباور يكون تقيل عشان السرعات العاليه اللى مصممه من اجله العربيه.

-----

3-عفشتها بتفك بسرعه ازاى يعنى؟؟؟

هو انا سمعتها من اكتر من واحد فعلا .. ولما سالته عرفت ازاى ... قالى عشان فى الصيانه بيعملوا اتشيك عليها وبيربطوها ...

ملحوظه : مش شرط كل صيانه العفشه تتربط .. بس التوكيل بيعمل عليها اتشيك احتياطى ...

وموضوع تربيط العفشه بيختلف من شخص لاخر ... حسب سواقتك وطبيعه الطرق اللى بتمشى فيها دايما.

----

4-لا دى تروح تشوفها فى التوكيل ... لان ممكن يكون فيها حاجه

----

5-فعلا .... ودا اظن عشان ضيق زوور التانك .. او ان العوامه بتكون مايله او حاجه

----

هى فعلا ممكن الناس تتفق على حاجه مضايقهم فى عربيه ... بس ممكن يكون تصميم العربيه كده ودا بيكون لغرض معين فى التصميم.

---

الف الف مبروك عالصيانه ... وربنا يباركلك فيها يارب ويحفظهالك ويكفيك شر الطريق

تحيــــــــــــــــــاتــ ـــــــــى

**أبومعاذ** · 18-08-2009 01:15 PM

المشاركة الأصلية كتبت بواسطة wezza

ده تقييم الـ15 الف كيلو يا جماعه الحقيقه العربيه جميله جدا و فيها مميزات جميله و كلنا عارفينها و اكلمنا فيها كتير بس الحقيقه انا لقيت فيها عيوب محدش خد باله منها او نسينا نكلم عنها و العيوب دى يا جماعه مش راى لوحدى ده راى ناس كتير ركبو العربيه و معاهم عربيات مختلفه الانواع
1- المرايات سيئه جدا جدا جدا بسبب صغر حجمها ( مبتلمش الطريق )
متفق معاك في النقطة دي بنسبة 50%
2- الباور بتاعها تقيل مقارنه بعربيات تانيه سوقتها
انا شايفه مقبول
3- عفشتها بتفك بسرعه
لغاية دلوقتي شغالة معايا زي الفل (5000ك)
4- صوت خبطه فى الدركسيون لما بحود و ادوس على فرق اسفلت او مطب خفيف
محصلتش معايا بس يمكن تحصل مستقبلا
5- مؤشر البنزين مبديش مقياس صحيح لكميه البنزين
معاك تماما واعتقد دا عيب في العوامة

**masterzmind** · 18-08-2009 04:53 PM

بجد العربية دية عمالة تزعلنى انا بحبها موووووووووووووت والله بزعل لما بسمع الكلام دة نفسى تخلو من كل العيوب دية على الاقل تبقى زى عيوب الكورى

**ahmad alshaaer** · 19-08-2009 05:58 AM

اخي العزيز انا اتفق معاك في النقطه رقم 1
ولكن كل النقاط الباقيه للأسف مش صحيح
ورالنقطه رقم 5
ده في كل العربيات كده الكمبيوتر بيديلك قراءه تقريبيه
انا معايا فوبكس جيتا 2008 قراية عداد البنزين كمان كده

تحيااااتي