مش بأقول الأغبياء كتير و الحقودين أكتر ... حمدالله على سلامة حضرتك و فداك أي حاجة و أهي خدت العين برده.
بصراحة أنا خايفة من شغل السمكرية بره و جشعهم برده ... أنا عارفة انها تترد على البارد و الحكة اللي في الدهان مش واثقة تنفع تتلمع و لا لازم تترش.
بس هل التوكيل بيعمل سمكرة و دوكو و لا هيقول نغير رفرف؟ ده برده مخوفني يبقى كده لبست جامد.
آه و الله بشوكها ، أنا مستلماها 20/7 و لو صورتها من جوه هتلاقيها حضرتك بالأكياس بتاعتها و ورق الجمرك لسه ملزوق ... أساسا أنا ماغسلتهاش بعد غسيل المعرض و بأغطيها و حد بيلمعها و أنا بأعملها من جوة بمكنسة العربية و بألمعها بالوايبس بتاعة التابلوه ...فتخيل حضرتك أروح أعملها سمكرة و دوكو بعد أقل من شهر ... يلا الحمد لله على كل شئ.
الحمدلله على سلامة حضرتك و الازاز برده ... أنا و أنا بسأل في المنتدى عن عيوب و مميزات الكرولا قبل ما أشتريها كان حد قال انه أكبر عيب انها بتتحسد بسرعة و لازم تاخد عين فالحمدلله انها جت في الحديد و اللي يجي في الريش بقشيش برده :-)
و في ناس بتقول لي سيبيها كده اسبوع أو اتنين عشان كل الناس تشوفها و تكفي باقي العيون:U_thin1[1]: