ايوا انا بقول تحرص على العربية ,, احسن الكورولا عليها العين اليومين دول هههههه
عرض للطباعة
هو في واحد في الحرفيين اسمه حسن دبوس بيشتغل في الزيرو ممتاز وهاتي الفانوس من التوكيل
واسألي التوكيل الاول علشان ثقارني الاسعار
شكرا على نصائحك الدائمة يا أ/ أبووليد . هو حضرتك تعرف سمكري كويس قريب من المنيل أو المهندسين
يعني عشان حرام زي ما ناس قالت و كمان دلوقت بأفكر أدفع 5000 جنيه في السنة و لا أصلح الفانوس باقل من كده كتير؟
ربنا يستر على عربياتنا جميعا ... تعرف حضرتك أنا ماكنتش عايزة أجيب فيراني لأن كنت كل ما أشوف كرولا فيراني ألقيها مخبوطة (الظاهر ده اللون اللي عليه العين هي كل ألوانها تحفة بس اللون ده مختلف عن الفيراني اللي في باقي العربيات) بس أعمل ايه ده اللون الوحيد الي كان متوفر في اليوم اللي اشتريت فيه هو و الأحمر و الحمراء كانت فيها خبطة في السقف.
أنا كنت عايزة أسأل اجيب الفوانيس Leds منين و أركبها فين؟
ألف حمدالله على السلامة ...
وكده الآراء اللي بتقول ما أصلحهاش كترت بس ليا سؤال كده مش ممكن لجنة توقفني و خصوصا اني باسافر بيها كتير؟
ربنا يستر علينا جميعا...
بس هي فعلا الكرولا بتاخد العين أنا بابا كان عنده كرولا زمان و بجد كنت بأستغرب من كم المرات اللي بتتخيك فيها العربية ده و خصوصا لما نكون لسه مصلحنها ... (بس للأسف ما افتكرتش الحكاية ده غير لما اتخبطت)
و كل سنة و انتم طيبين و رمضان كريم
ايوة عارفه مرة رحتله عشان فى حكة فى الباب طولها لايتجاوز 6سم قالى هاخد 250 جنيه وقال ايه هاتها بعد يومين عشان هو مش فاضى وكمان هارش على حسابى راح واحد جارى سواق ابن حلال ودانى عند واحد فى مدينة نصر ردها على البارد عارف خد كام.
20جنيه و5 جنيه اكرامية وكان بيقول 40 وكنت خلاص هاطلعها لولا ان صاحبى السواق فاصل معاه .
الحمد لله انها جت على قد كده والافضل التوكيل السيارة لسه جديده
بالنسبة للسمكرة انا شايف ان اقرب واحد ليكى مركز الدولية للسيارات بتاع استاذ محمد عزت وهو عامل اعلان هنا فى المنتدى انا مرحتش عنده قبل كده بس الناس بتشكر فيه انا اللى عملت عنده العربية كان فى مدينة نصر وبالتحديد اخر الأوتو ستراد الشارع اللى بعد بنزينة موبيل اول ورشة على الشمال وهو راجل امين بس فاصلى معاه لو رحتى ولو منفعش تترد على البارد متعمليش فيها حاجة خالص .
بالنسبة للفوانيس الled ممكن تلاقيها عند عرفة جابر.
وصعب اصلا ان عربية ملاكى حد يوقفها وعشان خبطة انا مش شايف انها كبيرة.
وبالنسبة لموضوع التأمين فى بدائل احسن من كده وحلال ممكن ال5000 دول تحطيهم فى بنك اسلامى واللى يطلع كل سنة ممكن تعملى بيه حاجة فى العربية او ممكن تعملى ادخار من المرتب وتخليه للعربية.
قدر الله مشاء فعل...أحب أؤلك أنا معايا ياريس و بعد ٣ اسابيع طلع عل محور و دخل فالرفرف عندي مكربص. بوزلي الرفرف...عشان اتكسر اضطريت اني أغير مع إن كان ممكن يتسمكر عامةً لو حترشي فالتوكيل تكلفة القطعة ٣٠٠ جنيه يعني الرفرف ٣٠٠ و عليه طحبيش باءة فك و سمكرة والذي من يعني حتعملهة بتاع ٤٥٠ جنيه
على رأي عادل امام
احنا الحكمة ما يهمناش أي معزة.........
يخبطوا و يجروا أحسن ما كانوا يقفوا و يعملوا مشكلة عالفاضي و يعملوا محضر ركن سيارة في الطريق العام
ايوة يا جماعة ما هو مش كل حاجة نغلط فيها الشرطة
يعني دي عربية جديدة ماشي ما قلناش حاجة......واقفة في الشارع بتعمل ايه؟؟؟ايه اللي مشاها في الشارع حد يفهمني!!!
مدام أصحابها وافقوا انها تنزل الشارع يبئى تستاهل و يستاهلوا...........و ربنا يلطف بينا و يجعله عامر