الموضوع: Top 10 muscel cars ever made

المشاركة الأصلية كتبت بواسطة Ahmed0Nouh

بما انك بتحب اصوات المواتير خد اسمع دى تصبيره

4shared.com - online file sharing and storage - download motor.mp3

واستنى منى هديه هتعجبك قوى

ده صوت ال Bugatti Veron صح؟؟

المشاركة الأصلية كتبت بواسطة electrondevil

ده صوت ال bugatti veron صح؟؟

فعلا , استاااذ

كل ما اسمعها احس ان المايك اللى سجلو بيه هيبوظ من قوه الصوت

المشاركة الأصلية كتبت بواسطة ahmed0nouh

فعلا , استاااذ

كل ما اسمعها احس ان المايك اللى سجلو بيه هيبوظ من قوه الصوت

فين الهديه بقى؟؟؟

المركز الثامن: Dodge Charger Daytona 1969

ودي تاني عربيه في التصنيف بتاعنا إتعملت سنة 1969.

شركة General Motors فجأه شطحت بعربيات Muscles كتير سنة 1964 و1965 زي Pontiac وBuick وOldsmobile, فقررت شركة Chrysler دخول المنافسه بالعربيه الDodge Charger سنة 1966.

طبعا كلنا عارفين إن الDodge أحد الماركات اللي بتنتجها شركة Chrysler المعروفه. الCharger تحديدا إبتدى إنتاجها سنة 1966 لحد سنة 1974 ودي مبنيه على الChrysler B Platform وده كان العنصر الأساسي لكل العربيات الدفع الخلفي اللي أنتجتها Chrysler من أول سنة 1962 لحد سنة 1979 لكل الماركات اللي بتنتجها زي Dodge و Plymouth وكانوا كلهم مبنيين على نفس الشاسيه.

من أول سنة 1975 الCharger مابقتش B Platform بقى فيه حاجات تانيه زي الL Platform ودي كانت عربيات hatchback صغيره إلى حد ما.

الجيل الأول من الCharger تميز بموضوع الفوانيس اللي بتتفتح وتتقفل (Folding) وسواء مفتوحه أو مقفوله بتبقى مع الشبكه حته واحده.

ونزلت بالمحركات التاليه:

5.2L V8 320HP

5.9L V8 265HP

6.3L V8 335HP

7.0L HEMI V8 425HP يعني حيوان قاعد تحت الكبوت, هابقى أحكيلكوا القصه بتاعة الHEMI دي باعدين.

وسنة 1966 لوحدها إتعمل 37344 عربيه, وفي السنه اللي بعدها لغوا الموتور ال5.9L وزودوا الموتور ال7.2L V8 وده كان 375HP بس (خدت بالك من "بس" دي) عشان ده مش HEMI.

الجيل التاني إحتفظ بموضوع الفوانيس الأماميه برضه, غير كده, الشكل كله متغير تقريبا وكان المحركات المتاحه:

5.2L V8 230HP

6.3L V8 290HP

6.3L V8 4-Barrel Carburetor 330HP

ونزلت بOptional Package اسمها R/T أو Road/Track وكان المحركات المتاحه:

7.2L V8 375HP (Magnum)

7.0L HEMI V8 425HP

سنة 1969 ظهرت الCharger 500 ودي إتعملت مخصوص عشان سباقات الNASCAR بس للأسف الشديد Ford حطت عليها وبقى شكلهم وحش قوي. قاموا Dodge ماسكتوش بقى, راحوا نازلين بالوحش الكبير بتاعنا النهارده Dodge Charger Daytona , الإسم إتاخد من إسم مكان في ولاية فلوريدا كان بيتعمل فيه سباقات كتير ودي طبعا كانت R/T وشالوا بقى الحوارات بتاعة الفوانيس والشبكه والكلام ده وظبطوا الAerodynamics بوش صاج إنسيابي تماما والفوانيس بقت تفتح وتقفل لفوق عادي وسبويلر ورا عشان الثبات.

وفعلا كسبت أول سباق إشتركت فيه وحطت على Ford. وكانت أول عربيه Stock تكسر حاجز ال200mph على الtrack.

إتعمل منها 503 عربيه منهم 70 بس بالحيوان ال7.0L HEMI V8 والباقي 7.2L V8

تخيلوا بقى العربيه دي إعتبرت في الوقت ده شكلها وحش وفضلت في المعارض لحد سنة 1970 و1971 مش بتتباع وعملوا عليها تخفيضات جامده جدا عشان يخلصوا منها (حسبي الله ونعم الوكيل).

Specifications:
Engine: 7.0L HEMI V8

Power: 425HP @ 5000 RPM

Torque: 490NM @ 4000RPM

Acceleration: 0-60mph 5.7 sec

Top Speed: 320km/h


وابقوا قابلوني في الحلقه الجايه مع المركز السابع