Sx4 - نيو سيراتو - هوندا سيتى - مازدا 3

**dandoun** · 18-08-2009 03:17 PM

ما هى افضل سيدان فى الرباعى : Sx4 - نيو سيراتو - هوندا سيتى - مازدا 3 مع توضيح الاسباب

و ايهم افضل فى :

- بلد الصناعة
- قوة الموتور
- الصاج (الوزن) + الثبات فى السرعات
- الكماليات (ايرباج - سى دى - .....)
- خدمة ما بعد البيع
- توفر قطع الغيار و اسعارها داخل و خارج التوكيل
- اعادة بيع

**tarekabosdera** · 18-08-2009 11:54 PM

كيا نيو سيراتو عربية ممتازة بس يعيبها ان عفشتها من الخلف مش متعدد الأذرع. بس سمعت انها مش مشكلة في الثبات .

**ahmed4000** · 19-08-2009 04:29 PM

والله انا كنت محتار الحيرة بتاعتك دى (ماعدا المازدا لان اعتقد سعرها اعلى) واستقريت ان شاء الله حجيب الهوندا
لكن كلهم حلوين فعلا وايا كان اختيارك ان شاء الله حيبقى خير

**sherifahmed** · 19-08-2009 04:52 PM

كيا نيو سيراتو عربية ممتازة بس يعيبها ان عفشتها من الخلف مش متعدد الأذرع. بس سمعت انها مش مشكلة في الثبات

حضرتك ممكن تؤلى يعنى ايه متعدد الاذرع؟

**tarekabosdera** · 20-08-2009 01:22 AM

المشاركة الأصلية كتبت بواسطة sherifahmed

حضرتك ممكن تؤلى يعنى ايه متعدد الاذرع؟

يعني نظام التعليق الخلفي ( ناحية الكاوتشين اللي ورا ) متعدد الأذرع مما يؤدي الى افتراش العجل على السرعات العالية اللي بيدي ثبات عالي جدا للعربية.

ده اللي انا اعرفه ولو في حد يعرف يشرح الموضوع ده بوضوح يتفضل

**Ghost2** · 20-08-2009 01:28 AM

انا مش موافق على الكلام ده ... انا شايف ان الهوندا تكسب وده عشان الصناعة ياباني مع ان التقفيل تايلاندي .... الموتور هو اشد واحد فيهم واتحدي ان الهوندا في التسارع اقواهم مع انها 1500 بس هي اسرع لعوامل كتير منها الوزن وتكنولوجيا الموتور اللي بيديك احسن اداء مع اقل استهلاك بنزين .... غير كده كمان الهوندا ثابته والصاج حديد .... قطع الغيار انا شايف انها معقوله بالنسبة لعربية في الفئة دي مع العلم قطع غيارها معمرة جدا جدا جدا ... التوكيل صعب انك تلاقي مهندس هناك او حد تكلمه ميكونش فاهم ,, الكماليات سنتر وتكييف تلاجه .. وكاسيت سي دي .. يو اس بي ... اي بي اس .. اير باج ...فرش مريح جدا ,,, رؤية امامية وخلفية واضحة ...عدادات رهيبة ... موتور تضربله تعظيم سلام وانت واقف قدامه

انا شايف ان عبيها الوحيد ان السنتر بتاعها مفيهوش ريموت وممكن تركب بتاع السيفيك بحوالي الفين جنيه