يا رييييييييت خبير في 2000 2e

**anasshady** · 18-08-2009 03:27 PM

يا ريت يا جماعه حد ينصحني عندي مشكلتين مش عارف سببهم وكل ما اروح لواحد يقولي حوار انا معايا جولف 2 موديل 90 موتور 2000 2e

اولا لما ادوس بنزين واسيب ال rmp يفضل يطلع فوق الواحد وينزل قريب للصفر كذا مره وساعات كتير بتبطل ولو ماشي براحه ودايس بنزين سنه بسيطه ودوست دبرياج ساعات ال rmp بينزل مره واحده والعربيه تبطل وللعلم هيا مش دايما كده ساعات وساعات وانا لسه مغير الافوميتر من فتره والعيب ده كان موجود قبل ما اغيره ولسه موجود في ناس بتقولي الافو وفي ناس بتقولي حساس البوابه وهو ممكن يكون من الفيشه بتاعت الحساس ولا لأ

ثانيا لما بكون طالع بالعربيه اولاني على السلنسيه بس واجي ازود بنزين لازم فيها نتشه علشان مخلهاش تنتش بلمس دبرياج

يا ريت افاده ارجوكم وشكرا

**ahmed_gman** · 18-08-2009 04:45 PM

المشاركة الأصلية كتبت بواسطة anasshady

يا ريت يا جماعه حد ينصحني عندي مشكلتين مش عارف سببهم وكل ما اروح لواحد يقولي حوار انا معايا جولف 2 موديل 90 موتور 2000 2e

اولا لما ادوس بنزين واسيب ال rmp يفضل يطلع فوق الواحد وينزل قريب للصفر كذا مره وساعات كتير بتبطل ولو ماشي براحه ودايس بنزين سنه بسيطه ودوست دبرياج ساعات ال rmp بينزل مره واحده والعربيه تبطل وللعلم هيا مش دايما كده ساعات وساعات وانا لسه مغير الافوميتر من فتره والعيب ده كان موجود قبل ما اغيره ولسه موجود في ناس بتقولي الافو وفي ناس بتقولي حساس البوابه وهو ممكن يكون من الفيشه بتاعت الحساس ولا لأ

ثانيا لما بكون طالع بالعربيه اولاني على السلنسيه بس واجي ازود بنزين لازم فيها نتشه علشان مخلهاش تنتش بلمس دبرياج

يا ريت افاده ارجوكم وشكرا

السلام عليكم ورحمة الله وبركاته
انا مش خبير ولا حاجة ولكن كنت مشترك معاك فى هذا العيب بالضبط ولفيت كتييييير ولكن الحمد لله ربنا هدانى وهدى سيارتى بعد لما روحت لرشاد فى الحرفيين وغيرلى الاير فيو مييتر الى هو (الافو) والخرطومالكبير بتاعه وبعدين انا غيرت البوجيهات 3 شمعة بالرقم بتاعها بتاع العربية ال 2e وهى

( ngk (bur 6et
اهم ما فى الموضوع هو رشاد فى الحرفيين ومواعيده بعد الساعة 12 ليلا وان شاء الله خيرررررررررررررر
واى حاجة انا تحت امرك

**anasshady** · 18-08-2009 04:48 PM

شكرا يا احمد جدا بس انا كنت عايز اعرف انه عيب فيهم اللي كان عندك والافو انا لسه جايبه قريب هضطر اغيره تاني ولا لأ والحوار ده اتكلف معاك كام ؟ شكرا جدا مره تانيه

**ahmed_gman** · 18-08-2009 08:56 PM

السلام عليكم ورحمة الله وبركاته

شوف يا انس هو العيوب كلها مرتبطة ببعضها لان كلها حلقة واحدة مرتبطة بالكونترول يونت
اولا : الاير فيو ميتر الى حضرتك غيرته شكله للاسف بايظ ومحتاج يكشف عليه عند رشاد

ثانيآ : اى حاجة هتيجى بعد كده بسيطة ممكن يكون البوجيهات او سلك البوجيهات مش اصلى او الفلتر بتاع البنزين او البوابة عايزة تتنظف بالسبراى الخاص بها او الاى دل
انا لسه مغير الاير فيو والخرطوم الكبير بتاعه من عند رشاد 400+150+50مصنعية=550ج
وبعدها جبت البوجهات ال NGK BUR6ET ب60ج
ةالحمد لله بقت 100 100 مع التكييف كمان 100 100 ما شاء الله لا قوة الا بالله ولله الفضل والمنة

**vw3** · 10-10-2009 06:49 PM

anasshady
انت بتتكلم عن عربيتي بالزبط انا غيرت كل حاجة و مافيش فايدة, المهم كنت في يوم مزاجي رايئ فضلت أضبت الماتور بإيدي و أطلع أجرب لغاية ما ظبطت و بقت تمام...يمكن انت عندك نفس الموضوع, شوف كدة مع العلم إنني رحت لـ 100 واحد في الحرفيين و براها و كل واحد يظبته و يقولك كدة تمام, لو واحد أو اتنين حمير و انا اللي فاهم طب و الباقي حمير بارضوا ؟!!! انا مش فاهم بس شوف ظبتة الماتور يمكن تكون بسيطة زي عاندي.

**bolvegari** · 11-10-2009 08:02 AM

اولا المشكله بتاعت ان الـ rbm يفضل يطلع وينزل ده مش عيب اير فلو ميتر عن تجربه يا باشا ورح لرشاد فى الحرفيين وقوله انا عندى نفس العيب الى كان عند مروان الى معاه الجولف 3 السماوى

يا باشا ده عيب ايدل idel هو المسئول عن ثبات الـ rbm وحكاية النتشه الى فى اول الدوسه دى

عايزه ظبط من الاير فلو ميتر

ثانيا تأكد ان الاير فلو ميتر الى عندك بتاع ال2000 2e لان 90% من الموجود فى المواتير بتاع ال 1800 واسأل رشاد على الحكايه دى لانه شبه مش موجود

ثالثا تأكد ان الكنترول معزول تمام عن الماء لان الكنترول بيعمل كده برضه لو ان فيه ماء جت عليه

واتمنى اكون افدتك