سؤال بخصوص التمبرا الايطالي

**smart_dr84** · 18-08-2009 08:08 PM

كل سنة وانتم طيبين ، لو سمحتوا يا جماعة كنت عايز اعرف التمبرا الايطالي آخرها موديل كام؟ و إزاي اعرفها ان هي ايطالي او تركي؟

**galilio_mad** · 18-08-2009 08:59 PM

اخر الايطالى 95 , و تركيا كانت تجميع مش انتاج , البرازيل هى اللى فيها مصنع و برضو لاسواف امريكا الجنوبية و عملوا تمبرا كوبيه
التركى حسب ما انا فاكر كان كله للسوق المحلى و مش للتصدير

الحقيقة مش عارف ممكن تفرقهم ازاى , انا ما شفتش تمبرا تركى فى حياتى و مع انى ركبت بتاع 40 تمبرا بس معنديش اسس للمقارنة

هو حضرتك لسه بتدور و لا قدامك حاجة و بتستفسر عنها ؟؟؟

**smart_dr84** · 19-08-2009 07:12 AM

شكرا لردك
أنا عايز اشتري تمبرا ايطالي ، بس عرفت من موقع ويكيبيديا ان اخرها 96 واللي بعد كدة تجميع مصري بس كلمت ناس عارضين عربيات للبيع موديل 98 و بيقولولي انها ايطالي عشان كدة عايز اعرف لما ادور في العربية , ايه اللي هيأكدلي انها ايطالي؟؟؟

**smart_dr84** · 19-08-2009 07:12 AM

يا ريت يا جماعة لو حد عنده تمبرا بعد 96 يرد عليا

**galilio_mad** · 19-08-2009 11:35 AM

مفيش ايطالى بعد 95 و شهرين او ثلاثة من 96

شوف الموتور لو كربراتير تبقى مصرى , لو هاف انجكشن تبقى اوائل التسعينات و ملعوب فى ورقها
و ما فيش اختيار تالت , و البرازيلى عشان تيجى مصر حتتكلف اضعاف اللى بييجى من اوروبا فبالتالى محدش جابها ولا حيجيبها

انا شفت من كام سنة , اول الهوجة بتاعة المعاقين , عربيات بتيجى بموديلات اقل عشان الجمارك
كان فى تمبرا فول اوبشن ورقها 91 و العربية 94 و الجمارك و المرور بياخدوا بالورق اللى جاى من بره
و فرق الجمرك ايامها كان حوالى 4000 ج

**caysersosaih** · 19-08-2009 01:59 PM

ما فيش فرق كبير بين الايطالي والمصري المهم الحالة
انا اتفرجت علي 3 عربيات تمبرا 93 وفي الأخر اشتريت 1999

**smart_dr84** · 19-08-2009 04:53 PM

شكرا يا جماعة على اهتمامكم
انا عايز اشتري تمبرا 1600 بس مش لاقس واحدة حالتها كويسة وسعرها مناسب
اللي لقيتها كدة موتورها 1400 ، ومش عارف ده هيبقي بطيء في السحب ولا لأ

**galilio_mad** · 20-08-2009 12:14 AM

على فكرة انا سقت الاتنين و صدقنى مفيش فرق كبير بينهم , بس مع التكييف ال 1600 احسن شويتين
ال 1400 بتيقى صعبة شويه مع التكييف , بس لو حضرتك سواقتك هادية مش حتحس قوى بالموضوع

ممكن تجرب العربية و تلف بيها شوية بدون التكييف او بيه ان وجد و تحكم ان كانت ماشيه كويس و لا لأ

**ams** · 21-08-2009 02:50 AM

ايطاليا1990الى1996
مصر 1997الى 2000
الفرق بين المصرى والايطالى غير الموديل ان عدادات الايطالى ديجيتال او انالوج و عدادات المصرى انالوج فقط و المصرى يزيد فيها مساند للراس فى الكنبة و مسند فوق فرامل اليد