السلام عليكم
كنت عايز أعرف بعد إذن حضرتك طبعا انت اتجوزت وانت عندك كام سنة :?: :?:
ويا تري تفكتر ايه هو السن المناسب للجواز :?: :?:
في إنتظار تعليقاتكم
8) 8) 8) 8)
عرض للطباعة
السلام عليكم
كنت عايز أعرف بعد إذن حضرتك طبعا انت اتجوزت وانت عندك كام سنة :?: :?:
ويا تري تفكتر ايه هو السن المناسب للجواز :?: :?:
في إنتظار تعليقاتكم
8) 8) 8) 8)
لسة متهورتش بحمد الله :)
أنا برده لسه متهورتش....بس نفسى
و السن المناسب..
استنى عليا كده حسبلك أنا عندى كام سنة و كام شهر و كام يوم و يبقى ده السن المناسب طبعا :D
- لسه متهورتش باردووووو زى نادر
بس فى وجهه نظرى ان مافيش سن محدد
بس يستحسن من سن 23 الى 25
أنا متجوز وانا عندى 28 سنة وأعتقد ان أحسن سن للجواز يكون بعد التخرج ب 3-4 سنين تكون ملامح حياتك بدأت تضح ، لكن لو الماديات مش فارقة مع اللى هايتجوز يبقى من 23-25 سنة كويس.
احسن سن يكون 29 او 30 سنه علي ما تكون شبعت من حياه الشباب
اتجوزت سنة 2001 وكان عندي وقتها 26 سنة ، وربنا رزقني بأميرة 5 سنين ، ودارين 2.5 ..
بالفعل أحسن سن للزواج عندما يتضح مستقبلك بعد أربع أو خمس سنين من التخرج .
وربنا يوفقكم جميعاً للزوجة الصالحة .
تقبلوا خالص مودتي
لم افعلها بعد
بس انا شايف كل ما يكون بدرى كل ما يكون احسن بس لازم يكون فى شغلانة
امال ابهدل بنت الناس معايا
انا لسه بس اعتقد 28 مناسب :D
لو مقدرتك المادية كويسه...يبقي من سن ١٨
أنا شايف بعد 26 سنة يبقى كويس و كل ما تتأخر في الزواج يكون أحسن ............ من ناحية الحرية و و حياتك المادية تكون اتحسنت شوية ........ و ده رأيي .......... أما السن بدري بيكون العريس و العروسة أطفال !!!!!!! و لا يقدروا حياة الزواج اللي هي حياة صعبة و كلها مسئوليات
انا إتجوزت و أنا عندى 24 سنة بعد تخرجى بأربع سنوات
أنا و لله الحمد , اتجوزت من سنة , و انا عندى 27 سنة , بعد حوالى 5 سنين من التخرج . من هندسة عين شمس ..
أمال أنا لسه مجبتش عربية ليه :cry: :cry: ؟! ماهو كان الاختيار يا اما اتجوز , يا أما أجيب عربية , و انا اخترت الجواز , و الحمدلله اختيارى كان سليم :cry: :cry: ( عشان بس الحكومة واقفة جنبى :chain: ) , بس الدور دلوقتى بقى على العربية .
يا جماعة أنا بهزر طبعا , مفيش أحسن من الزواج و الاستقرار ..
و كما أوصانا النبى ( صلى الله عليه و سلم ) :
( يا معشر الشباب من استطاع منكم الباءة فليتزوج، فإنه أغض للبصر وأحصن للفرج )
اتجوزت فى سن الخامسة والعشرون تقريبا ومن رأى ان هذه هى السن المناسبة للزواج طالما نقدر عليه.
+100000000000000000اقتباس:
المشاركة الأصلية كتبت بواسطة أبوسيف
اتجوزت وانا عندي 23
لسه مش اتجوزت
السن المناسب هوا 23-26
بعد التخرج بسنتين علي الاقل
نفسي اكمل نص ديني :oops: :oops:
انا اعتقد بين 26 و 28 كويس جدا
30 ;)
+10000000000000000000000000000000000000000اقتباس:
المشاركة الأصلية كتبت بواسطة Hazemabdallah
أعتقد ان الزواج ليس له سن رقمى معين
انما الزواج بالنضوج
النضوج الذهنى
النضوج العاطفى
النضوج المادى
و اهمهم "من وجهة نظرى"
النضوج الدينى
و النضوج ليس مرتبط بسن معين ايضا
بل انه يتشكل حسب معتركات الحياه مع كل واحد
وفقكم الله لما فيه الخير
بعد ما تشبع من حياه الfreedom :twisted:
اقتباس:
بعد ما تشبع من حياه الfreedom :twisted:
+1 :D :D :D
اللى بيقول انها حرية يقصد إيه؟
إوع تكون تقصد حرية التعرف على الآخرين والأخريات!!
فى الحالة دى عدم الحرية أحسن..
ولو تقصد بالحرية حرية السفر والانتقال والسهر وصرف الفلوس..
أقول لك يا غلبان دانت وحدانى ومتشحطط.. روح شوف حد يقف معاك ويسندك ويشاركك فرحتك ودمعتك..
ولو خايف من العيال ودوشتهم.. تبقى بتهرج..
ما فيش حاجة فى الدنيا أحسن من الشوية اللى بتلعب فيها مع ابنك ولّلا بنتك وتسمع ضحكته وانت بتشيله وتطيره فى الهوا أو وإيديه الصغيره لفة حواليك حضناك..
العزاب دول غلاااااابة وعمالين يصبّروا نفسهم!!! :-)
3la fkra ba2a klamak sa7 geddan
ana msh 3arfa lih elnas bt7'af mn elgawaz 3la e3tbar eno ta2yeed ll 7oreya
elly wassal elmafhoom da yob2a weghet nazaro 3'alat 7'ales w kman elly mwafe2 3la elkalam da 2bl ma ygarab
انا اتجوزت و انا عندي 33 سنة من سنة و نص يعني
اتأخرت لظروف مادية لكن السن المناسب اعتقد قبل ال 30 قدر الامكان
صدقوني الجواز نعمة و احسن من العزوبيه 100 مرة بس تحسن الاختيار و اظفر بذات الدين
بالمناسبة العزوبية التي تعني الحرية اللي بالي بالك دي مصيبة و تذكر افعل ما شئت كما تدين تدان لان لي اصدقاء من هذه النوعية و خلفوا بنات و من ساعتها عندهم وسواس و خوف من القصاص
the more earlier is better, i thinke 23/27 is good
انا مع الراى القائل ان الزواج ليس له سن معين ومن الافضل لا شاب ان يتزوج طالما انه قادر على الزواج وناضج فكرياً وعقلياً ويستطيع ان يقدر معنى الحياة والمحافظة على بنات الناس لانها فعلاً مصيبة ان نجد من اكثر البلاد طلاقاً هى مصر ومن هم فى سن صغيرة ، وطبعا هؤلاء لم يدركوا بعد معنى الزواج والحياة ، وطبعا تزوجوا عن طريق اولياء امورهم وكانت لهم الحياة وردية لم يتعبوا انفسهم فى تجهيزات او مهور او شقق او اى شىء يتصل بالزواج ووجدوا كل شىء جاهز للاسف !وارى الا يتزوج اى شاب الا بعد ان يشارك ولو بنسبة ضئيلة فى مستلزمات فرحة حتى يحس بقيمة ما يقبل علية من مسئولية !!!!!!!!!!
السن المناسب يكون بعد 60 علشان يكون طلع معاش ويعرف يربي العيال
لو اتجوزت وانت اقل من 30 ده اسمه انتحار ولو بعد 30 ده اسمه استعجال
انما لو انت في 40 او 50 هتكون مش فاضي علشان مكانتك الوظيفية ومركزك الاجتماعي
علشان كده احسن سن 60 تكون طلعت على المعاش ومعاك فلوس تجوز وممكن تتجوز 2 لو حبيت
كله بفلوسك :):):)
كل وقت وله أذان، فكما ان كلام طفل فى السابعة عن الزواج يعتبر محض جنون مطبق فإن بقاء رجل فى الأربعين بدون زواج شئ لا يستوعبه العقل بسهولة
وعموما فإن سن مقتبل الشباب فى بداية العشرينات سن يرغب فيه الإنسان فى اكتساب تجارب ومعارف حياتية والتحرك فى كافة الإتجاهات وتكوين شخصيته المستقلة، وبالتالى فغن فكرة الزواج فى هذا السن تمثل بالنسبة للكثيرين اعاقه عن تحقيق ما يرونه هدفا لهم فى تلك المرحلة من التحرك والتجريب والإنطلاق، لكن بنفي المنطلق فإن الإنسان متى اكتفى من تجارب الحياه العشوائية وخلق لنفسة شخصيته وطريقه فى الحياه واسلوبه فإنه يشعر بأنه يحتاج لرفيق يشارككه الدرب كما يشعر بقدر من المسئولية والنضوج يتيح له التحمل الكامل لمسئولية رفيث الدرب ويحدث هذا عادة فى اواخر العشرينات وبدايات الثلاثينات وبالتالى فإننا نجد ان الشاب الذى كان فى بدايات عشريناته يرى الزواج بعبع يجب ان يفر منه فراره من الطاعون، نجد نفس الشاب يسعى حثيثا خلف الزواج بعد ان اصبح له شخصيته واسلوبة ودخله المادى ومقومات حياته
انا اتجوزت وانا عندي 30 سنة واعتقد ان ده سن مناسبة خصوصا ان متطلبات الزواج ليس من السهل توفيرها لكن اللي يقدر وعنده الامكانيات انه يتجوز من سن 27 يبقى معقول لكن اهم شيئ انه يحسن الاختيار.
و الله يا جماعة العندو القدره ان يجوز يبقي من 24 سنة ده سن كويس للجواز
لمعندوش قدرة يستني لسن 28 او 30 تبقي العمليه وضحت بنسبه له
أنا اتجوزت وأنا عندى 27 سنة و أعتقد ان أفضل سن للزواج هو عند اكتمال النضوج العقلى والفكرى وأيضا الحصول على الامان و الاستقرار فى العمل حتى يستطيع أن يكون منزل ويقوم بالتزاماتة تجاة أسرتة وأولادة ويبدأ سن النضوج العقلى وتحمل المسؤلية و هو أفضل سن للزواج من سن 26 : 29
الحمد لله تزوجت في 28/8/2006 و كان عمري حوالي 25 سنة و كنت متخرج من 2003 و شغال من 2004 و الحمد و الشكر لله تعالي حاليا معي مي مصطفي عندها 46 يوم
طبعا يا جماعة اكون كذاب لو قلت اني تزوجت بمجهودي لأني و بصراحة بدون مساعدة والدي كان زماني لسه عازب
و من خلال تجربتي الشخصية قانا انصح اي شاب عنده القدرة علي الزواج و لا اقصد هنا القدرة المادية فقط و لكن معها القدرة علي تحمل المسؤولية و اعباء الحياة الزوجية لأنها نقلة مختلفة تماما عن حياة العزوبية فانت بعد الزواج مرتبط بانسان اخر معك و يجب ان تغير كل حياتك لتتوافق مع الطرف الأخر و هو الزوجة حتي تسير الحياة بشكل جيد
طبعا في بداية الزواج حسيت بالفرق بين الحياة ايام العزوبية و ايام الزواج اي نعم قبل الزواج كنت حر نفسي و اخرج في اي وقت و ارجع في اي وقت و ما فيش قيود اصرف فلوس بدون اي قيود لكن اتعودت علي الحياة الزوجية و الحمدلله لما ربنا رزقني ببنوتة حسيت بقيمة الزواج بدري وانك ممكن تربي اطفالك وانت شباب مش تكون عندك 50 سنة ولسة ابنك او بنتك في الحضانة علي عكس لما تكون عندك 40 سنة وابنك في الثانوية او داخل الجامعة و لك ان تتخيل الفرق
وفي الأخر نصيحة مني لما تيجي تتجوز ما تبصش علي الجمال وبس ركز علي تدينها وطباعها و اسلوبها في الحياة و كمان اهم حاجة اهلها لأنها لو من ناس محترمين هتكون محترمة و العكس صحيح لأن حالات الطلاق دلوقتي بقت كتيرة جدا في مصر للأسف
و نصيحة تانية مهمة جدا جدا جدا و عي لما تيجي تتجوز اختار اللي بتحبك لان الست لما بتحب راجل بتبلعلة الزلط
في النهاية اتمني لكل الشباب ان يعثر علي بنت الحلال اللي تهنية و تسعدة و تقر عينه لاننا لصراحة في زمن كله فتن و مغريات و اكيد انت شايف اللي بيحصل دلوقتي بصراحة قلة ادب واسف في اللفظ
شكرا و اسف علي الإطالة
انا اتهورت وعملت العمله دى وانا عندى 30 سنه
وكنت زعلان قوى قبلها انى وصلت 30 سنه ومااتجوزتش
لكن ولا يوم من ايام زمان
لكن فى النهايه هو قدر ولابد منه وكلنا لها هنروح منه فين ؟
انا الحمد لله لسة بعقلى
ومش ناوى فى الوقت الحالى
30 سنة وربنى رزقنى بمحمد
الجواز نعمة من نعم ربنا علينا
وفى الحقيقه مش عارف عندى احساس غريب بقالى حوالى 6 شهور
ايه بقى بفكر اتجوز تانى
27 ولسه
بس ناوي ادعولي
الحمد لله اتجوزت عندى 26 سنة , وبصراحة كنت بحلم انى أتجوز أول ما أتخرج لكن على ما استقريت وقدرت أتقدم لحد :)
السن المناسب هو السن اللى يكون فيه نضوج عقلى وعاطفى .. يعنى بصراحة واحد من شباب اليومين دول لو لسه فى الكليه وعنده مقدرة أنه يتجوز أكيد هيتجوز أول واحدة تدخل السكشن برجليها اليمين :)
زمان كان الصحابة بيتجوزوا من 14 و 15 سنة , بس كان الواحد منهم بيقود جيش مش أسرة
(الرسول صلى الله عليه وسلم اتجوز عنده 25 سنة ودا لأنه كان فقير)
وبصراحة الزواج نعمة نعمة نعمة لا يقدرها إلا من جربها بعد حياة العزوبية والبهدلة (خاصة لو رزقك الله بزوجة بنت حلال تجد فيها السكن والمودة)
وبصراحة كلام العزاب بتاع الحرية وحياة الإنطلاق دا بصراحة كلام فاضى بيصبروا بيه نفسهم (او بيضحكوا بيه على نفسهم) لما يتجوز ويلاقى كدا ان فى كائن قاعد مستنى تشريف سعادته عشان ياكل معاه ولما يلاقى ابنه أو بنته بتضحكله هيعرف إن حياته بقى ليها معنى وبجد هيندم أن متجوزش بدرى !!!
قابلت فى شغلى بعض الأشخاص (من الحرفين - واحد سواق نصف نقل والتانى سواء عربية فى شركة كبيرة) اتجوزا وعندهم 19 سنة , والله ثم والله وجدتهم مختلفين تماما عن غيرهم (مبيشربوش سجاير محافظين على الصلاة وفعلا حسيت انهم عاقلين جدا غير بقيه زملائهم )
كما أن لى نظرية شخصية إفتكاسية ..(الله سبحانة وتعالى حدد سن معين للبلوغ الجنسى ) لو دققت النظر قليلا فى من تزوج فى هذة السن أو قريبا منها لن تجدهم مروا بأى من مشاكل مرحلة المراهقة والتى أشعر شخصياً أنها مصطلح حديث , فلم نسمع عن مثل هذة المشاكل مثلا فى جيل الصحابة , ولم نجد فى إحاديث الرسول صلى الله عليه وسلم أو سيرة الصحابة ما يخص هذة الفترة (مع أهميتها وكثرة مشاكلها) وذلك لأنهم لم يعانوا منها , فالزواج يحل المشكلة الجنسية التى تكون المأرق الأول والثانى والثالث و ......
لمن هو فى هذة السن , كما انه يمارس سلطته فى إدارة أسرة فليس محتاج للتمرد لإثبات ذاته , وسيجد من المسئولية ما يلهيه عن سواه من سفاسف الأمور ويساعده على إكتساب الخبرة الحياتية والعمليه سريعا :rolleyes:
لو قارنت بين واد عنده 10 سنين شغال تباع على عربية مكروباص وبين إبنك الى عنده 10 سنين وخريج مدارس لغات (صحيح ابنك يعرف أكثر فى الإنجليزى والعلوم و ......) بس هتخاف تخليه يعدى الشارع لوحده , التانى لو بات فى القسم أظنه هيعرف يتصرف !!
المشكله عندنا انك بتظل فى دوامة التعليم 20 سنة وبعدها تبدأ تتعلم الحياة لما تتخرج
من الأخر اللى يقدر يتجوز بدري ينجز وكما قال رسول الله صلى الله عليه وسلم
"يا معشر الشباب من إستطاع منكم البائة فليتزوج ,فإنه أغض للبصر وأحصن للفرج ومن لم يستطع فعليه بالصوم فإنه له وجاء" أو كما قال رسول الله صلى الله عليه وسلم
ولعلمكم مفيش كائن حيء اليومين دول بيظل أعزب لحد 30 وانت طالع , إلا في بلاد المسلمين وتأخير سن الزواج من مخططات الغرب , وهما بالظبط أول ما الواد والبت بيجيبوا 15 سنه بينجزوا علطوا (فطرة الله - شهوة ومفيش دين يحكمها أو عرف يفرملها )
إحنا بس الكائنات الحية اللى بتنيها للسن ده من غير جواز :(
تزوجوا ....
"ثلاثة كان حقاً على الله أن يعينهم منهم الناكح يريد العفاف "