ياجماعه ساعدوني انا خلاص زهقت
حد يقولي مين احسن الفيات الجراند بونتو الاوتوماتك باكدج 2 ولا سكودا ميني فابيا سبورت تبترونك
انا عيزه اشتري عربيه ومش عرفه اخد قرار
ياجماعه ساعدوني انا خلاص زهقت
حد يقولي مين احسن الفيات الجراند بونتو الاوتوماتك باكدج 2 ولا سكودا ميني فابيا سبورت تبترونك
انا عيزه اشتري عربيه ومش عرفه اخد قرار
في رايي بصراحة الفابيا الاستبترونك لان انا ركبتها في المعرض وبصراحة رياضية وشبابية جدا جدا جدا
أعتقد الفابيا ايضا
الفابيا طبعا
الجراند بونتو باكدج 2 ملهاش حل !!
فابيا
لو مش فارق معاكي المحرك اوي ( الجراند بونتو 1400 سي سي 77 حصان ) الفابيا 1600 105 حصان اعتقد يبقى الجراند بونتو طبعا
شكل اشيك بكتير من جوه و من برة - الفابيا عاملة زي العلبة انا كنب بحب الفابيا الشكل الي قبلها اكتر .
قطع غيار الجراند بونتو حتكون ارخص و شفتها في محلات برة التوكيل .
الجراند بونتو محركها اضعف طبعا بس استهلاك بنزينها اقل بكتير فشوفي انت لو مش فارق معاكي السحب و السرعة العالية يبقى الجراند بونتو .
ميرسي عالرد يا جماعه
بس كنت عيزه اعرف هو موتور الجراند بونتو ضعيف يعني لدرجه تدايق ولا في العادي لأن اصلا البلد مفيش فيها فرصه للجري يعني جوه القاهره عمري ما هعدي ال 140 وده عالدائري مثلا
لكن الجراند بونتو فعلا شكلها احلى وفيها اوبشنز كتييير اوي
بس عيزه اعرف هل الموتور بتاعها سحبه ضعيف اوي؟
مش ضعيف اوي ولا حاجة انا عربيتي 80 حصان يعني نفس الموضوع جوا البلد مبحسش باي فرق بينها وبين السيارت التانية ال 1600 سي سي - علي طرق السفر التسارع بيقل طبعا بشكل ملحوظ بس لحد 120 - 130 عادي جدا .اقتباس:
المشاركة الأصلية كتبت بواسطة lollzlollz
بس طبعا ال 1600 بتبقى مرتاحة اكتر علي طريقة سفر ( المحرك بيبذهل مجهود اقل ) .
اعتقد ان الجراند بونتو جوه المدينة هتبقي كوايسة جدا لانها بتجمع عزم عند 3000 ار بي ام بس وبالذات لو اوتوماتيك وجايباها بنظام الايكو هتبقي موفرة جدا
انما لو هتسافري هاتي الفابيا احسن
لا دى و لا دى ...
هاتى الفورد فيستا الجديدة .....مش حتندمى
سياره كويسه اه لكن سعرها مغالى فيه جداو مش مبرراقتباس:
المشاركة الأصلية كتبت بواسطة wawoo
أنا لو زودت 5000 جنيه أجيب لانسر شارك أوتوماتيك خليجي !!
الفابيا أحسن بكتير
الفابيا طبعا
انا شوفت الشارك الخليجى اللتى تقصدها ....اقتباس:
المشاركة الأصلية كتبت بواسطة myehia105
عاوز اقولك انى انا افضلها على الشارك الهاى لاين كمان ...روح بوص على الاتنين و شوف الفرق بنفسك و حتفهم قصدى .
يا جماعة العربيات على الورق حاجة , و على الطبيعة حاجة تانية خالص .
وجهة نظر حضرتك تحترم طبعا .....
لكن أنا أفضل الشارك ولو معايا ثمنها مش حفكر في أي حاجه تانيه ...
فئه أعلى واعتماديه و توافر قطع غيار بأسعار و جوده كويسه ...
الفيستا بسعرها دخلت فئه تانيه مش بتاعها ...
ومينفعش يتقارنوا ببعض أصلا ....
يا م يحيا كلامك يأكد انك مشوفتيش الفيستا الجديدة.اقتباس:
المشاركة الأصلية كتبت بواسطة myehia105
ما فيش حاجة اسمها فئة اعلى و فئة اقل ,التصنيفات دى كلها تقريبية و استرشادية فقط .
عندك المينى كوبر عربية 1600 سى سى و تمنها 300 الف جنية , وهى عربية ببابين , يبقى لو على كلامك دى عربية دخلت فى فئات كتير مش بتاعتها .
انما الحقيقية غير كدة , فى المينى انتى بتشترى قيمة معينة , مينفعش تقارن باى فئة اخرى .
و كذلك الفورد فيستا , انتى بتشترى قيمة و جودة معينة و صناعة مختلفة .
الفروق فى الجودة و فى الكمليات مختلفة كتير بين لانسر الشارك المزكورة و بين الفيستا .
عموما انتى حرة طبعا فى قرارك , لكن انا كنت افضل انك تنزلى تشوفى بنفسك قبل ما تاخدى قرارك فقط على انماط تقليدية فى التفكير المصرى .
كلام حضرتك صح و غلط في نفس الوقت .اقتباس:
المشاركة الأصلية كتبت بواسطة wawoo
الفئات ليست استرشادية او تقريبية , لكن للاسف الحاجة و الاحتياج هما الي ملخبطين عندنا في مصر .
بمعنى كل واحد عايز يدفع اقل حاجة في اكبر سيارة و اكبر محرك بصرف النظر عن احتياجه لايه بالظبط .
يعني شاب في كلية مثلا بعيدة عن منزله ... شاب مصري ؟ يبقى لازم عربية سيدان 1600 سي سي مهما كان نوعها - النتيجة ايه ؟ استخدام بنزين كتيير جدا علي الفاضي عدم استخدام اكتر من 50% من حجم السيارة و في الاخر استهلاك غير رشيد او صحيح لها .
بينما كان افضله لو جاب فئة السوبر ميني مثلا 1200 او 1300 سي سي كانت سهلت عليه القيادة و فرتله في البنزين و استهلاكها مظبوط .
نرجع لمرجوعنا .
الميني كوبر و الفيات 500 و كذا سيارة كمان تمنهم غالي مش لانتمائهم لفئة معينة و لا اي حاجة ولا هما احسن سيارات في فئتهم و لا حتى يقتربوا لاحسن سيارات بالبعكس في سيارات احسن بكثير بانصاف تمنهم , و لكن الميني من السيارات الايقونية . الي بشتريها مش بيقارن بينها و بين سيارات اخرى لا زي ال Ipod و الIphone كدة .. كلنا نعلم انهم مش احسن موبايلات موجودة و لكن امتلاكه في حد ذات شيء اخر .
نيجي للفيستا و الفابيا و الجراند بونتو .. سيارات اوروبية صغيرة الحجم و كلهم سيارات ناجحة و لكنهم غير ايقونين و بسهولة ممكن تحدد فئتهم او تقارنهم ..
الانسر الشارك بصرف النظر عن كونها سيدان او هاتشباك و لكنها في فئة اعلى " حجميا " مش شياكة او اي حاجة وده فعليا ... كونها احسن او اوحش من الفيستا كسيارة دي حاجة تانية و لكن التقسيم او الفئات موجود وبالذات كمان في السيارات الاوروبية .
الانسر الشارك منافستها هي الفوكس من فورد و البرافو من فيات و الاوكتافيا من سكودا و دول الي في نفس فئتها .
كون الاسعار عندنا متلخبطة او دي داخلة علي دي او قريبن من بعض يرجعنا لموضوع " الاحتياج " انت عايز سيارة حجمها اد ايه و لايه؟
ارجوا اني اكون وضحت وجهة نظري .
متفق تماما مع حضرتكاقتباس:
المشاركة الأصلية كتبت بواسطة cryptonx
حضرتك أنا ولد وأتا شفت العربيتين ....اقتباس:
المشاركة الأصلية كتبت بواسطة wawoo
مقولتش الفيستا وحشه .... بس بقول مش ده السعر اللي يخليني أفكر فيها ..مغالى فيه بالنسبه لعربيه مش منتتشره, قطع غيار نااااارولسه ما عملتش اسم في مصر (ما بكللمشي على بره مع انها بره أرخص من الشارك رغم انها منتشره جدا هناك وموتورها 1600 مش 1400 )
[OVERLINE]وعلى فكره في الهند بينزل منها سيدااان 1600 وتمنها أرخص من تمن الهونداااااا سيتييييييي1500 ivtec !!!!!
ازاي اقتنع بالسعر ده وهي هنا 1400مش 1600 سي سي واغلى من السيتي 5000 جنيييه ؟!!!![/OVERLINE]
مهو دة اللى انا بتكلم فية يا كريبتون , الشىء الاخر دة موجود فى الفيستا بدرجة ما , يعنى هى سعرها بنفس سعر عربيات سيادان يابانية و كورية و غيرها , و هى اقل منهم فى الحجم و فى الموتور مثلا ,اقتباس:
المشاركة الأصلية كتبت بواسطة cryptonx
لكن بتلاقى مشترى و بتلاقى اللى مستعد يدقع هذا الثمن ,لية....
لان هناك بالفعل قيمة ما موجودة فيها , محدش عاوز يرمى فلوس فى الارض و خلاص كلنا يهمنا فى الاخر نشترى قيمة ما مقابل المنتج اللى بناخدة بغض النظر عن الفئات و عن المقرانات .
و هو دة اللى انا اقصدة ...ان الفيستا مثلا قد تكون بالفعل اصغر فى الحجم و الموتور اقل , لكن فى النهاية قيمة السيارة مش حجم و موتور بس , فى عوامل كتير اخرى احنا نغفلها تمام , مثل جودة الخامات و جودة التصميم و بلد الصنع و هاكذا , كل دى عوامل لازم تدخل فى مقارانة اى منتج باخر .
انما انى اسطح الموضوع و اقول دى فئة و دى فئة و مينفعش اقارن , ..الحقيقة انة ينفع لانة لو معاك 400 الف جنية ممكن تجيب مينى كوبر بابين او بى ام اكس ثرى دفع رباعى .
يبقى انت فى النهاية بتشوف ان عاوز انهى قيمة مقابل فلوسك , لان القيمة واحدة فى السيارتين لكن فى المينى موجودة بشكل و فى البى ام موجودة بشكل اخر .
و انا معاك فى موضوع الايكون دة , لكن هو لة حدود برضو و فى النهاية هى سيارت لها امكانيات و لها قدرات معينة يمكن مقرانتها مع اى شبية ليها من نفس الفئة .
اسف يا م يحيى , شكلى اتلخبط مع حد تانى .اقتباس:
المشاركة الأصلية كتبت بواسطة myehia105
بخصوص النسخة السيدان من الفورد فيستا , هى نزلة فى اسيا فعلا بس بتتصنع و تتجمع فى الصين , و نزلة بموتور 1500 سى سى تصنيع الصين برضو , و الفيستا الهاتش باك و السيدان الصينى كمليتها و خماتها تختلف عن النسخة الاوروبى اللى نزلة فى مصر .
النسخة الاوروبى بتتصنع فى المانيا , و عليها طلب كبير فى اوروبا الان "يمكن دة سبب ارتفاع سعرها " حاليا .
بالنسبة لقطع الغيار انا شوفت اسعار بعضها , و فى مجملها اسعار جيدة مش نار ولا حاجة .
و اسم فورد معروف فى مصر من الفيستا و الاسكورت القديمة بس هو تاثر طبعا بسبب تصرفات التوكيل القديم , و اللى اعتقد بتتغير مع التوكيل الجديد .
حضرتك هيا بتنزل 1600 في أوروبا مش في الهند أنا قصدي في الهند النسخه السيدااان انما سعة المتور 1600 بتنزل في أوروبا ... لو عايز تتأكد ممكن تخش على موقع topgear.comاقتباس:
المشاركة الأصلية كتبت بواسطة wawoo
ولما تنزل التعريفه الجمركيه اعتقد الوكيل حينزلها لسعرها القديم 115الف ... يعني مش حنستفيد من تخفيض الجمارك حاجه ...:rfds:
أما أسعار قطع فدي اللي بيحكمها الانتشار وانك تقدر تجيبها من غير ما تتعتمد على الوكيل ودي نقطة تفوق الميتسوبيشي والياباني عامة ودى اللي بيخلي الناس تجيبها حتى من غير ضمان ولا وكيل
ونسخة الهند سيدان 1600 ودى تقرير لواحد من ملاكها في الهند
Ford Fiesta 1.6 10800kms - Team-BHP
انت حتلخبطنى لية يا يحيى ...اقتباس:
المشاركة الأصلية كتبت بواسطة myehia105
التقرير اللى انت جيبة دة بتاع الفيستا السيدان القديمة مش الشكل الجديد .
مافيش 1600 من الفيستا السيدان الجديدة حتى الان .
السيدان والهاتش باك حتتصنع منها نسخة مخفضة فى التكاليف فى الصين و حيكون موتور 1500 صينى فى الاتنين الهاتش باك و السيدان , والفيستا الجديدة منزلتش الهند اساسا , و لو نزلت حتنزل النسخة الصينى ام موتور 1500 دة , و كلام دة لكل اسيا اعتقد .
الفسيتا الجديدة الاوروبى فى منها 1600 فى اوروبا فعلا بس الموديل دة مانويل مش اوتومتك ستب ترونك , الاتوتومتك 1400 بس و دى اللى نزلة عندنا حاليا بالموصفات الأوروبية .
ان شاء الله مفيش لخبطه : ))))اقتباس:
المشاركة الأصلية كتبت بواسطة wawoo
ده لينك الفورد الفيستا 1600سي سي الأوتوماتيك الأوروبي من على topgear
Ford Fiesta 1.6 Style Hatchback 5d 1596cc auto full specification - BBC Top Gear
تمام ....ايوة ما انا كتبلك ان فى منها 1600 فعلا بس مانويل بس "و شوف تمنها كام 12 الف استرلينى يعنى 120 الف مصرى دة غير بقى الجمارك و الذى منة , توصل ل170 الف لو نزلت مصر دى .اقتباس:
المشاركة الأصلية كتبت بواسطة myehia105
الاوتومتك 1400سى سى ... بس
لا حضرتك دي 1600 اوتوماتيك وحتلاقيها مكتوبه في الخصائصاقتباس:
المشاركة الأصلية كتبت بواسطة wawoo
أما السعر فحضرتك قارنها بالعربيات اللي معاها في نفس الفئه هناااااك مش هنا
يعني هتلاقيها في نفس مستوى الجراند بونتو رغم ان هي منتشره ومطلووبه جدا !!!
وأرخص من الانسر !!!
[QUOTE=myehia105;3871948079]لا حضرتك دي 1600 اوتوماتيك وحتلاقيها مكتوبه في الخصائص
/QUOTE]
اة فعلا يا يحيى مكتوب اوتومتك ..بس دى اما غلطة مطبعية اما قصدهم الفيستا الاقدم .
دة موقع فورد ادخل على اختيارات الفيستا الجديدة مش حتلاقى موتور 1600 بناقل حركة اوتومتك .
Configure your car
و دى موصفات الفيستا الجديدة كمان pdf , مش حتلاقى 1600 بناقل حركة اوتومتك .
http://view.atdmt.com/action/moefor_...questFiesta_10
[QUOTE=wawoo;3871948162]لأاقتباس:
المشاركة الأصلية كتبت بواسطة myehia105
حضرتك دي قائمة المواتير بتاعة الفيستا الجديده في أوروبا ومن نفس موقع فورد اللي حضرتك كاتبه :
Fuel economy & CO2 emissions
بينزل منها كل الأنواع من 1200 لحد 1600 :vctry:
كلام الاستاذ wawoo صح بانسبه لناقل الحركه الأوتوماتيك
أنا بعتذر جدا فعلا مفيش منها أوتوماتيك 1600 وشكرا للأستاذ wawoo للتوضيح
العفو يا يحيى باشا , مافيش داعى للاعتزار ...موقع توب جير هو اللى لخبطنا ....:)اقتباس:
المشاركة الأصلية كتبت بواسطة myehia105
جراااااااااااااااااند بونتو والله عربية محترمة جداااااااااا