الموضوع: جراند بونتو اوتوماتك ولا ميني فابيا سبورت اوتوماتك

المشاركة الأصلية كتبت بواسطة myehia105

وجهة نظر حضرتك تحترم طبعا .....
لكن أنا أفضل الشارك ولو معايا ثمنها مش حفكر في أي حاجه تانيه ...
فئه أعلى واعتماديه و توافر قطع غيار بأسعار و جوده كويسه ...
الفيستا بسعرها دخلت فئه تانيه مش بتاعها ...
ومينفعش يتقارنوا ببعض أصلا ....

يا م يحيا كلامك يأكد انك مشوفتيش الفيستا الجديدة.
ما فيش حاجة اسمها فئة اعلى و فئة اقل ,التصنيفات دى كلها تقريبية و استرشادية فقط .

عندك المينى كوبر عربية 1600 سى سى و تمنها 300 الف جنية , وهى عربية ببابين , يبقى لو على كلامك دى عربية دخلت فى فئات كتير مش بتاعتها .
انما الحقيقية غير كدة , فى المينى انتى بتشترى قيمة معينة , مينفعش تقارن باى فئة اخرى .

و كذلك الفورد فيستا , انتى بتشترى قيمة و جودة معينة و صناعة مختلفة .
الفروق فى الجودة و فى الكمليات مختلفة كتير بين لانسر الشارك المزكورة و بين الفيستا .

عموما انتى حرة طبعا فى قرارك , لكن انا كنت افضل انك تنزلى تشوفى بنفسك قبل ما تاخدى قرارك فقط على انماط تقليدية فى التفكير المصرى .

المشاركة الأصلية كتبت بواسطة cryptonx

كلام حضرتك صح و غلط في نفس الوقت .

الفئات ليست استرشادية او تقريبية , لكن للاسف الحاجة و الاحتياج هما الي ملخبطين عندنا في مصر .

بمعنى كل واحد عايز يدفع اقل حاجة في اكبر سيارة و اكبر محرك بصرف النظر عن احتياجه لايه بالظبط .

يعني شاب في كلية مثلا بعيدة عن منزله ... شاب مصري ؟ يبقى لازم عربية سيدان 1600 سي سي مهما كان نوعها - النتيجة ايه ؟ استخدام بنزين كتيير جدا علي الفاضي عدم استخدام اكتر من 50% من حجم السيارة و في الاخر استهلاك غير رشيد او صحيح لها .

بينما كان افضله لو جاب فئة السوبر ميني مثلا 1200 او 1300 سي سي كانت سهلت عليه القيادة و فرتله في البنزين و استهلاكها مظبوط .

نرجع لمرجوعنا .
الميني كوبر و الفيات 500 و كذا سيارة كمان تمنهم غالي مش لانتمائهم لفئة معينة و لا اي حاجة ولا هما احسن سيارات في فئتهم و لا حتى يقتربوا لاحسن سيارات بالبعكس في سيارات احسن بكثير بانصاف تمنهم , و لكن الميني من السيارات الايقونية . الي بشتريها مش بيقارن بينها و بين سيارات اخرى لا زي ال ipod و الiphone كدة .. كلنا نعلم انهم مش احسن موبايلات موجودة و لكن امتلاكه في حد ذات شيء اخر .

نيجي للفيستا و الفابيا و الجراند بونتو .. سيارات اوروبية صغيرة الحجم و كلهم سيارات ناجحة و لكنهم غير ايقونين و بسهولة ممكن تحدد فئتهم او تقارنهم ..

الانسر الشارك بصرف النظر عن كونها سيدان او هاتشباك و لكنها في فئة اعلى " حجميا " مش شياكة او اي حاجة وده فعليا ... كونها احسن او اوحش من الفيستا كسيارة دي حاجة تانية و لكن التقسيم او الفئات موجود وبالذات كمان في السيارات الاوروبية .

الانسر الشارك منافستها هي الفوكس من فورد و البرافو من فيات و الاوكتافيا من سكودا و دول الي في نفس فئتها .

كون الاسعار عندنا متلخبطة او دي داخلة علي دي او قريبن من بعض يرجعنا لموضوع " الاحتياج " انت عايز سيارة حجمها اد ايه و لايه؟

ارجوا اني اكون وضحت وجهة نظري .

متفق تماما مع حضرتك

المشاركة الأصلية كتبت بواسطة cryptonx

.. كلنا نعلم انهم مش احسن موبايلات موجودة و لكن امتلاكه في حد ذات شيء اخر .
.

مهو دة اللى انا بتكلم فية يا كريبتون , الشىء الاخر دة موجود فى الفيستا بدرجة ما , يعنى هى سعرها بنفس سعر عربيات سيادان يابانية و كورية و غيرها , و هى اقل منهم فى الحجم و فى الموتور مثلا ,
لكن بتلاقى مشترى و بتلاقى اللى مستعد يدقع هذا الثمن ,لية....

لان هناك بالفعل قيمة ما موجودة فيها , محدش عاوز يرمى فلوس فى الارض و خلاص كلنا يهمنا فى الاخر نشترى قيمة ما مقابل المنتج اللى بناخدة بغض النظر عن الفئات و عن المقرانات .

و هو دة اللى انا اقصدة ...ان الفيستا مثلا قد تكون بالفعل اصغر فى الحجم و الموتور اقل , لكن فى النهاية قيمة السيارة مش حجم و موتور بس , فى عوامل كتير اخرى احنا نغفلها تمام , مثل جودة الخامات و جودة التصميم و بلد الصنع و هاكذا , كل دى عوامل لازم تدخل فى مقارانة اى منتج باخر .

انما انى اسطح الموضوع و اقول دى فئة و دى فئة و مينفعش اقارن , ..الحقيقة انة ينفع لانة لو معاك 400 الف جنية ممكن تجيب مينى كوبر بابين او بى ام اكس ثرى دفع رباعى .

يبقى انت فى النهاية بتشوف ان عاوز انهى قيمة مقابل فلوسك , لان القيمة واحدة فى السيارتين لكن فى المينى موجودة بشكل و فى البى ام موجودة بشكل اخر .

و انا معاك فى موضوع الايكون دة , لكن هو لة حدود برضو و فى النهاية هى سيارت لها امكانيات و لها قدرات معينة يمكن مقرانتها مع اى شبية ليها من نفس الفئة .

المشاركة الأصلية كتبت بواسطة wawoo

يا م يحيا كلامك يأكد انك مشوفتيش الفيستا الجديدة.
ما فيش حاجة اسمها فئة اعلى و فئة اقل ,التصنيفات دى كلها تقريبية و استرشادية فقط .

عندك المينى كوبر عربية 1600 سى سى و تمنها 300 الف جنية , وهى عربية ببابين , يبقى لو على كلامك دى عربية دخلت فى فئات كتير مش بتاعتها .
انما الحقيقية غير كدة , فى المينى انتى بتشترى قيمة معينة , مينفعش تقارن باى فئة اخرى .

و كذلك الفورد فيستا , انتى بتشترى قيمة و جودة معينة و صناعة مختلفة .
الفروق فى الجودة و فى الكمليات مختلفة كتير بين لانسر الشارك المزكورة و بين الفيستا .

عموما انتى حرة طبعا فى قرارك , لكن انا كنت افضل انك تنزلى تشوفى بنفسك قبل ما تاخدى قرارك فقط على انماط تقليدية فى التفكير المصرى .

حضرتك أنا ولد وأتا شفت العربيتين ....
مقولتش الفيستا وحشه .... بس بقول مش ده السعر اللي يخليني أفكر فيها ..مغالى فيه بالنسبه لعربيه مش منتتشره, قطع غيار نااااارولسه ما عملتش اسم في مصر (ما بكللمشي على بره مع انها بره أرخص من الشارك رغم انها منتشره جدا هناك وموتورها 1600 مش 1400 )
[OVERLINE]وعلى فكره في الهند بينزل منها سيدااان 1600 وتمنها أرخص من تمن الهونداااااا سيتييييييي1500 ivtec !!!!!
ازاي اقتنع بالسعر ده وهي هنا 1400مش 1600 سي سي واغلى من السيتي 5000 جنيييه ؟!!!![/OVERLINE]

المشاركة الأصلية كتبت بواسطة myehia105

[overline]وعلى فكره في الهند بينزل منها سيدااان 1600 وتمنها أرخص من تمن الهونداااااا سيتييييييي1500 ivtec !!!!!
ازاي اقتنع بالسعر ده وهي هنا 1400مش 1600 سي سي واغلى من السيتي 5000 جنيييه ؟!!!![/overline]

اسف يا م يحيى , شكلى اتلخبط مع حد تانى .

بخصوص النسخة السيدان من الفورد فيستا , هى نزلة فى اسيا فعلا بس بتتصنع و تتجمع فى الصين , و نزلة بموتور 1500 سى سى تصنيع الصين برضو , و الفيستا الهاتش باك و السيدان الصينى كمليتها و خماتها تختلف عن النسخة الاوروبى اللى نزلة فى مصر .

النسخة الاوروبى بتتصنع فى المانيا , و عليها طلب كبير فى اوروبا الان "يمكن دة سبب ارتفاع سعرها " حاليا .
بالنسبة لقطع الغيار انا شوفت اسعار بعضها , و فى مجملها اسعار جيدة مش نار ولا حاجة .
و اسم فورد معروف فى مصر من الفيستا و الاسكورت القديمة بس هو تاثر طبعا بسبب تصرفات التوكيل القديم , و اللى اعتقد بتتغير مع التوكيل الجديد .

المشاركة الأصلية كتبت بواسطة wawoo

اسف يا م يحيى , شكلى اتلخبط مع حد تانى .

بخصوص النسخة السيدان من الفورد فيستا , هى نزلة فى اسيا فعلا بس بتتصنع و تتجمع فى الصين , و نزلة بموتور 1500 سى سى تصنيع الصين برضو , و الفيستا الهاتش باك و السيدان الصينى كمليتها و خماتها تختلف عن النسخة الاوروبى اللى نزلة فى مصر .

النسخة الاوروبى بتتصنع فى المانيا , و عليها طلب كبير فى اوروبا الان "يمكن دة سبب ارتفاع سعرها " حاليا .
بالنسبة لقطع الغيار انا شوفت اسعار بعضها , و فى مجملها اسعار جيدة مش نار ولا حاجة .
و اسم فورد معروف فى مصر من الفيستا و الاسكورت القديمة بس هو تاثر طبعا بسبب تصرفات التوكيل القديم , و اللى اعتقد بتتغير مع التوكيل الجديد .

حضرتك هيا بتنزل 1600 في أوروبا مش في الهند أنا قصدي في الهند النسخه السيدااان انما سعة المتور 1600 بتنزل في أوروبا ... لو عايز تتأكد ممكن تخش على موقع topgear.com
ولما تنزل التعريفه الجمركيه اعتقد الوكيل حينزلها لسعرها القديم 115الف ... يعني مش حنستفيد من تخفيض الجمارك حاجه ...
أما أسعار قطع فدي اللي بيحكمها الانتشار وانك تقدر تجيبها من غير ما تتعتمد على الوكيل ودي نقطة تفوق الميتسوبيشي والياباني عامة ودى اللي بيخلي الناس تجيبها حتى من غير ضمان ولا وكيل