منظف الرشاشات

**Ali_Abdelhamid** · 26-08-2009 03:20 PM

الأخ Nael
ممكن تقولنا نوع عربيتك ايه ... وموديل كام ... وايه الفرق بالتحديد بعد ما استخدمت اس تى بى
ويا ريت كمان تقول مكان اللى أشتريته منه وبكام

**nael_abd_elhameed** · 27-08-2009 12:52 AM

شوف يا استاذ ali
انا عربيتى كورولا موديل 2007 موتورها 1300 مانيوال
نوع المنظف الخاص بالرشاشات اسمه stp وهو موجود فى بنزينة وطنية وموبيل والسعر 25
وهو بتحط على التفويلة الكاملة للتانك
اول ما بتحط المنظف بتحس بعد شوية بان العربية سحبها بقى خطير جدا ولو انت مواظب على حساب متوسط استهلاك البنزين هتلاقة ان المرتين او الثلاثة بعد كده فى تفويلة التانك هيعملوا معدل استهلاك احسن من الاول عشان كده انا مواظ عليه وعملته دلوقتى مرتين

بس بفكر اعمله بعد كده كل 10000 موش 20000 كم

وانا تحت امرك فى اى استفسار

**Ali_Abdelhamid** · 27-08-2009 11:16 AM

شكرا جزيلا يا Nael على أستجابتك لسؤالى ... علشان انا كنت محتار جدا استخدم منظف الرشاشات ام لا

انا كمان عربيتى كورولا 2003 أتوماتيك ... وان شاء الله هاستخدمه وهاقولك على النتيجة بأذن الله

بس لى سؤال اخر معلش ... ما أستخدم المنظف على التفولية الكامله للتنك ... لازم امشى مسافه طويله ... ولا المشاوير البسيطه فى داخل وسط البلد ... شكرا ليك مره تانية

**nael_abd_elhameed** · 27-08-2009 12:36 PM

يستحسن انك تمشى طريق مسافة طويلة
موش فى الزحمة وكل شوية تقف وتمشى

وتحت امرك فى اى استفسار

**aboezz44** · 03-01-2010 11:49 AM

قرأت قل كده ان كثرة استعماله ممكن يكون فيها ضرر على العربيه لأنه مزيل عضوى يعمل على التفاعل مع الشوائب ويقوم بتحليلها وتكمن الخطوره انه ممكن يأثر على مكونات الماتور بنفس فكرة التفاعل مع الشواءب
لكن لا يوجد اساس علمى لما قلته لكن الأحتياط واجب والأعتدال فى الشئ واجب
لذا ينصح بعدم الأسراف فى استعماله

**MAKHARETA** · 26-10-2011 03:37 PM

طب بعد أذنكم أنا عربيتى لسة أخر موديل بقالها معايا 3 شهور كانت تمام ماشاء الله فى السحب بس لأنى كنت بمون من بنزينة مش تمام بقى سحب وتجميع العربية ضعيف مع العلم أنى أحيانا وأنا ماشى أحس أن العربية سلكت وبقت تمام أجى أنقل نقلة تانية أحس أنها أتكتمت تانى فياريت حد يفيدنى لأن العربية لسةزيرو وعاملة 4500 كيلو بس فخايف أعمل حاجة غلط أرجع أندم عليها

**asemx1** · 27-10-2011 01:11 PM

بالطبع مهم جدا ودا بالنسبه للناس الى بتسيب البنزين يخلص فى التانك لحد الاخر لان بعض الشوائب بتدخل منظومه الوقود والانجيكشن

وبالنسبه للعربيات الى عملت كيلوهات كتير

يفضل استخدام نوعيه نضيفه وغاليه ودا اجراء صيانه اساسا وبيتعمل كل من 10 ال 20 الف كيلو

ممكن ماتحسش بفرق لان المنظومه عندك نضيفه وممكن تحس بفرق لو فى مشكله او ترسبات

ويتم وضعه على الفول تانك

وعلى رائى المثل الى مايفيدش مايضرش .... جرب ممكن ينفع وممكن مايحصلش حاجه بس اكيد مش هيضر ..

تحياتى لك ......... م/ عاصم جاد

**asemx1** · 27-10-2011 01:15 PM

المشاركة الأصلية كتبت بواسطة MAKHARETA

طب بعد أذنكم أنا عربيتى لسة أخر موديل بقالها معايا 3 شهور كانت تمام ماشاء الله فى السحب بس لأنى كنت بمون من بنزينة مش تمام بقى سحب وتجميع العربية ضعيف مع العلم أنى أحيانا وأنا ماشى أحس أن العربية سلكت وبقت تمام أجى أنقل نقلة تانية أحس أنها أتكتمت تانى فياريت حد يفيدنى لأن العربية لسةزيرو وعاملة 4500 كيلو بس فخايف أعمل حاجة غلط أرجع أندم عليها

يعنى ايه بنزينه مش تمام ؟؟؟؟

حضرتك مع احترامى لك اول اسباب تلف او ضغف منظومه البنزين هيا انك تسيب التانك يخلص خالص واللمبه تنور بتاعت البنزين

لو حصل كدا بعد ما مونت من البنزينه الى مش تمام يبقى ممكن يكون دخل شوائب الانجيكشن وهتحتاج منظف رشاشات لو ما حصلش كدا يبقى انتا بدات تاخد او تتعود على العربيه علشان كدا بدات تحس ان سحبها مش تمام

او ممكن تكون عايزه سفريه حلوه علشان تفتح بقى لان كدا خلاص انتا عديت مرحله التليين

تحياتى لك .......

**dr_maged1975** · 30-10-2011 12:32 PM

فلتر بنزين الياريس ثمنه 750 جنية و يتم تغييره كل 85000 كيلومتر

**Youssef.Awad** · 30-10-2011 04:05 PM

الصنى فلتر بنزينها مع الطلمبة داخل خزان الوقود
ناوى اجربه قبل تغيير الزيت فى صيانة ال60 الف كم باذن الله
ليكوى مولى ب30ج
ويفضل انه يتحط على تفويلة كاملة قبل تغيير الزيت ولا تفول تانى الا قرب فراغ التانك