طلب روشنة للابيزا من فضلكم

**kojyad** · 19-08-2009 04:12 PM

انا كنت ناوي ابيع ابيزتي حبيبتي , غصب عني
بس لما عرضتها ونزلت السوق ....................... سمعت اسعار اعوووووووووووذ بالله
مش ممكن اجيب العربية من سنتين ب38 ودلوقتي هتتباع ب29 و 30 اكيد حراااااااااااااااااام
مع اني كنت لسة شاددها ودفعت عليها فلوس كتبر ومش محتاجة اي مصاريف

الخلاصة الحمد لله استخرت ربنا ومش ناوي ابيع , انا دلوقتي عايز اروشن شوية حاجات
فيها ذي ,,,,

- عايز ارش الطابلوه لون بيج , ياترى عند مين احسن واحد وبكام

- وعايز اركب جنوت اسبووور بس تكون روشة طحن ياريت تفيدوني برده عند مين وبكام ؟
وهل ينفع ابدل الجنوت بتاعتي اسبور برده مع المحل بجنوت جديدة وادفع الفرق؟

- ولو حبيت اغير الكاوتشات واجيب تيوبلس , ايه احسن نوع وبكام ؟

- طيب وعايز اظبت شوية حاجات في العفشة ذي مثلا علبة الدركسيون
ياترى اظبتها فين ولو محتاجة طقم اصلاح اجيب منين؟
ياريت محدش يقولي روح الحرفيين انا روحت ومش عارف اجد حد كويس ياريت النصيحة بعد اذنكم
تكون بالاسم والعنواان

الف شكر ليكو ياشباب الابيزا واسف عالاطالة

**fadynabil** · 19-08-2009 05:39 PM

بص يا باشا هوه لو حضرتك من الهرم يبقي عليك وعلي واحد بصراحة مش فاكر إسم المحل بس هوه في شارع فاطمه رشدي مفيش غيره بس إنت إدخل الشارع وهتلاقيه علي طول ... محل كبير وممكن يبدل الچنوط القديمه بتاع حضرتك وتدفع الفرق

أما لو ساكن في حته تانيه قريبه من مصر الجديده ومدينه نصر .. >> يبقي عليك وع الحرفيين فيها كل حاجة

بالنسبه لحكاية علبه الدركسيون والحركات دي أنا ممكن أديلك رقم الميكانيكي بتاعي هو دايس أوي في الـ vw وشغال فيها علي طول وكمان هتلاقي عنده حاجات إستيراد بيجيبها

ممكن كمان لو عايز ي حاجة للموتور يجيبهالك ... هوه إسمه رامي ... وعنوانه في الهرم شارع خاتم المرسلين وتليفونه 0100429378

وأي خدمه تحت أمرك

**fadynabil** · 19-08-2009 05:44 PM

أه إبقي قوله إنك من طرف فادي بتاع الإبيزا اللي لونها الأزرق الميتالك ...

**kojyad** · 20-08-2009 10:18 AM

الف شكر يافادي باشا
والله وانا بكتب الموضوع ده كنت متأكد انك اول واحد هايفدني , تسلم ايدك ياجميل
انا ساكن في اول فيصل , بس انت مقولتليش ايه رأيك عاير اغير لون الطابلوه وارشه بيج ,
والعربية من بره لونها نحاسي , كده حلو ؟ ولا ايه رأيك ؟ ومين احسن واحد في الرش ده ؟

**fadynabil** · 20-08-2009 11:49 AM

العفو ... ربنا يخليك ،، كلنا هنا إخوات

بص يا باشا .. أنا بالنسبة لموضوع رش التابلوه مش بفضلها بحب الحاجة الأوريچينال ،، بحس إن العربيه هتبقي أفضل ..

لكن لو مصم علي الموضوع ده بلاش البيچ عشان سيادتك في مصر يعني تراب للصبح وهيتوسخ بسرعة

بالنسبة للرش أنا كنت عملت عربيتي قبل كده عند واحد في شارع العشرين بفيصل عند البنزيه اللي هناك قريبه منها أوي .. إسمه زينهم

ورشه ناس محترمين أوي وزينهم ده واد كويس أوي وهتلاقي عندهم عربيات جامده بردة ... وقت ما كنت هناك كان في bmw 318 و هيونداي كوبيه و لانسر وحاجات تانيه كتيير بتترش

وكمان الفرن تبعهم برده وجمب بعض علي طول

وع العموم رقم تليفونه 0108299370

شوف معاه وربنا يسهل إسأله ع اللي إنت عاوزه وقولو بس إنك تعرفني وهوه هيقوم بالواجب ولو معملش الواجب قولي بس وأنا تحت أمرك

**kojyad** · 20-08-2009 01:55 PM

الف شكر ياباشا
واكيد هيقوم بالواجب طبعا , الناس المحترمين ميعرفوش غير المحترمين

**fadynabil** · 20-08-2009 03:15 PM

المشاركة الأصلية كتبت بواسطة kojyad

الف شكر ياباشا
واكيد هيقوم بالواجب طبعا , الناس المحترمين ميعرفوش غير المحترمين

ربنا يخليك يا باشا .. أنا بالمناسبة رسيت العربية كلها ب حوالي ١٠٠٠ جنيه بالخامات هوه اللي جابها ،، علي فكره أنا لون عربيتي أزرق ميتالك يعني تقريباً بيجيب ورنيش زياده اللي هوه بيدي اللمعة بتاع الميتالك

**kojyad** · 20-08-2009 04:37 PM

والله تمام , انا رشيت اللون النحاسي ب1500 جنيه وكان في شوية سمكرة بسيطة جدا , بس بصراحة انا مش عايز اعمل عنده الطابلوه عشان معجبنيش شغله

بالمناسبة انت عربيتك موديل كام
انا 94 بس الشكل بره 98 الاكصدامات العريطة والشابورة , والفوانيس , ومتسقطلها موتور vw 1600
احكيلي عن عربيتك مظبطها ازاي واضفت ليها اي حاجة جديدة ؟

- بالمناسبة صحيح انا عندي مشكلة بسيطة قوي في التكييف , لما اشغلة وانا عالسرانسيه الrbm بيوطى اوي
والعربية بترجرج اوي , الكهربائي قالي عشان مكنة تعلية الrbm عندك مش مظبوطة ,
ومعرفش يعملهالي , انا مش عارف اعمله عند مين ؟

معلش انا طولت عليك اوي وعارف ان اسئلتي كتيييييييير
الف شكر يا باشا