مقاس كاوتش 16 لأوبل فيكترا مو 99

**A.Elsheikh.01** · 21-08-2009 04:20 PM

على فكره
انا مش حابب الجنوط سبور باى شكل من الاشكال
من اول حاجه هتحصل فيها هتغلبك وتعزبك معاها
وايه لزمتها
الجنط الحديد ربنا طارح فيه البركه ولو حبيت تعمل حاجه تانيه فى العربيه هتلاقى معاك فلوس بزياده تظبط فيها
انما جنط سبور هتندم فى اى وقت يمكن على المدى البعيد او القريب

**M.Osama** · 21-08-2009 08:06 PM

انا كنت زيك نفسي اجيب جنوط وبتاع واستقريت علي جنط نجمة البحر مقاس 15

بس ناس كتير خوفوني منه ومن الجنوط بوجه عام واي خبطه وانت بتركن ولا حاجه خلاص الموضوع خلص والجنط باظ والعفشه حتبقي ناشفه وحوارات

طاسات العربيه اللي عليها القفل دي شيك جدا وفكك من حوار الجنوط ده

**MohamedGafar** · 21-08-2009 08:17 PM

يا جماعة هي العربية فيها اصلا جنط اسبور 17 بس معذبني، أنا عايز أنزل ل 16 أو 15 عشان الجنط ال 17 عايز تمشي تحسس وده ما ينفعش فى شوارع المحروسة!

كل اللى أتمناه أن حد يدلني على حد بيبيع جنوط سبور بس مش صيني! وياريت الإسود اللى بشفة نيكل.

كل سنة وأنتم طيبين جميعا وأسركم الكريمة بالصحة والعافية ورمضان كريم وشكرا جزيلا لمساعدكم الكريمة.

تحياتي.

**A.Elsheikh.01** · 21-08-2009 09:41 PM

يابو جعفر منتا لو عايز المضمون خليك فى الجنط الحديد والطقم بالاستبن كمان مش غالى وهو هيفيدك جدا فى اى حاجه
لقدر الله حصلت حاجه دا بيسد فيها
اتكل على الله وقرر

**MohamedGafar** · 22-08-2009 01:28 AM

المشاركة الأصلية كتبت بواسطة a.elsheikh.01

يابو جعفر منتا لو عايز المضمون خليك فى الجنط الحديد والطقم بالاستبن كمان مش غالى وهو هيفيدك جدا فى اى حاجه
لقدر الله حصلت حاجه دا بيسد فيها
اتكل على الله وقرر

لا لا لا يا مدير :-) مش حيعجبني شكلها لو ركبت الحديد تاني! غالبا إنت متعود على شكلها القياسي لكن بعد ما تغير شوية حاجات وترجع ترجعها تاني زي ماكانت حتحس إن شكلها بقي فقير نوعا ما!!!!
عموما ألف شكر على نصيحتك الكريمة وكل سنة وانت طيب.

تحياتي.