الواحد بيضرب نفسه بالجزمة لأنه مقصر مع أستاذ توفيق بصراحة
لأن مهما كانت المشاغل الدنيوية الهبلة فهي لا تساوي الوقت الجميل اللي بنقضيه مع بعض
و بيقولوا معرفة الناس كنوز .. أستاذ توفيق مجموعة كنوز مع بعض .. فهو تركيبة رائعة و نادرة من الأب و الأخ و الصديق .. و بجد صعب تقابل حد زيه .

انا بعتذرلك يا أستاذي في إنشغالي عن السؤال الفترة الماضية الملخبطة و إن شاء الله أشوفك في أقرب وقت ممكن نتقابل عند ميدو و نفطر الأكل المتين و شوب عصير التنين عالبحر (ولو حد من السيريونيين يحب ينضمنلنا يا هلا ) .

و يا ريت معلش حضرتك تبعتلي رقمك تاني لأن من كام يوم هربت من القاهرة المزدحمة إلي الساحل و أول ما وصلت قمت ناطط في البحر لقيت حاجة بتلق في رجلي .. سمكة ؟ للأسف طلع الموبايل و كان جاور الرفيق الأعلي خلاص و شيعت الجنازة من مسجد قرية كازابيانكا الكيلو 64 الساحل الشمالي .