ألف مبروك يا فندم...ربنا يباركلك في السيارة و تستمتع بيها إن شاء الله
على فكرة عربية حمايا كانت 504 برضو قبل اللوجان...بس كانت قعدت معاه 25 سنة :)
و إتباعت لوحدها كده برضو في يومين من غير إعلان ولا أي حاجة :)
عرض للطباعة
مشكور على الموضوع الرائع وكان لى سؤال احنا ازاى بنحول بين القوائم بتاع كمبيوتر الرحلات لانى ما بيجيش عندى ألا القائمة السادسة بتاعة عداد الكيلومتر الاساسى فقط والقائمة الثالثة بتاعة المسافة المقطوعة من بداية الرحلة فقط فهل أنا عندى مشلكة ولا مش عارف اجيب القوائم بس أنا بضغط ضغة قصيرة عشان اقلب بين القوايم وضغطة طويله عشان اصفر القائمة الثالثة الى بتجيلى وباقى القوائم ما بيجوش
احنا بنقلب القوائم من الزرار اللى فى نهاية الدراع اليمين (دراع المساحات) مكان الزرار ده هو نفس مكان زرار الكلاكس اللى فى الدراع الشمال.
أما الزرار اللى فى التابلوه عند العدادات ، فده خليه بس عشان تصفر بيه ، مش للتقليب.
لأ الحاجة الوحيدة اللى مش بتتصفر هى عداد الكيلومترات الأول أللى بيقول عدد الكيلومترات اللى مشيتها العربية من ساعة ما طلعت من المصنع .. باقى العدادات بتتصفر .. وبيها تعرف مشيت أد ايه ، واستهلكت كام لتر بنزين ، ومتوسط سرعتك .. إلخ .. وده اعتباراً من آخر تصفير انت عملته.
تقرير وافى جدا
العربية ديه ممتازة بالنسبة لسعرها
اشكر بشدة الاخ NaderNabil علي تقريره الرائع
وعاوز اعرض انطباعي الخاص عن الرينو لوجان
استطيع القول بعد خبرتي في ركوب العربية الداتشيا نوفا موديل 1999 ولمدة 9 سنوات وحتي الان واللي هي تعتبر جيل سابق من الرينو لوجان ولو حد شافها هيعرف بنظرة واحدة يعني ايه الجيل السابق للوجان مع الوضع في الاعتبار انه لا وجه للمقارنة بين الاتنين في التكنولوجيا وعوامل الراحة نظرا فقط لاختلاف التكنولوجيا بحكم فرق تلك السنوات وايضا لان تبني رينو لتلك السيارة يعد فارق كبير لصالح السيارة.
فانا علي يقين ان اللوجان عربية نزلت في مصر من رينو يعني توكيل رينو يعني قطع غيار رينو وجودة ومميزات وعيوب رينو ومعناه انك هتتعامل مع مميزات وعيوب توكيل وعربية كاي عربية رينو في مصر مع اختلاف في مستوي فئة السيارة طبعا
-وبالنسبة لوجودها في اوروبا بغض النظر عن ادراجها ضمن رينو او نيسان او داتشيا فده يعتبر دليل علي انها سيارة لها مكانة ومعترف بيها وان لم تكن كسيارة صاحبة مستوي عالي من الرفاهية او كقمة في الاداء او الجودة ولكن كسيارة اقتصادية ممتازة في فئتها وتخدم باعتمادية في المستوي اللي صنعت من اجله
-وبخصوص التصميم الخارجي انا شايف يا جماعة انه هو التصميم اللي ممكن يعطي رحابة فائقة في المقصورة الداخلية وده لا خلاف عليه اطلاقا وايضا الوسع في الحقيبة الخلفية(وراجعو تصميم الرينو كليو)
يعني نقدر نقول ده تصميم لعربية تقدر تخدم بتفوق في الغرض اللي صنعت من اجله فهي ليست كوبيه وليست ليموزين وليست رودستر، بل هي سيارة تصميمها صنع لها لتؤدي الغرض منها.
-اما التصميم الداخلي فكل نقطة فيه لما نقارنها بالرينو السابق وايضا الداتشيا السابقة نجد ان كل زرار وكل مكان لاي اوبشن داخل السيارة ليس شيء محدث وليس تجربة جديدة بل هو النمط التقليدي لها واستطيع ان اجزم بانه لو نزل موديل احدث منها سيكون علي نفس هذا النظام المتداول في رينو
ده طبعا اقصد بيه مكان الكلاكس ومكان زراير الازاز والسنتر والتكييف وغيره لانها هي بالظبط اللي عندي في الداتشيا نوفا(اللي هي رينو في بعض الدول الاخري)
-عايز اقول ان اللوجان بمميزاتها وعيوبها ليست سيارة تجريبية ولا هي تصميم شاذ بل هي نتاج تصميم مدروس واعتمادي وموجه ليخدم فئة مهمة في السيارات، سيارة تقفيلها منظم بعناية، وتنظيمها الداخلي والخارجي ليس تقليدي بالنسبة للكثير من الناس ولكنه تقليدي جدا بالنسبة لاصحاب الخبرة مع رينو وسيارة جودتها مناسبة لفئتها ومنافسة جداااا لسيارات اخري من المفترض انها بتخدم في نفس القطاع.
-وعاوز اقولكم اني كنت في قمة الاندهاش بجد لما عرفت من اللي ركبو اللوجان ان عفشتها ناعمة جدااااا ومكنتش مصدق وده بسبب اني بركب الداتشيا نوفا اللي هي عمري ما شفت في حياتي ولا هشوف عفشة انشف من عفشتها
-واخيرا انا لما شفتها في معرض اوتوماك كنت منبهر بيها لما قارنتها بالداتشيا نوفا لاني مازلت وساستمر اري ان اللوجان هي الموديل التالي والاحدث من الداتشيا نوفا.
ده كان انطباعي عن السيارة واترك لكم ابداء ارائكم
واشكر الجميع
بالذمة حرام تبقى العربية موديل 2010 من غير باور ولا تكييف,
طب لو انا حسبت ام 63000 مينص ام 56000 هنلاقى ان ثمن التكييف والباور وكاسيت سى دى والسماعات وغيرة ب 7000 جنية معناها ان الوكيل شايلهم بس عشان يعمل بروباجندا انها ب 56000
العربية دى المفروض يبقى اول سعر ليها 63000 بلاش هجص على الناس.
نظام شيلنا الدواسات زى تويوتا وتوكيلها يعنى واحد دافع 95000 كاش وشايلى الدواسات حتى عييييبببببب.
انا استعيبها لو انا صاحب الوكيل ولا اية؟
:_Alshmokh08[1]::mahf(5)::049::khd: