انا رايح اجنط الفيرنا و اغير كااوتش ارجو اللى مركب جنوط صينى يقول لى حلو والا لا ارجو اللى مجربها فقط يقول لكن اللى معاة اندونيسى و بيقول الصسنى و حش مايفتيش و خلاص ارجو اللى مركب و مجرب الصينى مدة طويلة يقول تجربتة بسرعة و الف شكر
عرض للطباعة
انا رايح اجنط الفيرنا و اغير كااوتش ارجو اللى مركب جنوط صينى يقول لى حلو والا لا ارجو اللى مجربها فقط يقول لكن اللى معاة اندونيسى و بيقول الصسنى و حش مايفتيش و خلاص ارجو اللى مركب و مجرب الصينى مدة طويلة يقول تجربتة بسرعة و الف شكر
أنا مجرب الصيني في عربيتين قبل كدا وكان زي الفل أهم حاجة تبعد عن البلاعات
نصيحة أخيرة: أسلوبك حاد شوية متخليش حد يزعل منك وكل سنة و نت طيب
انا مجرب الصينى ( فى عربية صينى ) لمدة سنة و نصف بدون اى مشاكل
شكرا ياناس ارجو المزيد اللى مركب صينى يقول ارجوكو يعنى اوفر فلوسى و اجيب صينى والا لا ياجماعة بسرعة لو سمحتوا
يارجاله يالي مركبين جنوط صيني حد يقول حاجه انا محتار جدا
انتي متوترة ليه ههههههه
ياعم اانا راجل_ قول بأه اشتري ايه
بعد التركيب حسيت ان العفشه ناشفه شويتين
بس مع الزمن والمطبات العفشه بتدمر
ازاي ?هو الحديد بتاع الجنط هيفرق في امتصاص المطبات?يبقي اكيد الجنط اتعوج واتطبق طالما وصل للعفشه? طيب لو اندونيسي ايه الفرق?
ممكن سوال انا معايا عريبة جيتز ومقاس 14 عاوز اركب جنط اكبر اركب مقاس ممكن يا رجالة
اما بالنسة للويتا
انا بنصحك تركب اندونيسى
انا مجرب الصينى وفية واحد صاحبى هنا اسمة خالد ايمن مجربة
بردة
واحنا الاتنين مش بنسكت غير اما بنشتم فية
بس بصراحة علشان مظلمش الجنوط دى
انتى هتركب مقاس كام وانا اقولك هات صينى ولا لأ
هاركب 14
انا مركب جنوط m p صيني و 14 في نوبيرا بقلها حاولي سنه وبصراحه ماشتكش من اي حاجه خالص والحمدلله
وطبعا الامر مايخلاش من مطبات وحفر والكلام اللي احنا كلنا عارفينه ده والحمدلله بارضو لون الجنط ماتغيريش ولا
اتعوج من المطبات ولا اي حاجه من اللي الناس قلتلها من غير تجربه انصح اللي يتكلم يكون جرب علشان نقدر نفيد بعض اكتر
وتقبلو تحياتي جميعا
بحبك ياكيمو شكرا
الصينى ممتاز .. بس على فكرة هو درجات مش كله زى بعضه يعنى انا عندى جنط ماركة mp محمل مقدار تحمل الوزن على الجنط الواحد 500كيلو جرام يعنى 500 *4 =2000 كيلوجرام اكتر من وزن العربية وفى اقل فى الخامة وده كنت جايبة ب 900 جنيه الاربع جنوط طبعا.....
الف شكر ياحسام انا خلاص اقتنعت بالصينى
ماشى يا فادى الف شكر
انا مركب صيني وبسم الله ما شاء الله زي الفل
مركب الصيني من فتره اد ايه -انا كده هاشتري صيني للفيرنا
الف شكر ياترى حد تانى معاة صينى ياريت حد يرد
any one here say anything
انا كنت مركب فى الشاهين اللى كانت معايا جنوط صينى مقاس 13 نوعهم gt كانوا تحفه وقعدوا معايا سنتين زى الفل وبعت العربيه بيهم ولسه فيها الى الان مع صاحبها الحالى
thank you i want any one else
توكل على الله
وبيع الأصليين....
مش هتدفع كتير
و لو قعدوا سنه يبقى تمام
السلام عليكم انا مركب جنط نيكل كروم صينى بقالى اكتر من سنه وزى الفل معايا وبعدين سواء كان جنط ماركه معروفه او صينى الاتنين لو اخدو مطب جامد هيتكسروا
بالراحه شويه بليز
انا عندي جنط نوعه lm او ml مش فاكر هو مكتوب بالاحمر
بصراحة جميل وبيستحمل البلاوي اللي بعملها فيه
انا مركب صينى من سنتين وزى الفل المهم الرنجات لتفادى الغربله
ودى هتكون موجوده مع الجنط وهيه بتكون كوتتش
انا كان عندى الاول gt هيه هيه اجنط الى تجيبه وانته مغمض هوه momo
بس غالى
حتعرف ياعنى ايه جنط صينى لو سوقتك سريعه شويه او بتشد كتير مع عربيات والعفشه تدمر وتدخل على بطحاط المسعدين وتلاقى حوليها شروخ فى البودى الجنوط الصينى حلوه جو البلد لاكن على الطرق السريعه او المفتوحه سدقنى حتندم
انا معايا فيرنا وعايز اغير الجنوط ايه افضل مقاس ميعملش مشاكل مع العفشه وشكراااااااا
هو الاصلى بتعها كام
يا جماعة بصوا عادى الراجل عايز يشوف قوة الصينى عشان بيفكر يجيبوا
محدش بقى يدخل كل شوية يقول دا عايز ومش عايز العملية أذواق فى الأول و فى الأخر
بص يا معلم الجنط الصينى قوة تحملة 80% و دى نسبة كويسة جدا
بالنسبة للمقاس متزودش خالص خالص خالص عن 15 و لو 14 يبقى أحلى كمان
لأن الجنوط الصينى مشكلتها أنك كل ماتزود فى الحجم كل ماالجنط بقى أضعف
و بالنسبة للسعر هتلاقى أفخم و أقوى و اجمل جنوط صينى فى مصر مش هتعدى الـ1200 جنية خالص
الجنط الصيني زيه زي الجنط الألماني أو الايطالي فى التأثير على العفشة. الفرق الأساسي بيكون في قوة التحمل، خصوصا لو مركب جنط كبير(16 او 17) و عليه كاوتش واطي (40 او 45) فى الحالة دي لازم تركب جنط محترم قوي التحمل لأن تأثير المطبات بيكون مباشر على الجنط والعفشة بسبب صغر ارتفاع الكاوتش. وأي خبطة في الكاوتش بتسبب حاجتين أولا الجنط بيتعوج أو يتلوح. ثانيا بيحصل كسر في سلوك الكاوتش وتعمل انتفاخ زي البالونه في جنب الكاوتش مما يستلزم تغييره فورا.