صوت في الاباب و انا ماشي في قريق غير مستوي

**wolverine1987** · 21-08-2009 04:02 PM

السلام عليكم يا جماعه...
انا معايا كيا سيراتو خليجي (جابر عبد الشهيد) و انا ماشي النهارده كنت قافل النوافذ و كنت مشغل التكيف و كان صوت التكيف هادي و مكنتش مشغل الراديو...
كنت في مشوار في مدينه نصر في منطقه جمب سوق الجمعه الطريف كان غير مستوي و خشن شويه.. كنت بسمع صوت من الابواب الاماميه عامل زي ما يكون كاوتش بيلمس في بعضه (الصوت جي من فوق من بين الباب و السقف) بصراحه انا مش قادر احدد الصوت ده منين بظبط! الصوت مش تخبيط ولكن احتكاك كاوتش في بعضه!

حد عنده نفس الموضوع ده؟ علما ان الصوت مش هيتسمع الى اذا انت ماشي في طريق خشن حبيتين و غير مستوي شويه. و العربيه بتتنطط على النوع ده الطرق بسمع الصوت لما اكون ماشي على سرعه عاليه بالنسبه للطريق غير المستوي المكسر.
( الصوت مش هيتسمع الى اذا انت مركز مع العربيه و قافل الزجاج و مش مشغل تسجيل)

و شكرا يا جماعه و اسف على الاطاله :)

**Ahmed Samy** · 21-08-2009 05:50 PM

اتأكد انه مش حزام الأمان

لأنه بيلعب عندي و بيقرفني في الطرق دي

**wolverine1987** · 21-08-2009 08:40 PM

طيب ابقى جرب عندك يا استاذ احمد و اعمل زي ما عملت اقفل الزجاج و ركز مع الاصوات اللي وصفتها دي بس اهم حاجه امشي في طريق مش ممهد كويسى بس مش على مهلك قوي و قللي ايه الخبار بغض النظر طبعا عن صوت خبط حزام الامان.
انا المره الجايه هنزل الزجاج خالص و هعمل كده عشان استبعد انه يكون من الزجاج.