ممكن مقارنة بين السيراتو والأسترا

**aymanshalaby** · 21-08-2009 08:20 PM

يا جماعة انا محتار بين السيراتو والأسترا ومش عارف اشترى اى واحدة فيهم

يا ريت حد يفيدني في الموضوع ده ومستني ردودكم

وكل سنة وانتوا طيبين

**cheetos_892005** · 21-08-2009 08:42 PM

كيا ضد اوبل؟؟؟؟؟؟؟؟؟؟؟؟؟؟؟

انا حاسس ان السيراتو هتتقارن مع c180 الجديده

**yoko** · 21-08-2009 09:49 PM

أنا من عشاق السيراتوا بس مش لدرجة إن تقارنها بالأسترا

**Ahmed Samy** · 21-08-2009 10:48 PM

الثبات مش هاتلاقي فرق شاسع بين الاتنين (و أنا عارف العربيتين كويس)

الخامات الداخلية تفرق لصالح الأسترا لكن مع وجود الفرش الجلد و الطارة و الفتيس الجلد هاتلاقي الفرق قريب جدا برضه لأن خامات الأسترا مش رائعة عادية جدا .

أداء المحرك تتفوق فيه السيراتو

المواصفات طبعا لصالح السيراتو بشكل لا يمكن تجاهله

الشنطة لصالح السيراتو

الكنبة الخلفية نفس المساحة تقريبا

الارتفاع الاتنين كويسين

الصناعة بلجيكا و كوريا

ممكن تراجع الموضوعين دول

(أسترا انجوي - Test Drive)تجربـــــة أوبـــــل أستـــــرا إنجـــــوى موديـــل 2007
بس دي الإنجوي

مثبت: التقرير المصور الكامل لتقييم الكيا نيو سيراتو - أحمد سامي-

كيا ضد اوبل؟؟؟؟؟؟؟؟؟؟؟؟؟؟؟

انا حاسس ان السيراتو هتتقارن مع c180 الجديده

ليه لأ ؟؟؟؟

انما السي لو قارناهم ببعض ممكن يتقارنوا ......و السي تطحن السيراتو طبعا

انما الأسترا ...معلش ...ولا تطحنها ولا حاجة

عربية قدام عربية و اركب الاتنين و حضرتك تعرف أسترا ...ولا فورتي

**Scent7104** · 21-08-2009 11:14 PM

هو حضرتك بتتكلم عن أي أسترا بالضبط لأن الهاتش باك متهيألي مفيش 2009 و السيدان ده فئة سعرية تانية غير السيراتو.

و بعدين متهيألي اسال أصحاب الكيا نفسهم و هيقولوا حرام تقارنها بالأوبل ده كده تبقى أوبل تقفل أحسن.

ثانيا و عن تجربة للاتنين : لا مقارنة في الثبات و طبعا لصالح الأوبل

يمكن تكون الأوبشنز أكتر في السيراتو الجديدة عن الأسترا انجوي القديمة بس بالنسبة للأسترا سيدان فهي تكسب حتى في الكاليات ( ما عدا فتحة السقف)

كصالون ، أنا شايفة صالون استرا سيدان أفخم كتير

كوسع الأسترا سيدان أعرض و يمكن الماحة الداخلية للراكب أكبر شوية من السيراتو

شنطة الأسترا سيدان تماثل تقريبا شنطة السيراتو

بس هي المشكلة في الفئة السعرية : الأسترا سيدان ب 150 ألف و أعلى فئة للسيراتو (بتزيد عن الأسترا فتحة سقف و الأسترا بتزيد في عدد ال air bags 132 ألف تقريبا)

التوكيلين تقريبا في نفس المستوى

بس قطع غيار الأوبل أغلى طبعا.

**Mostafa.Mahran** · 22-08-2009 12:23 AM

السيراتو حلوة طبعا بس تقارنها مع الهيونداى النترا مثلا انما الاسترا لا

**aymanshalaby** · 22-08-2009 04:48 PM

أولا أحب أشكر الجميع علي ردودهم ومشاركاتهم المفيدة

ثانيا للتوضيح أنا بقارن بين الأسترا الهاتش باك والسيراتو عشان هما قريبين من بعض في السعر

وأحب أستفسر عن شوية حاجات وأرجو إنكم تفيدوني

- أنهي عربية أحسن في إعادة البيع Resale عشان مخسرش فيها كتير لما أجي أبيعها
- أنهي عربية صاجها أمتن وعفشتها أحسن وتستحمل شوارع ومطبات مصر
أنهي عربية أحسن من ناحية الصيانة وقطع الغيار
- هي الأسترا تقفيل ألماني ولا متقفلة فين بالظبط

وألف شكر مرة تانية وكل سنة وانتم طيبين

**Ahmed Samy** · 22-08-2009 06:27 PM

المشاركة الأصلية كتبت بواسطة aymanshalaby

- أنهي عربية أحسن في إعادة البيع Resale عشان مخسرش فيها كتير لما أجي أبيعها....
لسه لما نشوف اعادة بيع السيراتو ..الأسترا مش منتشرة في سوق المستعمل أساسا فصعب نحدد

- أنهي عربية صاجها أمتن وعفشتها أحسن وتستحمل شوارع ومطبات مصر
الأسترا صاجها أمتن و الاتنين عفشتهم جامدة و كويسة (مع العلم ان السيراتو لسه ما شوفناش هاتعمل ايه بعد سنة ولا اتنين بس لحد دلوقتي شايلة كتيـــــــر معايا - بس الجنط الـ17 عايز تاخد بالك مش عملي قوي)

أنهي عربية أحسن من ناحية الصيانة وقطع الغيار السيراتو

هي الأسترا تقفيل ألماني ولا متقفلة فين بالظبط بلجيكي ومش وحش طبعا تقفيلها ممتاز

وألف شكر مرة تانية وكل سنة وانتم طيبين

**Ghost2** · 22-08-2009 07:06 PM

بالنسبة ليا انا شايف ان السيراتو احسن خاصة ان شركة اوبل غير مستقرة بقالها فترة .. غير كده الاوبل مش بياع .. السيراتو انتشرت في وقت قليل .. توكيلها محترم ,. الاوبل الاسترا جميله ومحترمة وعلى فكرة متفرقش عن صالون الفيكترا كتير ,,,بس انا ارجح السيراتو انا شايف ان صالونها رياضي اكتر .. وموتور اقوى طبعا