يا نهار أبيض ..... عيب فظيع في الأسبرانزة ...

**kamatchodj** · 10-05-2007 01:46 PM

وحدوا الله يا جماعه وصلوا على النبى

طارق ابراهيم ده صاحبى وحبيبى ومن الهرم يعنى حمايه كماتشاويه :lol: :lol: :lol:

وبعدين ياجماعه اللى راكب اسبرانزا مش زى اى حد راكب عربيه تانيه

با تكلم بجد..... فى حاله عشق بين الاسبرانزا وصاحبها ...... والله انا باتكلم بجد..... مع انى مش عارف ايه الاسباب

يمكن يكون فى بعض العيوب وده شىء طبيعى فى اى شىء من صنع الانسان لآن الكمال لله وحده

لكن اعذرونا على حبنا للوزه................................. هو الحب كمان لازم يكون له اسباب

بحبك باستمرار ...... بحبك طول العمر....... يا احلى مافى السوق .... يا عربيه العمر
يا اسبرانزا

**Mohsens** · 10-05-2007 02:02 PM

بحبك باستمرار ...... بحبك طول العمر....... يا احلى مافى السوق .... يا عربيه العمر
يا اسبرانزا

ربنا يخليهالكو يا باشا...انتوا ناس زي العسل أصلاً :D :D

أما عن التفسير المنطقي للفرحة العارمة لمالكي الإسبرانزا فهو انهم لقوا نفسهم راكبين عربية فيها إمكانيات قلما تتواجد في هذه الفئة بسعر مجنون.....أو بمعني أصح لقطة.....

و الواحد دايمأ في بلد العصابات اللي احنا عايشين فيها دى لما بيلاقي نفسه مش مضحوك عليه بالعكس واخد أكتر مما تمني بينبسط قوى.

**kamatchodj** · 10-05-2007 02:04 PM

أما عن التفسير المنطقي للفرحة العارمة لمالكي الإسبرانزا فهو انهم لقوا نفسهم راكبين عربية فيها إمكانيات قلما تتواجد في هذه الفئة بسعر مجنون.....أو بمعني أصح لقطة.....

و الواحد دايمأ في بلد العصابات اللي احنا عايشين فيها دى لما بيلاقي نفسه مش مضحوك عليه بالعكس واخد أكتر مما تمني بينبسط قوى.

تفسير رائع ويمكن ده يكون احد الاسباب الحقيقيه

**ايهاب** · 10-05-2007 02:09 PM

ياجماعة خلوا بالكم الوزة دي بقي ليها خلايا نايمة في كل حتة في بر مصر ---ما حدش يقول الفاظ علي الوزة لو سمحتم----دي حالة مش مجرد عربية---معظم ملاكها شعراء----خد دي(وزة يا وزة مرة في مرة شغلني هواكي------رقة وخفة واللة ياوزة عجبني هواكي)-هاتسكتوا والا اكمل؟
dr/ehababdelhafeez
اسبرانزاوي32

**أبو عبدالله** · 10-05-2007 02:09 PM

يا سيدي الفاضل احنا مش بنتناحر على حديد ولا حاجه بس معلشي اعذرني
لما واحد يدخل المنتدى ويكون عاوز يشتري عربيه جديده ويشوف كلام الأسبرنزاويه يقول دي زلمكه مرسيدس يعني الكلام مبالغ قوي العربيه انا شايف قيمتها في السوق اقل من الكوري
وده تقييمي حسب خبرتي ومعلوماتي

فلازم يكون في رأيين علشان لما يشوف الكلام عن الأسبرنزا بس هيفتكر ان دي عربيه العمر
فلازم نوضح ان في عربيات تانيه ويقييم هو براحته

ومتهيألي اللي اشترى الأسبرنزا اتعمل فيه كده اصلا

وعلى فكره انا اعيي ما أقول ولست مجامل

10-05-2007 02:30 PM

انا اهلاوى - لكن مش متعصب -وفى نفس الوقت لا يعجبنى جمهور الزمالك-والحاجة الوحيدة اللى ممكن تخللينى اتخلص من الاسبيرانزا -ان تكون خاصة بالزملكاوية-او تشبهنا بهم --موضوعك حلو يا طارق---والى الاستاذ المحترم سبعاوى ---صدقنى وليست مبالغة --الاسبرانزوية مميزين بأخلاقهم وتواضعهم الشديد وقد تعلمنا الكثير من الصفتين من امثال حضراتكم الناس المحترمة فعلا --

**محمد المشد** · 10-05-2007 02:39 PM

الاخ ابو عبد الله

اشكرك ولكنى لم اقل انك لم تعى ما تقولة فأنت والاخ طارق فوق الراس والعين وكلاكما محترم ولكن فى بعض الاحيان يلزم من الانسان الهدوء وان كان الطرف الاخر متضايق بعض الشىء فعلى الاخر الانسحاب فى هدوء وبعدين يتم التفاهم
عموما مازلت مصر انها حديد ولكل منكما وجهة نظرة المحترمة ولكن إلا يكون من الافضل على اى شخص ان يقول راية بدون تجريح للاخرين او لمز عن سيارة المنتدى الذى يتكلم من خلالة حتى لايستفز مشاعر الاسبرانزاوية
وانشاء الله يوفقك ربنا لما فية الخير ودائما نستمع لنصائحك بس ابعد عن الاهلى !

**محمد المشد** · 10-05-2007 02:44 PM

الاستاذ / جنيدى

السلام عليكم ورحمه الله وبركاته 000
مع انى اهلاوى وعضو بالنادى إلا انى اختلف معك فى انك لاتحب الجمهور الزملكاوى لان منهم المحترم والمتعصب وخلافة مثلهم مثل الجمهور الاهلاوى او اى جمهور والامر لايعدو إلا حب لاحد الاندية مثل حبكم للاسبرانزا
خلى بالك انتى كدة متعصب ! ويجب ان تعذر الزملكاوية فى الفترةالحالية وقد مر بها الاهلى منذ خمس سنوات وهى فترة عدم استقرار بس ربنا يوفقهم لمجلس ادارة محترم

**ايهاب** · 10-05-2007 02:47 PM

انا النهاردة --علي سبيل المثال--ارسلت -موضوع جديد -عن استفسار عن تكييف516-ولسة الموقف مابانش هل هي مشكلة ام ميزة؟
وباقي رسائلي في مواضيع تانية -اغلبها مدح في العربية --لانها تستاهل من وجهة نظري------يبقي في الاخر اكتر رسايلي عن العربية مدح مش كلها
----يارب يبقي فيكي يامصر انواع كتير من العربيات كلها مزايا --وانا اشتري منها ويوصلني لنفس (حالة )الاسبرانزا وساعتها هاقول اللي في قلبي عنها بنفس الامانة----
dr/ehababdelhafeez
اسبرانزاوي32

10-05-2007 02:51 PM

استاذ محمد المشد انا الوحيد ومعى والدتى اللى اهلاوية فى العائلة --ومن بين اصدقائى انا الوحيد الاهلاوى ايضا --واذا لم يكن الاهلى طرف فى مبارة -احب مشاهدة الزمالك لانة يمتعنى فعلا --لكن الجمهور الزملكاوى --لا يعجبنى وهذا ليس تعصب بدليل حبى لفريق الزمالك-وايضا الاسماعيلى -الذى لا احب جمهورة ايضا -