الموضوع: هشترى سوبارو وعايزك اخد رأيكو

^^^^ نظام التعليق الامامي و الخلفي متغير كليا مبقاش في الداخل او ورا العجله و فوقها
بقي علي الاجناب ( محدش يسألني ازاي :mrgreen: ) بس دا حقيقي قريتها كتير

الجير بوكس مختلف تمااما

و المتور مختلف تمااما برضه

عليها تراكشن كنترول رهييييييييييييييييييييب

و يارب السعر يفضل رخيص و دا اللي انا متوقعه ;)

المشاركة الأصلية كتبت بواسطة body

وعايز اخد رايك فى حاجة
يعنى لو ركب واحد قدام كبير فى السنة مثلاُ هيرتاح ولا لا
ولو ركب 3 ورا هيكونو مرتاحين فى السفر البعيد ولا هيحسو بزنقة وهيضايكو
ولو ركب مثلا واحد وزن تقيل شوية ورا واتنين عادين وزنهم كويس عادىىىىىىىىى عالعربية ولا بتهبط جامد عالارض
يعنى واحد قدام و اللى هيسوق و3 ورا يبقو 5 العربية هستحمل ولا غلط ؟؟؟ وبتهبط جامد وبتحك فى الارض؟؟؟
وعايز رأيك خصوصا فى المطبات الصناعية العربية بتحك ؟؟؟؟؟ زى الالنترا ولا نظامها لانى خلاص انا هشترى العربية خلال ايام
وعايز اعرف كل حاجة عشان لما اشترى ماندمش وطبعا هشترى العربية بفضل الله وبفضلكو طبعا عشان انتو اللى شجعتونى

انا كنت فاكر ان حضرتك اللي سألتني على الخاص بس واضح ان فيه حد تاني و عموما انا هكتب ردي هنا للأفاده لأن فيه اسئله مشتركه:

شوف يا سيدي..

لو هتشتري العربيه زيرو.. ليه تفكر تصلحها بره التوكيل اصلا؟!!!في التوكيل الناس فاهمه و شغلها نضيف و المصنعيه مش غاليه. عموما انا معرفش فيه حد بيشتفل فيها بره و لا لأ... بس اكيد الحاجلت البسيه زي التيل مثلا ممكن تتعمل بره.. بس هتجيبه منين؟

السمكره لا قدر الله طبعا ممكن تتعمل بره بس عايزه واحد فنان "لو بصيت كويس على الرفارف و الابواب هتعرف ليه"

معرفش العربيه ليها حاجات بره و لا لأ... و محاولتش اسأل... بس انا ليا واحد صاحبي شغال في قطع الغيار الاستيراد و خليته جاب واحده متقطعه "بس موديل 2005 او 2004" شكلها مختلف من الامام بس نفس القطع الميكانيكيه و الموتور.. و هوه ناوي يجيب تاني انشاء الله.. و كان قاللي ان فيه حد بيشتغل فيها في الحرفيين في القاهره.. بس مش عارف بيشتغل يعني بيصلحها ولا بيبيع قطع غيار.. لو عايز ممكن اسئله.. بس هتستنى شويه "اسبوع او اتنين لأنه مسافر بره بيجيب شغل"

بالنسبه للبيه فهيه اكيد طبعا رخمه مقارنه بالانسر... و سوفها مش موجود اصلا غير في القاهره "بورسعيد مافيهاش غير عربيتي و عربيه واحد صاحبي انا اللي اقنعته بيها " اكيد فيه ناس بيفهموا بيطلبوها.. بس برضو اكيد هتاخد وقت في البيع... و هتخسرك كتير لو بعتها قبل 4 او 5 سنين... بعد كده مش هتفرق كتير عن اي عربيه تانيه.

بالنسبه للوسع للكنبه الخلفيه اظن الانسر اوسع شويه و ده بسبب ان العربيه فيها توصيل حركه من الامام للخلف علشان الدفع الرباعي.. و ده عامل مطب في نص العربي قريب في ارتفاعه من اللي في عربيات الدفع الخلفي... بس الفرق في الوسع مش كبير بس الكنبه مريحه و الكراسي الاماميه مريحه جدا خصوصا في السفر الطويل لأن الكرسي مش طري و بيحضن اللي قاعد و بيخليه يقعد صح.

ملاحظه بسيطه.. اصحاب الوزن الزائد جدا ممكن يتضايقوا لو قعدوا قدام لأن الكرسي فيه زوايد من الاطراف "انا وزني 110 و معنديش مشكله خالص... احنا بنتكلم على 140 و انته طالع

تحت امرك في اي استفسارات تانيه

اي عربيه طبعا هتنزل لما يركب فيها 5... بس العربيه مش هتنزل كتير لأن العربيه دي مساعدينها ناشفه فحركتهم محدوده سواء في النزول او الطلوع.. و العربيه ارتفاعها عن الارض عادي مش واطي زي ما كتير من الناس فاكرين... ارتفاعها 15 سم و ده ارتفاع معظم العربيات.. و على فكره العربيات العاليه بيكون ارتفاعها 16 سم او 16.5 سم بالكتير. بس اكيد فيه مطبات هتحتاج تاخدها بالعرض لو المطب عالي و مش عريض.

طبعا احسن مكان ممكن تشتري منه هوه ابو غالي نفسه.