استفسارات بخصوص موتور وعفشة البيجو 205

**zeeeez** · 22-08-2009 11:06 AM

السلام عليكم و رحمة الله
انا معايا بيجو 205 موديل 85 لسه جايبها و نزلتلها موتور 1300 سى سى من حوالى شهر بس هيا مغلبانى اوى
اول مشكلة:
انا لما غيرت الموتور قولت اغير كمان الرادياتير فجبتلها واحد جديد و جبت مروحة تبريد جديدة برضة و ترموستات حرارة جديد المهم المروحة بتشتغل لما العربية بتسخن و تبطل لما تبردها كده مفيش مشكلة بس انا و انا سايق بحس ب سخونية الموتور جاية من اتجاه الدواسة مش عارف ده تفسيره ايه؟
المشكلة التانية:
و انا بدور الصبح العربية بتلقط مارش بس مش بتدور و بسمع صوت فرقعة ف الشكمان و واحد صاحبى قاللى انها طلعت زى نار كده من عند الكاربرتير و بعد كده مبقتش تدور خالص .....هية دى مشكلة كهربا ولا ايه ؟ عشان النهارده النا حجيب انشاء الله بطارية جديدة بس مش عارف ده حيحل المشكلة دى ولا لا؟؟؟؟؟
المشكلة التالته:
انا حاسس ان صوت العربية و هيه دايرة عالى زياده عن اللزوم وانا كمان ملااحظ ان علبة الشكمان بتاعتها كبيرة شوية بس مش متاكد عاوز اوديها اواحد بتاع شكمانات هية الفروض ان العلبة بتاعتها تكون كبيرة؟؟؟؟؟؟؟؟؟؟؟
المشكلة الرابعة :
اول امبارح كنت على طريق ترابى و ركبت اتنينم من صحابى ورا و جيت اطلع العربية مرضيتش تتحرك زى متكون شادد الهاند بيرك ف انا نزلتهم العربية مشيت عادى .....ممكن حد يفسلى المشكلة دى ايه و حلها ازاى؟

**ozy2026** · 22-08-2009 01:32 PM

بالنسبه للحراره اللى داخلالك من عند الدواسه دى حلها انك تروح لسروجى يقفلك الحته دى كويس ويعزلك الكابينه عن الماتور بورق حرارى
المشكله التانيه ملهاش دعوه بالبطاريه دى مشكله ظبط كهربا وكربراتير
المشكله التالته دى هتتحل لما تظبط الكهربا والكربراتير ظبطه كويسه وممكن تروح لواحد بتاع شكمانات يبصلك على الشكمان كله بس حاول تبص عليه انت الأول لو فيه اى شرخ او كسر قبل ما تروحله علشان ميشتغلكش

المشكله الأخيره دى انا بصراحه مش فاهمها
يعنى لما جيت تطلع العربيه قعدت تفرك
لكن لو مفركتش وفضلت ثابته فى مكانها يبقى انت مقرصتش عليها كويس لأن مش 2 هما اللى هيخلوا العربيه متمشيش دى لو سيات مش هتعملها
انما لو العربيه عزمها ضعيف وسرعتها القصوى قليله ومش بتقدر تطلع على المطالع كويس يبقى ممكن تكون محتاجه اسطوانه وديسك
بس برضه اظبط الكهربا والكربراتير الأول قبل ما تعمل اى حاجه

**SAMEH_FOUAD** · 22-08-2009 06:16 PM

1:سخونية الماتور جوة العربية :يبقى العوازل الحرارية اللى متركبة خلف الماتور من الكابوت من جوة
2:الكهرباء عندك عايز تتظبط وتنظيف كربراتير وتغير ابلاتين
3:بيج السلانسية يوطى وهتلاقى الدنيا كلها ظبطط وبردة اتاكد من عدم وجود ثقب فى الشكمان ,
4:المشكلة الرابعة حاول تشرح انت عملت اية بالظبط وهل العربية مانت بتتحرك بس بالعافية ,ولا ماتحركتش خالص وعموما تقدر تعرفها انك بعد مشوار طويل تقدر تمسك سرة الجنط نفسة لو لقيتة سخن جامد يبقى انت كدة عندك مشكلة الطنابير والفرامل
وممكن تجرب الاسطوانة والديسك اطلع على مطلع وشوف العربية هتسحب معاك ولا هتطلع بالعافية

**aYaBooY** · 23-08-2009 10:57 AM

اولا انت غيرت موتور كان المفروض تجيب موتور 1400 ستروين احسن بكتير من الموتور ال1300 المقلوب بتاع العربية ديه
انت محتاج تروح لحد من الناس بتوع البيجو يظبطلك كهرباء و كاربراتير علشان الموتور بتاعك قليل و مش اي صنيايعي يعرف يظبطة كويس اما مشكلة السخونة انت هاتلاقي الفتحة الي خارج منها عمود الدركسيون الى الاسكاترا المفروض يكون عليها جلدة و ديه يا اما هاتلاقيها مقطعة او مش موجودة اصلا و ممكن تجيبها استيراد او من عند ناصف في ميدان ابن الحكم قبل ميدان المطرية و اي ميكانيكي يركبهالك اما مشكلة الاتنين التقال انت عندك مشكلة فيه العفشة الخلفية او عندك مشكلة في طقم الدبرياج و عموما فيه ميكانيكي ادام شركة الغاز في الماظة اسمه علاء الدروي الراجل ده بيشتغل في العربية ديه كويس بس تتفق معاه قبل ما يشتغل موضوع ظبط الموتور هو الي يعملة بايدة مش حد من الصبيان و متخليش حد غير علاء يشتغلك فيها يعني لو مش موجود سيبك من اخواتة

**zeeeez** · 23-08-2009 11:23 AM

طب لو ممكن تدينى رقم تيليفونه لو معاك؟؟؟ اكون شاكر جدا عشان انا اتخنقت من فتاوى الميكانيكة الكتير و عاوز واحد يجيب من الاخر

**aYaBooY** · 23-08-2009 01:28 PM

0125734050علاء الدروي و على فكرة هو طبعا زي اي ميكانيكي بس شاطر و عيبة انه مبيمدش ايدة الكريمة غير للشديد القوي
و افضلك تدور في قسم بيجو على حد متخصص بيجو و عادتا الي بيكون متخصص او قافل على نفسة في نوع معين بيكون شاطر في النوع ده و غالي شوية