أمبارح أهدانى صديقى غطاء ووتر بروف قمت بخياطته على الغطاء القديم كنوع من التقويه له
وصعدت للنوم لكى أنزل اليوم أرفع الغطاء أجد أحد اطفال الشوارع بتمزيق الغطاء الجديد بموس
لمسافه كبيره منه بالزمه دا يرضى ربنا .
عرض للطباعة
أمبارح أهدانى صديقى غطاء ووتر بروف قمت بخياطته على الغطاء القديم كنوع من التقويه له
وصعدت للنوم لكى أنزل اليوم أرفع الغطاء أجد أحد اطفال الشوارع بتمزيق الغطاء الجديد بموس
لمسافه كبيره منه بالزمه دا يرضى ربنا .
معلش ربنا يعينك
احتسب
حسبي الله ونعم الوكيل !!
العيال دى اكبر مشكلة كلهم عاوزين اطباء نفسيين
انا ابن الجيران رايح جى يخربش فى العربيه باى حاجه لما همسكه اقتله مره هو وامه وابوه
هههههه دة مرة سرقوا الغطا
هى دى مصر
ده مش فى مصر بس
ربنا يهدى
مرة واحد كان عنده عربية 4×4 ففى واد شقى كل شوية يجى جنب 4×4 ويكتبله بالمسمار =16
فكل شوية يروح يصلح البوية وبعدين يجى الواد تانى يعمله بالمسمار =16
فزهق وراح لبتاع البوية قاله خلاص يا بيه أنا هصلحهالك وأكتبلك بالبوية 4×4=16 عشان الواد مايبوظهاش تانى فعمل كدة
نزل تانى يوم لقى الواد كاتبله (صح)
روق بقا وفداك الغطا :)
حسبي الله ونعم الوكيل
معلش ..... قدر بعض الناس أنهم يعيشوا في وسط ناس تانية متخلفين عقليا و حضارياً .......
و هي دي ج ع ع ................ ربنا يعوض عليك و علينا
معلش ربنا يعينك
معلش اعذروني في الكلمة
الشعب المصري في منه فئة عندها نقص وحقد طبقي ده واقع
وعلى فكرة مش لازم يكون عيل صغير
وانا مرة برش العربية عند الراجل اللي بتاعمل معه جه واحد معاه جولف 5 جديدة لنج بورقها مكلمتش يومين ركنها تحت البيت نزل الصبح لقى واحد لاعب عليها x o ده ايه بقى حقد ولا لأ
مرحبا بك في بلاد العجائب مصر
قمة التخلف
قمة الاستهتار
قمة اللا مبالاة
الاهل ما عندهمشي وقت يربو عيالهم ويعلموهم الصح من الغلط. سايبنهم للشارع يربيهم
معلش ربنا يعوض عليك. نصيبك انك اتولدت وعيشت في وسط ناس زي كدة في بلد حرام يتعمل فيها كدة ويكون فيها ناس زي كدة
+1اقتباس:
معلش ربنا يعوض عليك. نصيبك انك اتولدت وعيشت في وسط ناس زي كدة في بلد حرام يتعمل فيها كدة ويكون فيها ناس زي كدة
أحنا بلد الامبالاه والتخلف وعدم الولاء
مفيش مبادىء تربيه طيبه
ألا من رحم ربى ....لأن فيه برضه ناس مربيه عيالها كويس
بس دول نادرين أوى
علشان كده لما بنحكم على بلد بنحكم حسب النسبه الطاغيه
ومش حقولك بقه على النسبه الطاغيه عندنا .....عامله أزاى
حاجه تحسر للأسف ...........:stink[1]:
طيب انا مرة واحد صاحبى كان عندة غطاء سيارة مقطوع ومبهدل نزل لقاة متخيط كلة ,لدرجة انة معرفش العربية وقعد يدور عليها واقولة يابنى ماعربيتك اهية يقولى انا الغطا عندى ماكنش سليم كان كلة مقطوع واضطرينا نشيل الغطا عشان نشوف ان دية العربية ولا لأ
سبحان الله الناس لائما تجنن لائما تعمل حاجات صعب اننا نتوقعها فى الزمن دة ,بس اللى احنا اكتشفناة بعد كدة انة كان معاة مكنة خياطة وكان بيجربها
متشكر ليكم كلكم لمشاركتكم الجميله ومؤازارتى وتهدئه انفعالى
وربنا يبعد العيال دى عنكم
حسبى الله ونعم الوكيل
حسبى الله ونعم الوكيل
حسبى الله ونعم الوكيل
حسبى الله ونعم الوكيل
حسبى الله ونعم الوكيل
مش لاقى حاجه اقولها غير كده
دة بسبب ان فى ناس بقت بتتجوز وتخلف وخلاص لية هى متعرفش بس نداء الطبيعة وخلاص طيب يا سيدى ربى عياللك هو انا فاضى اكل العيش والعيشة بقت مرة وهو تلاقية صارف نص فلوسة على القهاوى يااما على الدش والطبق والريسيفر وكلها حجج وهو المشكلة انة مخلف ميعرفش لية ::::(((((((
يعنى انا لسة كنت فى اسكندرية من اسبوع بالضبط وعيل صغير ماجرلى عجلة وقعد يلف بيها ومش بيعرف يسوق راح جى داخل فى العربية مخربشها جااااااامد وانا لسة راشش ومجدد بقالى 4 اشهر بس تقول اية والمشكلة انى كنت فى مدينة فيصل يعنى مش فى مكان مش قد كدة حسبى اللة ونعم الوكيل
وتيجى تدور على ابوة او امة انسى متلقيش اى رد غير دول عيال معلش
اكتر حاجة بتضيقنى فى موضوع الحكة بخربشة دية انها بتشيل البوهية بس مينفعش ترمها غير بوجع قل وتفتح شغل فى البوهية و العربية وطبعا العربية ميتاللك :((((((((((
اسف لصاحب الموضوع عن الخروج عن سياق الموضوع وربنا يعوض عليك فى الغطا وحاول تخيطة عند اى سروجى كويس فى سروجية بيصلحوا الوتر برووف انا اعرف واحد فى طنطا انت اسال بس وانت حتلاقى اكيد .
الحمد لله انها جت علي الغطا بس
سلبيات كتير جدا لا حصر لها اصبحت فى مصر الان وسببها قلة التربيه والتوعيه ربنا يصلح احوال المسلين ...
انا مرة مسكت واحد قاعد على الاسبويلر اللى على الشنطة مسكته ضربتة
قلة ادب
امبارح اول يوم رمضان وبعد ما وصلت وقبل مانزل من العربية بصحي العيال والم حاجتي
لقيت فريق من الكشافة ماسكين مدافع صاروخية وجايين بيرسمو قاعدة للصاروخ على كبوت عربيتي عشان يوعو في الصاروخ
مانجدهمش من اني احطهم علة فوهة الصاروخ غير انهم بيجرو بسرعة جدا
وطبعا وديت عربيتي في حتة تانية بعيدة عن ارض المعارك
معلش يا محمد ربنا يعوض عليك
امال انا اعمل ايه رشيت عربيتي وظبطتها والله ما كملت اسبوعين وكابوت العربية بقي معضعض بسبب قعدت الناس علي العربية وياعم انا كل يوم الاقي اربعة خمسة قاعدين عليها تخيل يعني صاج ايه اللي يشيل حوالي 250 كيلو عليه
وفي يوم قمت الساعه واحدة بليل لقيت اتنين شباب نايمين علي الكبوت لحد الزجاج
والحمد لله علي كل شيء لدرجة اني خلاص تعبت وزهقت ولو اقدر ابيع العربية وامشي من غيرها كنت عملت بسبب سلوكيات الناس في الشارع
وربنا يعوض علينا
ياااه يا أستاذ توتاقتباس:
معلش ..... قدر بعض الناس أنهم يعيشوا في وسط ناس تانية متخلفين عقليا و حضارياً .......
هو دا اللى بحس بيه يومياً فعلاً
ولصاحب الموضوع ... فداك .. هو دا العادي و الحمد لله انا جت في غطا مش في العربية
الحمد لله
الحمد لله
مامسكتهوش ليه وأخدت تمنه من أهله فى القسم!!
نفسى أمسك اللى بيخرب العربيات عندنا ده بيخلع العلامات وبيسرق الغطيان والطاسات وكسر إريال العربية ويارينه خلعه من غير مايكسر مكان الرباط بتاعه....
طيب دى بسيطه والحمد لله
عندى فى مربع العمارات اللى أنا ساكن فيها
زملاء كتير معاهم عربيات شاهين كتير
فى يوم من الأيام .........على رأى عبد الحليم حافظ
واحد حرامى ....بالغ وعاقل ....عمل أيه
خللى الناس نايمه بالليل ......ونظرا لأن البيه الحرامى ....واضح أنه بليه ومخضرم
ومحدد أهدافه ..................
حل عدد / 3 بوبينا ........من 3 عربيات والناس نايمه
الناس جايه الصبح تدور عربياتها ......علشان تروح شغلها
النتيجه معروفه ..............تاكسيات على طول فى اليوم ده
الناس بعد مارجعت من شغلها ......حبت تدور عربياتها
فيه اللى راح أشترى بوبينا جديده ....وركبها لعربيته وخلص وحمد الله وأحتسب
الأنكت بقه .....واحد منهم ....قال أما أجيب بوبينا أستعمال
راح شونة قطع غيار مستعمل ....وأشترى بوبينا (تقريبا ب150 ج ) على ما أتذكر
بيبص فى البوبينا ......لقاها بتاعته ......تقريبا كان عليها أى علامه (هو عرفها منها )
دفع التمن ...ورجع ركبها ...ودور
ولا قدر يعمل حاجه .......
حيثبت أزاى أن دى بتاعته ........
يبقى نقدر نقول زى أبو العلاء المعرى ....ماقال
نعيب زماننا والعيب فينا ...............وما لزماننا عيب سوانا
أنا لسة إنهاردة وانا ماشي في شارع داخلى متفرع من شوارع فيصل كان آخر عهده بالسفلتة من 20 سنة تقريبا ...
عشان كده طبيعي إن أكون ماشي بالراحة جدا عشان التضاريس الطبيعية اللى في الشارع ... فجأة لاقيت حد كأنه خبط في العربية من ورا ... ببص في المراية لاقيت عيلين صغيرين بتاع 7 سنين كل واحد متشعبطين في الشنطة ورا وواقفين على البروز الصغير جدا اللى في الإكصدام الخلفي ... كان رد فعلي اللى صدر بسرعة جدا من غير ماأفكر فيه روحت مسقط النقلة من التاني للأولاني ودايس بنزين ... طبعا لبست مطب محترم وحلو بس فرحت لما لاقيت العيلين دول مكفيين على وشهم في التراب ومش عارفين يقوموا تاني من الكعبلة اللى إتكعبلوها في بعض وفي الشارع
وطبعا بعد ما وصلت لاقيت المساحة الخلفية مقطومة من شعبتطهم فيها ... بصراحة ساعتها دمي غلي وكان هاين عليا أرجع أقتلهم
بس للأسف في نهاية اليوم وانا بفكر فيهم حسيت إن تصرفي كان قاسي جدا عليهم وإن كان المفروض أقف بالراحة وأنزل أزعقلهم مثلا وهمة بطبيعة الحال هايجروا قبل مانا أمسكهم ... اللى مضايقني إني عملت كده وانا صايم حتى
بصراحة العيب على الأهالي... يعني انا لما يكون عندي عيال صغيرة هرميهم في الشارع و اسيبهم يتشعبطوا في عربيات الناس و يكسرلهم مساحاتهم كدا و اسيبهم ؟؟
انا اعتقد ان عيالي (ان شاء الله ) مش هيلاقوا الفرصة دي ابداً !!
عيب على الاهل بيخلفوا ويرموا ومش عندهم ادنى فكرة عن حاج اسمها تربية
ازاز العربية عندنا مشروخ حد ركن عليه زود الشرخة
كل واحد مننا صدقوني عندة حكايه من دي و اكتر في عربيه دافع فيها دم قلبه علشان يحفظ نفسة و عيلته
دي ثقافه شعب هما كدة و الناس في الشارغ بتحب كدة مفيش حاجة اسمها احترام ملكيه الغير و اللي بيحصل في العربيات بيحصل في كل حته الموضوع كله بلطجة و فتونه و حب ارتكاب الغلط و خلاص
عربيه جديدة بتلمع ليه تفضل كدة عيب حرام مفيش عربيه في مصر تفضل سليمه و شكلها كويس حاجة بتضايق الناس تنرفزهم و بيتعملوها و هما اطفال
ربنا يستر