عايز ابيع شاريد 2007 اوتوماتيك

**ahmed4000** · 14-08-2009 04:27 PM

السلام عليكم
عندى دايهاتسو شاريد اتوماتيك 2007 محرك 1000 سي سي
طبعا دى ارخص عربية اتوماتيك يابانى فى مصر
نويت ابيعها ان شاء الله واجيب حاجة اكبر لانها هاتشبك
السؤال بقى لو حبيت ابيعها ابيعها ازاى

يعنى هل اروح سوق العاشر ولا دى محدش حيفهم فيها

ولا انزل اعلانات على المنتديات

ولا انزل اعلان فى الوسيط او الاهرام

يعنى افضل وسيلة للببع وياترى تسعيرها يبقى كام علما بانى شاريها بحوالى 60 الف

وعاملة 50 الف كيلو
بطارية جافة باقلها سنة تقريبا

صيانة كل 5 الاف فى التوكيل بدون تاخير

الرفرف الشمال مرشوش
وفى خبطة خفيفة فى اليمين
والاكصدام متثبت كويس لكن للامانة هو مكسور
وفى حكة فى العتبة الشمال

غير طبعا خدوش مصر المعتادة

وده طبعا حيخلنى انزل من سعرها الف او 1500 جنيه علشان اللى ياخدها يظببط الحاجات دى بمعرفته

مستنى ارائكم واقتراحتكم وخاصة ملاك الدايهاتسو وشكرا مقدما

**madoo** · 14-08-2009 08:16 PM

انا عن نفسى معرفش اسعرها لانى ماليش والله فى الموضوع ده

بسي لو على االبيع انت ممكن تنزل اعلانات على النت وفى الاهرام وبرده تنزل السوق اللى يجيبلك احسن سعر
ده رائى

**عزيز محمد** · 15-08-2009 12:01 AM

شوف أسعار نفس الموديل كام (فى السوق وعن طريق مواقع بيع السيارات المستعملة والوسيط) وبناء على كده حدد سعر "استرشادى" لعربيتك، لكن ما تنزلش السوق بيها على طول لإن أول كلمة هتتقال لك "الديهاتسو مالوش سوق" وهيخسفوا بسعرها الأرض، وما تبعهاش أبدا إلا بالسعر اللى إنت عاوزو