الموضوع: خطاب خاص لمنتدى سيات ( عشان خطرى)

المشاركة الأصلية كتبت بواسطة masterzmind

السلام عليكم يا احلى منتدى الاول كل سنة وانتم طيبين انشاء الله شهر مقبول للجميع

نداء لمنتدى سيات يا جماعة المنتدى نايم نايم نايم مش عارف ماله العربية ما شاء الله لها تاريخ مشرف العربية مش بشوفها غير فى الشارع اما فى المنتدى مفيش حاجة خالص المنتدى يخص سيات من موديل 1992 الى 2000
غير كدة مش موجود مفيش تقرير او تجربة معينة الى سيات 2009 او 2006 حتى مفيش حد يقول عيوب ومميزات كل الموجود تقرير على العربية انها نزلة موتور كام سى سى و امكانيات .....الصراحة انا شايف ان اى واحد يخش المنتدى يطلع من المنتدى سيات يقول دية عربية محديش يجيبها دة ماشاء الله منتدى بروتون و كيا .............ألخ فعلا فى تعاون جامد اوى اوى فى تخفيظات وعروض وتقرير والله كل يومين من واحد شكل وخاصة بروتون ارجو من الاعضاء معاهم سيات ابيزا او كوردوبا ارجو منكم حد يعمل تقرير يحتوى عن مميزات وعيوب وشكرااااا

فعلا منتدي سيات من أقل المنتديات تفاعلا و مشاركة .. النقطة دي لفتت نظري جدا .. بالنظر لمنتدى زي الرينو أو الفيات هنلاقي فيه تفاعل و مشاركات أكتر بكتير و دائما عدد الزوار أكثر .. مش هاتكلم عن كيا أو متسوبيشي أو هيونداي لأن الكل عارف.

الناس مش مهتمة و دي بيقلل عدد المهتمين بالعربية أكتر .. فيه عدد كبير من الناس بتدخل على النيل موتورز و بتكون قناعات أو قرارات بالنسبة للعربية اللي هاتشتريها بناءا على كم المعلومات و المداخلات من ملاك العربيات.

مش كفاية التوكيل النايم اللي لا بيهش و لا بينش .. الريفيوهات بره بتقول إن السيات هي أودي متنكرة و دي قريتها في أكثر من موقع محترم لتقييم السيارات.

المشاركة الأصلية كتبت بواسطة mr_shims_49

وانا بردو والله يا جماعة نفسي المنتدي ده يتحرك شوية انا بجد عايز نعمل حملة و نعملها اسم و نعملها شعار
وانا شخصيا لسه جايب ابيزا 2009 بس ان شاء الله ناوي اعمل تقرير مع صيانة ال 5000 ان شاء الله و لو اي حد عايز يعرف عنها حاجة انا موجووود

ممكن تعمل تقرير عن المواصفات و الكماليات و إحساسك بالعربية دلوقت و بعدين يقى فيه تقرير عن أداء العربية بعد 5000 كم.