الموضوع: اتخنقت دلوقتى و انا جاى و ندمان انه حصل فى رمضان

فاكرين الخال اللي قتل الولد و البنت الأطفال من فترة كده قبل رمضان لمجرد ان أبوهم طرده من الشغل معاه و ما أدالوش بقية حسابه!!!!!!

أهو ده ابن العنف و أبوه و أمه و ده أخرة العنجهية و التسلط اللي بتتكلموا عنه......قال لنفسه ايه ((وديني لأحرق قلبك على ولادك زي ما أهانتني و كلت عرقي)) اللي هوه كام جنيه هيشرب بيهم حجرين عالقهوة و يجيب بيهم سندوتشين فول و كباية شاي و يخلصوا في كام يوم.........اتحلت المشكلة .........لأ طبعا لأنه اتفضح و هيقول ايه لأرحم الراحمين لما يسأله (بأي ذنب قتلت) و مش نفس واحد لأ دول اتنين أبرياء أطفال

و البداية كانت نرفزة و خناقة قي المحل ولا الورشة و طرد من الشغل و شوية غضب على شوية وسوسة شيطان و هووووووووبه راحوا الوردتين.........لا أراكم الله مكروه في أولادكم

يا ابن الحلال انهاردة هتكسر ازاز لعربية حد وحش بكرة تسيح دم حد اعتدى عليك و بعد بكرة هتعمل ايه تدبح اللي يفكر يسرقك مثلا ولا ياكل حقك!!!!!!!!

كله فاني ما تفكروش بقلب قاسي كده ده كله فاني و عاملوا ربنا ما تعملوش الناس........ما عند الله باقي

ربنا يسترها علينا جميعاً
__________________
لا اله الا انت سبحانك انى كنت من الظالمين - اللهم اصرف مقتك و غضبك عنا و اعنا على ذكرك و شكرك و حسن عبادتك


تأمل كلماتك الطيبة الجميلة و اجعلها منهج ليك و تذكر الله عند الغضب و تذكر بيتك و أولادك و أهلك و أمك و أبوك و اصحابك و بلدك وصدقني مش هتخسر لو كنت عفيت عنهم لوجه الله

ده ربنا بيقول ((ألا ان حزب الله هم الغالبون))