أقصى سرعة جبتها بألميجان كانت كام ؟
عرض للطباعة
أقصى سرعة جبتها بألميجان كانت كام ؟
140 بالسينيك بس لسه ما جبتش اخرها عشان كنت بالين
195
180
185 at ring road
195
201
طريق جدة .. المدينة
بنزين 95 و طريق ممتاز طبعا
انا بحط بنزين 95 من ساعه ما جبت العربيه و اقصى حاجه جبتها بيها زى ما قولت بس مش ده معنى ان ده اخر العربيه ده على حسب كل واحد ومجازفاته
150
في التست درايف بتاع التوكيل
195 طريق الصعيد الصحراوى الغربى بنزين 90
190 على طريق مصر الأسكندرية الصحراوى
200 للتجربة فقط من 4 سنين
طريق العين السخنة.
اللوجان تكسب جبت ال 200 فى طريق مصر اسكندريه
و ده للتجربه فقط
هههههههههههههه
انا بردو جبت باللوجان 190 علي طريق مصر اسماعيلية
والطريق سئ جدأ
170 'طريق مصر اسكندريه بس خفت ازود ... اصل الطريق زي ما حضراتكو عارفين
225 طريق مصر الاسكندرية عند منزل السليمانية
فى منزل فى حتة من الطريق ساعدت انى اجيب السرعة دة
ولكن ربنا ستر
130 زي الفل ...
160
ما تقلقش
هنفطر و هنتقابل..على خير إن شاء الله....
أنا أقصى سرعة جبتها و أنا مش قاصد
كنت رايح 6 أكتوبر مع واحد صاحبى...و على مدخل 6 أكتوبر افتكر إنه مش معاه الحاجة إللى احنا رايحين علشانها...فطبعا ده معناه إن هنرجع تانى مدينة نصر و نيجى تانى 6 أكتوبر...
الظريف إن البنزين كان بيشطب ..و أنا ما رضيتش أجيب بنزين علشان نبقى نفول من "إمارات مصر " إللى جنب كارفور على الدائرى....فمشوار العودة كلاكيت أول مرة كنت دايس علشان عارف إن هنرجع تانى المشوار ل 6 أكتوبر و كمان البنزين عمال يخلص منى ( خصوصا إن التكييف كان شغال )....الحمد لله كان يوم جمعة الصبح قبل الصلاة و السكة فاضية خالص...فكنت دايس و مش باصص على عداد السرعة علشان مش عايز أتألم لما أشوف عداد البنزين و ألاقى الإبرة على الشرطة الحمراء ( بأتألم جدا لما تكون هى جعانة)...
لما وصلنا لمحطة البنزين...سألته هو إنت ما تعرفش أنا كنت وصلت لكام...قال لى أنا كنت مرعوب و علشان مش قادر أبص على الطريق كانت عينى على التابلوه و شايفك داخل على ال 190 ...أنا شخصيا لما حانت منى إلتفاتة إلى العداد شفت ال 170 فوق الإبرة...
المرة الوحيدة إللى استمريت على سرعة عالية بشكل ثابت لمسافة طويلة ...هى المرة بتاعت النمرة السودة على طريق الإسكندرية - القاهرة الصحراوى رابع يوم فى عيد الأضحى الفائت لما رحت و جيت فى يومها...و كنت مشغل التكييف الساخن ( درجة الحرارة وصلت ل 9 )...و كل ما تزود السرعة كمية الهواء الساخن المتدفق بتزيد و أنا بضراحة كنت بردان :ma:....
كان الطريق فاضى و أنا مش شايف حاجة فى الظلمات...فقلت ما يبقاش عمى و برد...على الأقل الواحد يبقى دفيان....فكنت بأمشى على ال 170 لما الطريق يبقى بيسمح...و يومها كان فى واحد ب BMW الفة الخامسة الشكل قبل الحالى سابنى و خلع و أنا على ال 170 فعلا و اختفى فى الأفق البعيد كأنى واقف أتفرج عليه من البلكونة و بقيت مش مصدق عينى و هو عمال يبعد بسلاسة كده ....ما رضيتش أحاول أو أفكر فى مجاراته لإن ماما كانت معايا و كمان أنا حسيت بفرق فى الأداء فعلا مش هينفع أجاريه لما شفت سرعة كتتتانه منى و أنا فعلا على ال 170 ..!!:36_1_8[1]:
235 على العلامين
الكلام علي رينو يا رجالة !!!اقتباس:
235 على العلامين
تقريبا الأخ من قسم فيراري و رد هنا بالخطأ
يا إما معدل عربيته تعديلات وهمية
أوهم من نعديلات أيمن على عربية ميجان II ...:dontudear:...ما شفتش
بالراحة بس على الراجل يا وحوش...دى أول مشاركة له فى المنتدى:B4_444:
و السبات كان أيه على السرعات دى علشان أنا كنت جبت 160 بس خوفت أزود
210
طريق العين السخنة
على ال 170 فى الصحراوى و لمسافة طويلة...لا إحساس بأى اختلال أو عدم ثبات سواء من جانب السائق أو الركاب على الإطلاق بتاتا
فوق ال 180 تبدأ تحس إن التوجيه خفيف و إنها محتاجة تركيز عالى جدا علشان أقل لمسة بتوديها من الشرق للغرب و بتحس إنك ماشى على مرتبة بسوست خصوصا لو الطريق مش قد كده...بس من ناحية تانية ..فى كام عربية لما تبقى ماشى فوق ال 180 بتكون ثابتة و إنت مستريح كأنك ماشى على ال 180 ؟؟!!!
الأجمل من ال Top Speed هى قوة الفرامل على سرعة كبيرة و هل فى إهتزازات و درامايات و خلفيات موسيقية لاحتكاك الكاوتش و لا بتقف بقمة السلاسة و الهدوء..
معايا لمسة واحدة و أشيل رجلى بتخليها تنزل من ال 130 لل 100 على طول...و لو على ال 150 بضغطة واحدة قوية بتنزل لل 110 على طول....
ولو إن الحمد لله مش بأضطر لذلك كتير...مرة واحدة بس إللى اشتغل معايا الانتظار مع ضغطة الفرامل
اي و الله .. فرامل جميلة
و اشارات الانتظار حصلت معايا 3 مرات و هي طبعا تنبيه اوتوماتيكي لمن خلفك بأن السيارة توقفت وقوف سريع و اضطراري
( و تنبيه للسائق بأن يحترم نفسه المرة الجاية )
بس انا سقت المانيوال و التيبترونيك و فرامل التيبترونيك أقوي .. زي ماتكون بتلزق كده !!
الحمد لله علي نعمة عوامل الأمان في الميجان
و الأمان نفسه بعد كده من عنده
200 على طريق مصر اسكندرية الصحراوى
I think I know you Hegazio, Is it Tamer Hegazy???
واد يا جسور !!
طبعا واخد السكة السكة قياسة لحماك و حماتك رايح جاي
واحشني يابني .. ايه خلاص .. مافيش أمل نتقابل مع الشلة ؟
:verygood: 195 طريق مارينا - العلمين
و كانت عايزه زياده بس خفت .... الاسفلت مش قوى
ايه حوار الانتظار مع الفرامل ده؟ بيشتغل لوحده و لا ايه؟
210 كم طريق وادى النطرون العلمين
ما هي اقصي سرعه وصلتها بالميجان II ولمده قد ايه وفي اي طريق و ايه اخبار الثبات ؟:biggrin2:
وايه معني ان عدادها 260 ... مش غريبه ... معظم السيارات اخر العداد 220:B4_048:
منتظر تفاعل الوحوش
بالنسبة لي تقريبا 205
لثواني و رجعت .. كنت بشوف حاعدي ال 200 ولا لأ .. كانت ثابته علي الأرض زي ال 120
العداد بتاعها بيركب علي ال 2000 سي سي ( 140 حصان ) و التربو ( 225 ) حصان .. و أخره 250 بس