طيب تقول أيه أنا لسه الاسبوع اللي فات شايف عربية "نيو سيراتو" زيرو لسه ماعلقتش نمر و مخبوطة من ورا و الشنطة ضايعة تماما , صدقني اللي يشوف مصايب غيره تهون عليه مصيبته
عرض للطباعة
طيب تقول أيه أنا لسه الاسبوع اللي فات شايف عربية "نيو سيراتو" زيرو لسه ماعلقتش نمر و مخبوطة من ورا و الشنطة ضايعة تماما , صدقني اللي يشوف مصايب غيره تهون عليه مصيبته
الحمد لله على كل شىء
المهم انك بخير والحاجات دى والله نصيب
وعلى فكره المحله و طنطا بلد زحمه جدااا انا كنت فيها لاول مره فى حياتى من يومين وشفت العجب وفيها لفات كتير وشوارع ضيقه حتى وانا ماشى بتاع تاكسى قالى انت كنتى هتتتخبط 4 مرات فى تقاطع فى نص البلد طبعا لانى مش عارف حاجه فى البلد وسايق بلطجه عشان انجز وبصراحه بقيت مهيأ نفسيا انه العربيه تتخبط فى اى لحظه لاسباب مش عايز اطول عليكم
المهم يمكن خير والحمد لله وربنا يعوضك خير عن الى حصل ان شاء الله
وكل سنه وانت طيب
يا ريت لو حضرتك توريني صور العربيه , انا كان معايا النترا و ياما شاقت خبطات , بالسنبه لان انت مش عايز ترش الجمب علشان تخلي العربيه فابريكا , الحل انك توديا لسمكري بارد استاذ , انا اعرف واحد كويس اوي بس الاول وريني الخبطه عامله ازاي علشان اعرف اقيم صح.
شكرا
للأسف البلد دي اخرها 128 مكسره عشان الواحد ميحرقش في دمه ... هنلاقيها منين ولا منين !
خلاص يا جماعة العربية بقت تمام
ما كنش فيه حل غير الرش
انا روحت عند سمكري بجد يا جماعة تحفة و اللي اشطلا منه كمان بتاع الدوكو
انا جبت العربية امبارح بالليل و الله ما صدقت انها عربيتي كأن مفيش خبطة اصلا و كمان العربية كلها خدت وش ورنيش و بقت بتلمع كأن انا لسة جايبها من المعرض
و سبحان الله كنت راكن العربية في مكان و بصيت لقيت شوية صاج متغطي كده قولت اشوف ايه ده.. بكشف الغطاء لقيت النترا 2009 هاي لاين مفيهاش حتة سليمة الشنطة داخلة لحد الكنبة الخلقية و الجناب داخلين لنص العربية و الكبوت نصه مش موجود و الأربع فوانيس متكسرين و العجل كله على الأرض و الزجاج كله متكسر
اول ما شوفت المنظر و الله كنت هتقيأ و روحت راكب العربية بتاعتي و طرت و حمدت ربنا ان الخبطة بتاعتي جت على قد كده
فعلا يا جماعة اللي يشوف مصايب الناس تهون عليه مصيبته
و على العموم السمكرة و الدهان كلفوني 1200 جنيه و لو في التوكيل كنت هدفع اكتر من 5 الاف جنيه
و من النهاردة عمري ما هروح طنطا بالعربية ديه تاني ابدا
و الف شكر للجميع على التعاون و الاهتمام بالموضوع و انا ما صورتش العربية قبل ما تتصلح بس هحاول اجيبلكوا صورة ليها بعد ما اتصلحت و اوريكوا مكان الخبطة مش هتصدقوا بجد
شكرا ليكم كلكم و انا بجد سعيد لاني بحس اني بين اهلي و اصحابي هنا في المنتدى و ربنا يبعد عنكوا و عني كل شر
ياليت تقولنا صلحتها عند مين و عنوانه عشان الكل يستفيد
حمد الله على السلامة يا alivara
قدر الله وما شاء فعل المهم ان انتا بخير
ممكن تقول لنا صلحتها فين ولك جزيل الشكر و مبروووووووووووووووووووووو ووووووووووووك
ياريت لو سمحت تكتب رقم تليفون السمكرى إن وجد والعنوان وإزاى نقدر نوصله
واكون شاكر ليك جدا