حاسس بنتشة فى سحب العربية ............

**zocor742** · 24-08-2009 04:54 AM

طيب كدة ياجماعة استبعد البوجيهات من الموضوع
ولا اية بالظبت

**samirayad** · 24-08-2009 05:12 AM

لا طبعا ....يجب أن تكشف عليهم
وتشوف نظامهم ....فأحتمال يكون عليهم تعريق زيت
لو كشفت عليهم ولقيت لونهم بيلمع من أثر الزيت
يبقى حتخش فى تغيير كاوتش صباب
وأنا عارف أنك بتقول مقاس الزيت مظبوط
بس ممكن تخدع فى المقاس ....لو النقصان كميته قليله جدا
وده ظهر معاك مثلا ....لما شديت بالعربيه

المهم لما قرصت على التانى حسيت بنتشتين او 3 ولما جبت الغيار ال 3 نتشت مرتين بعد كدة جمعت عادى
بس حسيت بالنتشة اوى على الغيار ال2

يعنى ممكن يكون الشد هو السبب
أصل الشد ده = زيادة عدد لفات المكنه = حركه سريعه جدا لساق الصباب على كاوتشة صبابه
جرب كده بعد ماتشد مره تانيه .....وأكشف على لون البوجيهات مباشرة
لو لقيت لمعت زيت .................
يبقى هو ده اللى بندور عليه

**zocor742** · 24-08-2009 05:35 AM

شكرا ياجماعة على الردود الجميلة دى
بس ياهندسة انا واثق ان دة مش عيب كاوتش صبابات انا لما غيرت الكويل والالسلوك لما كشفنا على البوجيهات وطلعناها مكنتش معرق زيت اطلاقا ومشيك على المكنة من اسبوع كلة تمام التمام بالزات وش الماتور ومنطقة التكيهات وكاوتشات الصبابات
عموما انا هطلع النوتة الخاصة بمواعيد الصيانة واشوف اخر مرة غيرت فلتر بنزين امتى واعتقد انى بقالى كتير مغيرتهوش

**samirayad** · 24-08-2009 08:47 AM

عموما انا هطلع النوتة الخاصة بمواعيد الصيانة واشوف اخر مرة غيرت فلتر بنزين امتى واعتقد انى بقالى كتير مغيرتهوش

توكل على الله وشوف الفلتر
وبالنسبه لكلامى على الكاوتش ده توقعات
ولازم ماتستبعدش حاجه من نوتة ( حقيبة التوقعات )
وأنا قايلك فى أول تعليق
نبدأ بالأسهل ثم ثم .............
وأرجو لك الخير طبعا ....ولا تقلق نفسك
وأن شاء الله بسيطه

**Shiref_mohamed** · 24-08-2009 10:45 AM

المشاركة الأصلية كتبت بواسطة zocor742

شكرا ياجماعة على الردود
عايز بس اضيف ملحوظة
انا لسة مغير كويل وسلوك بوجيهات
وعامل اختبار شرارة والاربع بوجيهات تمام
وغيرت الكويل عشان كان مشغل 3بوجيهات بس والبوجيهات كانت سليمة وغيرت السلوك بالمرة
والحمد لله مقياس الزيت عندى تمام ومفيش نقص فى الزيت
يارب اكون المعلومات دى سهلت الموضوع

المشاركة الأصلية كتبت بواسطة mmamdouh

ممكن تكون البوجيهات الجديدة مرطبة؟؟ او حتى الفجوة بتاعتها مش صح؟؟

mmamdouh

+1111111111111111111
ممكن تكون لسة شارى البوجيهات النهارده ويكونو بايظين الموضوع ده حصل معايا كتير و فعلا بتكون بوجيهات مرطبة

**mahmoudbadr** · 24-08-2009 04:18 PM

فعلا ابدا بالاسهل وهو فلتر البنزبن نفس المشكلة حصلت معى و لما نضفته رجعت تمام

**zocor742** · 24-08-2009 06:16 PM

ان شاء الله خير
هحاول اعدى على الميكانيكى بعد الفطار
وشكرا يا جماعة على الردود
وفعلا ممكن تكون لسة شارى حاجة وتركبها وتلاقيها شغالة على البايظ
انا لما غيرت الكويل جربت 7 من نوع صينى هو اللى كان موجود فى السوق
كل مانجرب واحد يطلع قاطع بوجيهين وبتاعى اصلا كان قاطع واحد
لحد ما قلبت الدنيا على واحد استيراد شغال كويس وتخيلوا الاستيراد ب500 جنية والصينى البايظ ب250 وبالنسبة الاصلى فدة مش موجود اساسا
وفية تجار بيبيعوا الصينى دة على انة الاصلى عشان مكتوب عالية صنع فى كوريا وعالية ختمgm وهو اصلا مالوش علاقة بكوريا ولا عدى عاليها
يالا ربنا يقدم اللى فية الخير

**zocor742** · 25-08-2009 12:22 AM

الحمد لله الموضوع طلع زى ماتوقعت فلتر بنزين وغيرتة
وطلعت جربت العربية زى الفل الحمد لله
شكرا ياجماعة للردودكم الجميلة

الموضوع: حاسس بنتشة فى سحب العربية ............

LinkBack

أدوات الموضوع

عرض

-

-

-

-

-

المواضيع المتشابهه

حاسس بسخونة بتطلع من العربية !

حاسس ان العربية مكتومة او مسدودة

حاسس بحاجات غريبة في العربية !!

حاسس ان العربية بتسخن

حاسس بتغيير في العربية يا ريت المساعدة

الكلمات الدلالية لهذا الموضوع

المفضلات

المفضلات

ضوابط المشاركة