بخصوص الفرد التيوبلس و العادة

**abdelmessih67** · 23-08-2009 08:56 AM

[overline]الاخوة الافاضل

الحقيقة طوال 19 عاما كان كل تعاملي كان مع فرد الكاوتش أم شنبر و لكن بعد بيع سيارتنا القديمة و تجديدها بواحدة أحدث وجدت كل الفرد المركبة تيوبلس و كان نفسي اعرف ما هي مزايا فرد الكاوتش التيوبلس عن الفرد ذات الشنبر .

نقطة ثانية متى يتم تغيير بلف الفردة التيوبلس و أيه أحسن الانواع و سعره كام لاني لقيت واحد بيقولي البلف الصيني بخمسة جنيه وواحد يقوللي الايطالي بخمسة جنيه وواحد يقوللي البلف ب 35 جنيه !!!!!!!! و أنا حاسس أنه حرامي كبير
فبرجاء الافادة[/overline]

**kh_talaat** · 23-08-2009 10:37 AM

أهم ميزة في التيوبليس أنه لو اتخرم او دخل فيها مسمار العجلة متريحش على الآخر زي الشمبر

ودة طبعا بيفرق كتير خصوصا لو ماشي على طريق سريع

وبالنسبة للبلف بيتراوح تمنه ما بين 5 ل15 جنية بالكتير حسب نوعه ، انا مثلا لسه مغير البلف ب7 جنية

**aYaBooY** · 23-08-2009 10:46 AM

الفرد التيوبلس اهم ميزة ليها زي ما قال الاخ طلعت ان لو دخل فيها مسمار تفضل ماشية و لما العربية تقف تبدا تبطل
و كمان العمر الافتراضي للفرده التيوبلس اطول من ام شنبر لدرجة ان فيه ناس بتستخدم الفردة تيوبلس و تمشي عليها لحد ما تخلص مدتها و بعد كدة تركبلها داخلي و تمشي عليها 10000 كمان
بلف التيوبلس يتغير لما يكون بيسرب ده بيظهر لما يتحط في حوض المياه و بالنسبة لتمنه الي قالك ب 35 جنيه قوله 35 عفريت لما يركبوك لو انت هاتشتريه جملة من التوفيقية مثلا تمنه هايتراوح الواحد من 1-5 و بتاخد عدد مع بعض لكن لو هاتغير من واحد بتاع كاوتش تمنة من 3 - 7 و انت و شطارتك في الفصال

**abdelmessih67** · 23-08-2009 11:56 AM

الف شكر للأفادة من الاخوة خالد طلعت و الصديق العزيز ايابوي

**SAMEH_FOUAD** · 23-08-2009 03:05 PM

طبعا مش هازود على كلام الاخوة الافاضل ,غير ان البلف تمنة 5 جنية وهاتة من اى بتاع كاوتش ,وبيبقى نوع المانى

**abdelmessih67** · 24-08-2009 09:02 AM

الاخوة الافاضل

لي تساؤل أضافي , ما هي اسعار و انواع لحام التيوبلس ؟؟؟؟؟ أيام ماكنت بأستعمل فرد عادية كان أحيانا الكاوتش بيدخل فيه مسمار و بالتالي يدخل في الشنبر و كنت بالحم الشنبر لكن الراجل كان بيلحم لي الفردة الكاوتش بقطعة كاوتش مدورة و كان بيلصقها بسيليكون بارد من داخل الفردة و كان بيقوللي دي لحام تيوبلس و كان ساعتها الصغيرة ب 3 جنيه و الكبيرة بخمسة أو سبعة مش فاكر بالضبط , فهل لو تعرضت الفردة التيوبلس لخرم أو مسمار ببتلحم داخليا ام يتم حشوها
بكاوتش سائل ام ماذا ؟؟؟؟؟؟؟؟؟؟؟ و ياريت متوسط أسعار اللحام أكون مشكورا .

سامحوني في الاسئلة لان خبرتي كلها شنابر .

**aYaBooY** · 24-08-2009 10:23 AM

لحام التيوبلس بيكون بحاجة اسمها خبور و ده عبارة عن حاجة شبة الدبارة طولها حوالي 10سم و متغرية بكولا
و بيعملها بتاع الكاوتش من غير ما يفك الفرده من الجنط و سعرة حسب المكان الي انت بتعمل عنده و حسب مقاس الخبور
يعني فيه محلات عندها الخبور بـ10 جنيه و دول الي بيكونوا على الصحراوي و في البلد بيكون بحوالى 5-7 و بنزينات الوطنية بتاعت الجيش مسعر عندهم بـ2 جنيه