شويه عن الصيانه

**human** · 23-08-2009 10:45 AM

السلام عليكم و كل عام و انتم بخير
هقولكم شويه مشاوير صيانه عملتها و اقول لكم اللى تم

1- مشكله فى نتشه بين الاول و التانى و خفيفه بين التانى و التالت
2- التكييف كان بعافيه شويه و مش بيسقع الا بعد مامشى شويه و انا العربيه بتبقى راكنه فى عز الحر
3- صيانه ال 50 الف
4- الزقزقه من باب و فتحه السقف

انا رحت المقطم و كانت تجربه فى غايه السوء و لم يتم فى السياره سوى صيانه ال50
عملت شكوى و رحت العبور اللى انا بستريح معاهم ز قلتلهم الحاجات الناقصه و كمان يغيروا المقابض الجانبيه اللى قشرت
1- سيبت العربيه ورحت الشغل كلمونى بعدها بساعه قالولى انهم عايزين يغيروا فلتر الهوا و هيتكلف 200 جنيه
و يزودوا الفريون هديه منهم قلتلهم شكرا
2-شويه حد تانى اتصل قاللى ان التزييق راح
3- و غيروا المقابض فى الضمان
4- قلتلوا الستاير الجانبيه الهوك بتاعها مكسور ينفع قاللى لأ الستاير كده مش فى الضمان عشان اتكسرت استخدام و تتكلف 1800 جنيه للناحيه عشان بتتغير مع فرش الباب - قلتله شكرا جدا
5- رحت الساعه 4.30 دفعت 200 جنيه و اخدت العربيه

النتيجه:
1- التكييف بقى هوبببببه
2- التوييق راح
3- المقابض جميله و مش مقشره
4- النتشه خفت هما قالوا عملوا السوفتوير تانى

---

كام يوم عدوا و فجاءه و انا بفتح الازاز وانا مروح عشان الهوا السخن يطلع بقفل الازاز و هوووببببه تككك تتتتاااككك تووووك و مش راضى يطلع الازاز اليمين حاولت بشتى الطرق ولم افلح مطلقا
كنت قريب من الحرفيين قلت اروح اشوف حد يرفع حتى الازاز
الراجل مرضاش يشتغل فيها مشكورا و اوضح انه خايف قلتله طيب
و كلمت 16202 و حولونى على مهندس قاللى اجرب شويه حاجات و بشرنى بأن المكنه بااااظت!!!

رحت التوكيل العبور تانى يوم و سيبت العربيه و رحت الشغل كلمونى بعديها بساعه و قالولى العربيه خلصت

رحت استلمها لقيتهم مغيريين الزجاج كمان قلت خير و بركه

---

من تلات ايام لقيت العربيه بتطفى لما ادورها وملخبطه خالص و انا سايق و مش بتسحب خالص و بعدين ال rpm هات يا رقص و مره وحاده تفصل
كلمت التوكيل وبعدين احمد عبد المقصود مشكور قاللى ممكن يكون حساس الكرنك

رحت للتوكيل و سيبت العربيه ورحت الشغل
ساعتين و كلمونى قالولى غيروا حساس الكرنك فعلا

و اخدت العربيه و اهى ماشيه

ملحوظه
1- اى حد فى الضمان و المقابض اتقشرت ممكن يغيرها

**Hegazio** · 23-08-2009 04:31 PM

ربنا معاك..ده أنا العربية ما عملتش كده في 160 ألف!

**human** · 24-08-2009 02:06 AM

ابتدينا

انا ما قلتش اني دوخت او اي حاجه
المعاملات في منتهي السهوله و سريعه

ممكن اعرف من خبره حضرتك هيه قرف في ايه بالظبط

**Ramy_Tantawi** · 24-08-2009 10:01 AM

حمدا لله على سلامة العربيه من الوعكات الصحيه يا استاذ طارق وربنا يديمها نعمه علينا ان شاء الله والتوكيل يفضل كده على طول ومستواه ما ينزلش ........انا عندي مشكله بسيطه جداً في الفتيس عندي ( مانيوال ) مش عاوز اقولك والله العظيم بيتحايلوا علي اروحلهم عشان يعملوها .. لدرجة ان اخر مره خدمة العملاء كلموني قالولي حضرتك لسه ما عملتش مشكلة الفتيس وعربيتك قربت تطلع من الضمان فا ياريت تجيبهالنا عشان اي حاجه تطلع في الضمان ...... الغريب بقى الجزء اللي جاي ده ( انا اعتذرت وقلتلها والله وقتي صعب جداً اليومين دول ومش قادر اسيب شغلي خالص.......ردت البنت وقالت طيب ممكن بس حضرتك تشرفنا ساعه واحده بس نعرف العيب ايه بالظبط ونكتبلك على شهادة الجوده اللي العربيه محتاجاه عشان نغيره حتى لو العربيه طلعت من الضمان !!! في كده ؟ ؟ بجد ناس قمه في الاحترام والاحتراف في ارضاء العميل وحفظ حقه لآخر ساعه في الضمان .....

**human** · 24-08-2009 10:09 AM

المشاركة الأصلية كتبت بواسطة ramy_tantawi

حمدا لله على سلامة العربيه من الوعكات الصحيه يا استاذ طارق وربنا يديمها نعمه علينا ان شاء الله والتوكيل يفضل كده على طول ومستواه ما ينزلش ........انا عندي مشكله بسيطه جداً في الفتيس عندي ( مانيوال ) مش عاوز اقولك والله العظيم بيتحايلوا علي اروحلهم عشان يعملوها .. لدرجة ان اخر مره خدمة العملاء كلموني قالولي حضرتك لسه ما عملتش مشكلة الفتيس وعربيتك قربت تطلع من الضمان فا ياريت تجيبهالنا عشان اي حاجه تطلع في الضمان ...... الغريب بقى الجزء اللي جاي ده ( انا اعتذرت وقلتلها والله وقتي صعب جداً اليومين دول ومش قادر اسيب شغلي خالص.......ردت البنت وقالت طيب ممكن بس حضرتك تشرفنا ساعه واحده بس نعرف العيب ايه بالظبط ونكتبلك على شهادة الجوده اللي العربيه محتاجاه عشان نغيره حتى لو العربيه طلعت من الضمان !!! في كده ؟ ؟ بجد ناس قمه في الاحترام والاحتراف في ارضاء العميل وحفظ حقه لآخر ساعه في الضمان .....

كلامك صح والله

عارف الموظف بتاع الاستقبال بيقول العربيه من ديسيمبر 2006
قلتله لأ العربيه ديه تم شرأئها فى يناير 2008
الراجل قاللى طيب روح المرور و حاول تجيب صوره من جواب المرور و هاتها و احنا نخليلك الضمان 100 الف كيلو و 3 سنين لغايه 2011 قاللى ده حقك
والله حسيت الدنيا لسه بخير ان فيها ناس كده

**عمرو عمارة** · 24-08-2009 10:32 AM

المشاركة الأصلية كتبت بواسطة human12

ممكن اعرف من خبره حضرتك هيه قرف في ايه بالظبط

يا طارق باشا.....إنت صايم ولا إيه ؟؟

هو قصده إرف...... مش قرف.....يعني الواحد إرفته حلوة مع العربية

**human** · 24-08-2009 10:46 AM

المشاركة الأصلية كتبت بواسطة عمرو عمارة

يا طارق باشا.....إنت صايم ولا إيه ؟؟

هو قصده إرف...... مش قرف.....يعني الواحد إرفته حلوة مع العربية

الظاهر كده
السيكوتين مأثر فيا خالص

كل سنه و انت طيب

**ramy_gamal** · 24-08-2009 03:23 PM

والله اللى قاله عمرو بيه هو قصدى ارف معلش اصل الواحد قوى شويه فى العربي!!!!!!!!!!!!!!! كل عام وانتم بخير وبلاش السيكتوين دة خالص

**Migo123** · 25-08-2009 01:46 AM

ايه الكلام الحلو ده.............. وجاي تقوله دلوقتي ....... ربنا يسترها معانا

انا بقلق من موضوع الإرف ده

اصل انا من الناس اللي بيطلعلها العضم في الكرشه

بس كل الكلام ده في خلال وقت قد ايه بقه يا باشا

يعني الواحد يبتدي يحوش اجازات بقه عشان زيارات التوكيل دي ولا ايه النظام

!!!!!!

الموضوع: شويه عن الصيانه

LinkBack

أدوات الموضوع

عرض

شويه عن الصيانه - انشر الموضوع فى :

-

-

-

-

-

-

-

المواضيع المتشابهه

ريموت العربيه شويه يشتغل و شويه يفصل و تم تحديم المشكله برجاء المساعده

شويه نكت عشان نفك عضلات وشنا شويه

مؤشر عداد الحرارة شويه يشتغل و شويه لأ

أعمل الصيانه دلوقتى ولا أستنى شويه ؟؟!!

الكلمات الدلالية لهذا الموضوع

المفضلات

المفضلات

ضوابط المشاركة