الموضوع: الوحش الصيني قاهر الرييس هههه

عايز اقول حاجه ممكن الناس اللى بتهاجم الصينى اوى كدة اعرفو الاول ان الناس اللى جايباة جايباة عشان قرف المواصلات وزحمه السير يعنى مجبر اخاك لا بطل واى حد عند امكانيات يجيب حاجه يابانى محترمه اكيد هتكون اول اولاوياته من انه يركب صينى لانه مزعج جدا فى الصوت ومقرف فى الصيانه والاعطال بس بالنسبالهم بيقضى الغرض وعن نفسى انا الحمد لله عند عربيه ومعايا هوندا 250 ريس وبصراحه انا جايب الماكينه مش للمنظرة بل للمشاوير الزحمه يا جماعه البلد بقت حاجه تخنق جدا بالعربيه والله اقل مشوار ساعه واكتر وكل واحد يمتلك اللى هو عايزو ديه حريه شخصيه

الصيني مشعيف زي ماا الناس بتقول لكن امكانياته قليلة موتور عزمه ضعيف 150/200/250 سي سي بتكون ضعيف مقارنة بالمكن التاني سواء كان ياياني أو غيره........... لكن قطع غياره متوفرة ورخيصة يعني مثلا أنا غيرت للمكنة بتاعتي ورق الديبرياج ب18ج وأنا اللي غيرته يعني مصرفتش غير ثمن الورق بس والصيني مكنة بطيئة لكن مش محتاجين في طرق مصر المعفنة أسرع من كده.

واللي بيفهم في الميكانيكا لو معاه صيني هيعيش أكتر من 5سنين واللي مش بيفهم فيها لو معاه هوندا 1000 مش هتكمل معاه الوقت ده........ ده طبعا غير ان المكن الصيني أعطاله سهله والمكنة مبتتركنش زي غيرها لعدم توفر قطع الغيار أنا أعرف واحد مكنته مركونه بقالها سنتين لأنه مش لاقي كرانك لها.......لو حد يفيده ويكتب لي عنوان محل لقطع الغيار

وطبعا مينفعش تشتري موتسيكل بـ50000 ج ومعندكش عربية كمان للمشاوير البعيدة اللي بيكون معاك أسرتك فيها ولا هيركبوا وراك

أنا عن نفسي بفك مكنتي وأجمعها من جديد مع اني مش ميكانيكي أنا مهندس كمبيوتر وممكن أعمرها لو احتجت وهي صيني وأنا مبسوط بيها ولو معايا ثمن مكنة ياباني هجيب عربية أحسن وأخلي المكنة الصيني موجودة برده

على فكرة الشخص المحترم لو ركب حمار هيمشي بالقوانين ولو ركب دبابة هيمشي بالقوانين أما الشخص اللي مش محترم ممكن يمشي مخالف عادي أول ميقابلك بضرب النور العالي في وشك.......إلخ وبخصوص الناس اللي مستواهم العلمي ضعيف اللي راكبين صيني طبعا ده كلام فاضي..... لأن أصلا الشعب المصري كله جاهل نسبة الأمية 40% ده رأي الحكومة لكن أنا رأيي 95% جاهل لأن الأمية مش قراءة وكتابة الأمية دلوقتي لغة كمبيوتر قانون دين وطبعا كل شيء معاك لازم تبقى فاهم فيه الأساسيات الطبيب مبيفهمش في شغلته ولا الميكانيكي بيفهم في الميكانيكا ولا المدرس ولا أي حد....... وطبعا المستوى العلمي مش مرتبط بالسواقة على الطريق....... نسبة السواقين المتخلفين إلى المحترمين طبعا في الموتسيكلات الصيني تعادل نفس نسبة التخلف في الشعوب العربية..... التي ملأ الطمع والظلم قلوبهم
وأنا شخصيا أكره المخالفات وخاصة على الطريق وأفضل أن انتظر في الطريق بدلا من المشي في الطريق المخالف وأنا أرفض الهجوم على المكن الصيني الذي حل مشاكل أكتر من 10% من الشعب المصري

اللهم ارحمنا يا أرحم الراحمين

وعلى فكرة أنا معايا ليسانس حقوق وبشتغل مهندس كمبيوتر (صيانة هارد وير) وبفهم في الميكانيكي كويس جدا وبعرف أرسم وبلعب رياضات كتير كنغوفو كمال أجسام وكورة قدم ولي اهتمامات أخرى وراكب مكنة صيني وبلتزم على الطريق أحسن من كل الناس (طبعا الناس العادية) لأن العادي دلوقتي بقى الفساد وطبعا كل ده بسبب فساد الضمير