تغيير الزيت و تأثيرة على اداء التكييف

**MoMohsen** · 23-08-2009 10:25 PM

انا حصل معايا موقف غريب و قلت اخد رأيكو هنا يمكن تلاقو تفسير للموقف اللى حصل دة.
انا كنت متعود احط زيت وطنيه وكان كويس مش وحش المهم واحد صاحبى جابلى خصم 10% على زيت فيسكو و لقيت هنا الناس بتشكر فيه قلت طب اجربه. المهم حطيت الزيت ولاحظت هدوء ملحوظ فى صوت الموتور و بقى انعم بدرجة ملحوظه بس الغريب انى لما شغلت التكييف لقيت ادائه بقى افضل كمان يعنى زاد حوالى 10% بس انا معرفش ان فيه علاقه بين نوع الزيت والتكييف. يا ترى حد عند تفسير للموقف اللى حصل دة؟

**samirayad** · 23-08-2009 11:58 PM

بس انا معرفش ان فيه علاقه بين نوع الزيت والتكييف.

لا هو مفيش علاقه بين زيت المكنه وكمبروسور التكييف
ولكن فيه علاقه بين كفاءة المكنه وكفاءة الكمبروسور
لما تزيد كفاءة المكنه حتزيد كفاءة الكمبروسور
يعنى دورة التكييف حتتحسن فى الآداء
وبما أن

ولاحظت هدوء ملحوظ فى صوت الموتور و بقى انعم بدرجة ملحوظه

أذا فشىء طبيعى يحصل الكلام ده

بس الغريب انى لما شغلت التكييف لقيت ادائه بقى افضل كمان يعنى زاد حوالى 10%

**tananybasha** · 24-08-2009 12:03 AM

تمام و الزيت بيخلى عزم المكنه اعلى بالتالى التكييف احسن و الصوت اقل
بس ياريت تحط صورة الزيت و سعره و مواصفاته و منين اشترته

**MoMohsen** · 24-08-2009 12:33 AM

المشاركة الأصلية كتبت بواسطة tananybasha

تمام و الزيت بيخلى عزم المكنه اعلى بالتالى التكييف احسن و الصوت اقل
بس ياريت تحط صورة الزيت و سعره و مواصفاته و منين اشترته

انا حطيت Visco 2000 ودة سعرة تقريبا 72 - 75 مش فاكر بالظبط والمفروض انه معدنى وبيعد حوالى 5000 كم وجبته من بنزينة جازتك اللى فى الماظه.
وعلى العموم لو حد عاوز اى زيت Visco لو جمعنا كميه ممكن ناخد نفس الخصم 10% ودة على اى نوع حتى التخليقى.

**aYaBooY** · 24-08-2009 10:30 AM

انا كدة كدة بحط من عند نفس البنزينة و لو نعرف نوضل لخصم يكون كويس انا عموما بحط السايب بتاعهم الي هو بتاع العربيات الغاز علشان عليه اضفات تبريد زيادة و الحمد للكويس برده