سؤالين عن لوجان روماني و سيمبول ب76 ؟؟؟ حد سمع حاجة زي كده
سمعت الاتي :
اولا ان في دفعة لوجان نزلت تقفيل روماني لان مصنع المغرب بيقفل في شهر 7 و الطلبيات زادت عليهم فكملوا بعربيات روماني و دخلوها بنفس السعر و باقي منها عدد محدود جدا و اللي اعرفه ان في عند محمد ذكي 2 واحدة فيراني و واحدة اسود لكن مش مقتنع اوي للأسباب الاتية :
1- اول مرة اسمع ان في مصنع عربيات بيقفل لمدة شهر كامل
2- اكيد لو كان المصنع قفل اكيد كان عامل حسابة علي حجم الطلبية اللي مطلوب تسليمها لان اكيد بردو رينو مصر مش جت قبلها بيومين قالت انهم عايزين عربيات
3- ازاي الجمارك هاتعدي العربية الروماني من غير جمارك علي اساس انهم يعني ضحكوا علي الجمارك و فهموهم انها مغربي ,,, طيب و شهادة المنشأ
و لان الكلام ده اتقالي من فرع محمد ذكي كمحاولة إغرائي لشراء السيارة من هناك دون ان اسحب الحجز اللي كنت حجزته من فترة ,, فبعتقد ان كان مركون عنده العربيتين دول روماني من الدفعات القديمة و معرفش يبعهم بالسعر بتاعهم فمخليهم لاي ظرف طارئ و الله اعلم فياريت اللي يعرف حاجة عن دخول دفعة روماني بنفس سعر المغربي يقول حاجة .
ثانياً بقي :
سمعت بردو و الظاهر ان الكلام كتر اليومين دول ان في عرض علي السيمبول ب 76 الف حد ممكن يأكد او ينفي المعلومة دي
لان اللي انا متاكد منه ان الجمارك علي العربيات الاوروبيه هتنزل من السنة الجاية بمعدل 10% سنويا و علشان محدش يتخدع بموضوع ال 10% ده اشرحه كالاتي : العربيات (1600cc) عليها جمارك 40% من قيمة السيارة + 15% من قيمة السيارة شاملة الجمرك كضريبة مبيعات يبقي اجمالي الجمراك و ضريبة المبيعات علي السيارة كام لا مش 55% بل 61% من قيمة السيارة الاصلية
طيب الجمارك هاتقل 10% من كام من ال 61% طبعاً لا لانهم قالوا ان الجمارك اللي هاتقل مش الضريبة :shine[1]: ناصحين بردو مش عبط يعني من الاخر ال10% من ال40% بتاعت الجمارك بس يعني 10% بتاعت ال 40% بتساوي 4% فقط من القيمة الاجمالية للسيارة
و لو حسبنا ال4% دي هاتكون في حدود ال3 الاف اللي بيقال انها هاتتخفض او معمولة كعرض علي السيمبول
