الموضوع: سؤالين عن لوجان روماني و سيمبول ب76 ؟؟؟ حد سمع حاجة زي كده

المشاركة الأصلية كتبت بواسطة tofy_urban

سمعت الاتي :

ثانياً بقي :
سمعت بردو و الظاهر ان الكلام كتر اليومين دول ان في عرض علي السيمبول ب 76 الف حد ممكن يأكد او ينفي المعلومة دي
لان اللي انا متاكد منه ان الجمارك علي العربيات الاوروبيه هتنزل من السنة الجاية بمعدل 10% سنويا و علشان محدش يتخدع بموضوع ال 10% ده اشرحه كالاتي : العربيات (1600cc) عليها جمارك 40% من قيمة السيارة + 15% من قيمة السيارة شاملة الجمرك كضريبة مبيعات يبقي اجمالي الجمراك و ضريبة المبيعات علي السيارة كام لا مش 55% بل 61% من قيمة السيارة الاصلية
طيب الجمارك هاتقل 10% من كام من ال 61% طبعاً لا لانهم قالوا ان الجمارك اللي هاتقل مش الضريبة ناصحين بردو مش عبط يعني من الاخر ال10% من ال40% بتاعت الجمارك بس يعني 10% بتاعت ال 40% بتساوي 4% فقط من القيمة الاجمالية للسيارة
و لو حسبنا ال4% دي هاتكون في حدود ال3 الاف اللي بيقال انها هاتتخفض او معمولة كعرض علي السيمبول

صباح الخير tofy_urban وجميع اعضاء منتدي رينو
بعد اذنك انا هوضح حاجة بخصوص تاني جزء من استفساراتك وبعتذر عن عدم الرد علي سؤال اللوجان لاني معرفش عنها اي حاجة، ومن قال لا أعلم فقد أفتي
بالنسبة للسيمبول بقي، في منها نوعين اتنين بس، مانيوال سعرها الأصلي 80000 واوتوماتيك سعرها الأصلي 90000 والاوبشنز واحدة في الاتنين مبيختلفوش الا في ناقل الحركة بس
بالنسبة للعرض بقي ففعلا فيه عرض حاليا تخفيض علي سعر كلا العربيتين (هينتهي في آخر اغسطس الحالي) وهو تخفيض 1000 جنيه من سعر المانيوال (يعني هتبقي بـ 79000 بدل من 80000) وتخفيض 4000 جنيه علي الاوتوماتيك (يعني هتبقي بـ 86000 بدل من 90000) لكن مش 76000 زي ما حضرتك قايل!!!
الكلام ده انا واخداه من مندوبي مبيعات في توكيل رينو نفسه اللي في المهندسين وكمان اللي في المعادي علشان انا بفكر جديا في العربية بعد العيد انشاء الله
يمكن تكون سمعت غلط مثلا 76 بدل 86؟؟ الله اعلم لكن بيتهيألي ملهاش علاقة بالجمارك لان المندوبين الاتنين اكدولي ان بعد انتهاء العرض هترجع تاني للأسعار القديمة ومفيش سيرة عن اي تخفيضات في سعرها تاني.

وبالمناسبة ممكن أنتهز الفرصة وأسأل أي حد من الاعضاء لو يعرف اي معلومات عن السيمبول (كأداء وقطع غيار وجودة) يفيدنا؟ انا بعت لزميلنا اللي معاه السيمبول أ. أشرف السعدني بس غاليا مش بيدخل المنتدي كتير، ومعرفش مين تاني معانا هنا معاه السيمبول. فياريت لو اي حد يعرف عنها اي حاجة يقولنا وخصوصا بالنسبة لقطع الغيار (لو ينفع يمشي عليها حاجات الكليو يبقي تمام أوي كده)

وتحياتي للجميع وآسفة علي الاطالة

المشاركة الأصلية كتبت بواسطة tofy_urban

كلامك صح و انا فعلاً عارف الكلام ده كله بس انا بتكلم عن عرض تاني يعني سعر تاني غير ال79 لان ده تقريبا السعر اللي شغال في السوق كله دلوقتي و من فترة كمان انا اصلي سمعت كلام 76 ده قريب فقلت يمكن ده عرض جديد او علشان كده او كده الاسعار هتنزل في اول السنة فقلت يمكن هما قالوا ننزل الاسعار من دلوقتي كدعاية يعني ,, و شكراً لذوقك حضرتك و علي العربية انا اعتقد و الله اعلم انها الاحسن في الفئة السعرية دي و توكل علي الله يلا و شجعني معاك

لأ لو كده يبقي لازم حد يأكدلنا المعلومة دي
بس فيه حاجة تانية نسيت اقولك عليها
لما سألت عن السيمبول وهل هي موجودة في المعرض ولا لأ قاللي المندوب انها مش واقفة وانه هيسلم واحدة اوتوماتيك علي آخر شهر سبتمبر اما المانيوال فاللي هيحجز دلوقتي هيستلم في آخر شهر اكتوبر ولو اتأخرت في الحجز وكانت الدفعة دي كلها اتحجزت كده يبقي هستلم الدفعة التانية يا اما في يناير من السنة الجديدة او فبراير!!! كده يبقي احنا دخلنا في سنة 2010 والمفروض يبان اذا كان هيبقي فيه تخفيض فعلا علي العربيات الاوروبي ولا لأ، بس هو أكدلي ان سعر العربية اللي هحجزها بيه هو 80000 (للمانيوال) والحجز بيبقي بعشرة آلاف والباقي عند الاستلام وده برده حتي لو هحجز الدفعة اللي هتتسلم في فبراير 2010
بالنسبة لي لو ملقتش العربية واقفة في اي مكان يبقي هستني لما تجيلهم اخر سبمبر علشان لازم قبل ما احجزها اتفرج عليها كويس من جوة واحجز بعدها وده معناه اني هدخل في السنة الجديدة فأنا رأيي نستني لما نتأكد من موضوع تخفيض جمارك الاوروبي ده، بعدين ندفع بالمبلغ ده وييجي السعر ينزل بعدها!
تحياتي

المشاركة الأصلية كتبت بواسطة test50

طيب بالنسبه للوجان مفيش عليها تخفيض

معتقدش الحقيقة، لاني لما سألت عنها قالولي 3 أسعار لثلاث فئات
- الـ Basic بدون أي كماليات حاجة وخمسين ألف بس آسفة مش فاكرة كام بالضبط
- والهاف اوبشنز تكييف وباور وراديو سي دي برده يا اما 63 او 64 ألف مش متذكرة (اصلي نكنتش بكتب وراه للأسف)
- والفول اوبشنز اللي فيها كل حاجة (زي اللي عامل عنها تقرير بالصور زميلنا نادر نبيل ومثبت بالمنتدي هنا) بـ 67 ألف
ودي أعتقدر هي هي اسعار اللوجان من ساعة ما نزلت مفيش تخفيض ولا حاجة
كانوا هيقولولي لو كان فيه تخفيض لانهم اكيد يهمهم انهم يروجوا للعربية برده
تحياتي