تجييره في طابلوة النيو اكسنت

كل سنة وانتم طيبين رمضان كريملاحظت بعد غسيل الطابلوة بالماء انة ظهر فية رقع كدة مجيرة وكل ما ارش سبراي تلميع يفضل فترة وبعدين تظهر التجييرة تاني فما هو الحل افيدوني افادكم الله

واضح ان كله كده لان انا عندي نفس الكلام في نفس العربيه

طب ما حدش فادنا يا جماعة الحل اية

اية يا جماعة محدش عندة حل فين اصحاب الخبرة

اعتقد والله اعلم ان اللون بتاع التابلوه اتغير اصلا من كتر الغسيل او الغسيل الخاطئ فموضوع رش اسبراي او اي حاجة تانية لا اعتقد انها ستفيد
جرب للتبلوه armor
وديه تجربة مش اكتر

المفروض ان التابلوه لا يغسل بالماء يمسح فقط بفوطة مخصصه بتكون قطيفه وبعدها استعمل ملمع تابلوه stp اسمه sun of the gun موجود فى محطات موبيل ولونه اصفر وهو منتج امريكى ممتاز جربه وادعيلى ويستخدم كالاتى رشه على قطعة قطيفه تباع لهذا الغرض ثم وزعه على التابلوه والاجزاء السوداء فى الابواب والقوائم واتركه يجف انا بستعمله تقريبا مره كل شهر ما عدا ذلك بمسح التراب ولتجنب التراب اغلق النوافذ دائما واستخدم التكييف او الهوايه

اشكر حضرتك علي اهتمامك واسف علي التاخير في الرد بس هل التجييرة دي هتروح بعد كدة

عندي اقتراحين كويسين ممكن ينفعوا ولو مانفعوش قولي علشان أقولك اقتراح تاني بس جرب دول الأول

1- فوطة نضيفة و فيها شوية زيت موتور نظيف و امسح التابلوه كله وسيبه كدة كام يوم وان شاء الله هاتقل جامد.


ولو ماحصلش حاجة خوش على الخطوة اللي بعديها:
2-اشتري بولش لمعة خشن و لازم يكون النوع المصري و اشتري بولش اللمعة الناعمة وهاته أي حاجة و لو مصري حيكون أوفر ومش وحش وادعك التابلوه كله بالبولش الخشن جامد وشوف لو ما رجعش اللون .ي ماكان لمعه بالبولش الناعم و هاشوفلك حل تاني

شكرا يا جماعة علي الردود انا جربت الزيت يقعد فترة كويس وبعد ما ينشف ترجع التجييرة تاني فهجرب البولش واقولكم