بخصوص علبه البيئه (الكتلايزر)

**tamer_samy** · 24-08-2009 10:48 PM

السلام عليكم يا احمل وحوش في الدنيا

انا عندي علبه البيئه ضربت قدر الله و ما شاء فعل الحمد لله علي كل شي
المهم انا عندي سؤال لحضراتكم
اغيرها استيراد او الغيها خالص
انا عارف ان لو لغيتها خالص صوت العربيه هيعلي شويه بس هو هيكون عالي اوي و لا حاجه بسيطه
انا مش متخيل صوتها هيبقي وحش و لا ايه
بعدين لو استيراد مش هتبقي مضمونه
انا محتار جدا العربيه عندي عمله صوت شخلله مضايقني

**Ahmed Selim** · 24-08-2009 11:01 PM

فداك يا حاج تامر....

بص هو الحلين أصعب من بعض بس أنا لو فى مكانك هختار أنى أغيرها و أمرى الى الله لكذا سبب
1- مش بستريح لو عارف ان فى حاجة مش صح فى العربية.....حتى لو حاجة تافهة
2- الصوت قد يكون مش عالى قوى بس أعتقد مع الوقت مش هيبقى ظريف.
3- البيئة مش ناقصة تلوث.....و ده كلام بجد مش تهريج......

شوف مومو عنده حد يعرف يجيبها أستيراد و عليها ضمان شوية كويسين ولا أيه ؟

**Ahmed Selim** · 24-08-2009 11:24 PM

زن عليه عشان أيمن أكتر واحد بيهنج فى الوحوش.....بس لما أشوفه

بقاله 4 شهور بيقول أن اللابتوب بايظ و بيتصلح.........أيه لابتوب جملى ؟؟؟

**mohamed1979** · 25-08-2009 12:23 AM

هاتها يا باشا استيراد من الحرفين
كانت باظت عندى فى السيفيا و جبتها استيراد و قعدت معايا سنتين شغاله زى الفل لغايه مابعت العربيه
و اوعى تفكر تلغيها علشان عملت كده و كان صوت العربيه لا يطاق

**tamer_samy** · 25-08-2009 12:47 AM

شكرا يا محمد باشا علي مرورك و ردك علي

انا هحاول اجيبها استيراد ان شاء الله
بس كنت عاوز اشوف حد يكون لاغيها وجرب الصوت

**akmal_hamdi** · 25-08-2009 04:51 AM

فى ناس لاغيها بس ميزتها الوحيده سحب العربيه بيفرق جامد جدا جدا و عيبها الصوت العالى جدا جدا زى عربيه 128 شكمنها مخروم بس خلى بالك شكمان الميجان كلو رباط بمسامير مفهوش لحام خالص و هو 3 اجزاء فلو جربت تلحم الشكمان و ترجعها تانى كلو هيبوظ وهتجيب واحد كامل برقم (بمبلغ)

**Mohd_Adel_Amin** · 25-08-2009 12:23 PM

ازيك يا تامر باشا كل سنة وانتا طيب ..
انا كنت لغيتها في الميجان 1 وعلى ما اتذكر ان عمرو عمارة لغاها في الكليو , وعيوب انك تلغيها الصوت مش مناسب بتاتا للميجان يعني لو فاتح الشباك هتتضايق من صوت عربيتك وغير ان العادم ريحته بتكون اسوأ يعني لو راكن في جراش او حاجة مقفولة وشغلت العربية هتشم ريحة مش ظريفة , موضوع السحب بصراحة افضل بس اعتقد انه ميستاهلش التضحية وخصوصا للأسباب اللي احمد عبد المقصود قالها ,
توكل على الله وشوف واحدة استعمال وكان الله في العون .

**عمرو عمارة** · 25-08-2009 01:38 PM

أنا لغيها في الكليو بصراحة لأني إتعكيت فيها

في الأول قولت لازم أجيب واحدة إستيراد عشان أحافظ على العربية والكلام ده كله.....طبهاً بالسؤال عليها إستيراد مش موجودة خالص وكل الناس قالت ممكن تركب بتاعت الدايو......رحت لمحل شكمانات كبير في الحرفيين (الله يسامحه)ركبلي علبة إستيراد بتاعت الدايو ودفعت 500جم وقبل ما يركبها قالي خد بالك إن العلب الإستيراد ملهاش ضمان....ومشيت والدنيا زي الفل.....تاني يوم العلبة ضربت وسمعت شخاليل....روحت لاغي العلبة وركبت ماسورة مباشرة للعلبة الوسطى
السحب فرق كتيير جداً وأيضاً إستهلاك البنزين......الصوت مش عالي للدرجة وبتسمعه بعد ما تعدي 4 في الـrpm كأنك مركب فلتر رياضي ( يمكن عشان الموتور بتاعي صغير )

لو هتجيب علبة إستيراد لازم يكون واحد أمين ومعرفة عشان مشكلة الضمان دي

كان الله في عونك

-

-

الموضوع: بخصوص علبه البيئه (الكتلايزر)

LinkBack

أدوات الموضوع

عرض

بخصوص علبه البيئه (الكتلايزر) - انشر الموضوع فى :

-

-

-

-

-

-

-

المواضيع المتشابهه

علبه البيئه

علبه البيئه

علبه البيئه

علبه البيئه

علبه البيئه

الكلمات الدلالية لهذا الموضوع

المفضلات

المفضلات

ضوابط المشاركة