الله يخليك ....وكل عام وأنتم بخير
ورمضان كريم
عرض للطباعة
الله يخليك ....وكل عام وأنتم بخير
ورمضان كريم
موضوع هايل يا ا سمير .. تسلم ايدك وكل سنه وانت طيب
الله يخليك يافادى باشا
وكل عام وأنتم بخير
ورمضان كريم
سؤال مهم امتى نغير البوجيهات هل على 20000ك ام 30000 ام اكثر ام اقل وايه رايك او ما معنى حرق البوجيهات القديمه زى ما بيعملوا بتوع الفزبا وايهما افضل لما الواحد يغير البوجيهات هل نجيب الاصلى بتاع الفابريكا ولا نجيب الngk اليابانى وما هى الاضرار اذا وضعنا 3شمعة لسيارة الاصلى ا شمعة وهل ده يعنى استهلاك اكثر للموتور والوقود
والله يا باشمهندس سمير مش عارفين نشكرك ازاي ... ربنا يخليك لينا
- دى بترجع لتوصيات صانع المحركاقتباس:
سؤال مهم امتى نغير البوجيهات هل على 20000ك ام 30000 ام اكثر ام اقل
على أساس أن المحرك بيعمل بحاله جيده وكامل بمحتوياته
مش أجىء أخللى صنايعى يشيل الثرموثتات وأنا حلتزم بأه بتوصيات صانع المحرك ....أو أستعمل ماء غير مخصص لدورة التبريد مثلا (زى الماء العادى )
فيه متغيرات كتير بتحكم وقت تغيير البوجيهات
زى كفاءة البوبينا برضه
ولو حضرتك راجعت التحليل الفنى المذكور فى البدايه
حتلاقى فيه عوامل كتير بتأثر فى عمر البوجيه
طبعا عندنا للأسف بنلجأ لتغيير البوجيهات لما نلاحظ آداء غير جيد على دورة الأشعال أو دورة البنزين مثلاأنا مش عارف بتوع الفزبا دول ....بس عارف مغزى سؤالكاقتباس:
وايه رايك او ما معنى حرق البوجيهات القديمه زى ما بيعملوا بتوع الفزبا
وطبعا أنا مش مع موضوع حرق البوجيهات عامة بغرض نزع الرطوبه والتحميص ............طيب ليه
لما بيتم تحميص البوجيهات بيتم تعريض كل مكونات البوجيه لحراره عاليه جدا .....
وطبعا ده مابيتمش على تشغيل البوجيه
البوجيه بيتعرض لحراره عند منطقة الشمعه / الشموع عاليه
وبتقل الحراره الى حد ما وأنت رايح جهة كابل البوجيه
وبالتالى ده( عملية التحميص ) ممكن يؤثر على العازل الصينى ويتلفه
لأن بلاشك أى حاجه غير طبيعيه بيبقى لها مردود غير مدروس ( سيىء )
مما يعنى نقص فى كفاءة البوجيه من ناحية جودة توليد الشرارهمفيش شك الأصلى طبعااقتباس:
وايهما افضل لما الواحد يغير البوجيهات هل نجيب الاصلى بتاع الفابريكا ولا نجيب الngk اليابانى
بيقولك على الأصل / الأصلى دور
أنما لوملقيتش الأصلى بأعمل أيه
طبعا بيتم اللجوء لأستعمال نوع موثوق فيه زى الدنسو اوال ngk
أو البوش الألمانى مثلا
مع الألتزام بالثغره المقننه من قبل صانع المحرك
لأن فيه أرتباط بين أتساع الثغره وقدرة ملف الأشعال ( وبتختلف من محرك الى محرك )
برضه النقطه دى منوه أليها من قبلاقتباس:
وما هى الاضرار اذا وضعنا 3شمعة لسيارة الاصلى ا شمعة
واللى بيحكمك فى تقبل نوع معين هو التجربه والأرتياح مع هذا النوع
طبعا لو مش مقنن ليك أستخدام 3 شمعه ومقنن مثلا 1 شمعهاقتباس:
وهل ده يعنى استهلاك اكثر للموتور والوقود
فده بيعنى أضطراب فى موجات وبؤر الأشتعال الناتجه وقت توليد الشراره
زى مابتستعمل بنزين بأوكتان غير مناسب
وده بيعمل خلل فى آداء الحريق
وحدوث عدم أتزان ديناميكى على عمود الكرنك dynamic balance
وبالتالى حدوث أنحراف لأستقامة عمود الكرنك مع الأستمرار فى التشغيل ...مما يعنى التأثير على كفاء وآداء المحرك
بالنسبه للبنزين ....على ما أعتقد مفيش تأثير
وأن كان هناك تأثير ...عند محاولة تعويض الحمل المطلوب من المحرك عند أستخدام شمعه أشتعال غير مناسبه
فقد يكون تأثير أستهلاك البنزين ...لا يذكر نسبيا
ربنا يخليك لينا يا باشمهندس سمير كل يوم بنتعلم منك والله وخيركم من تعلم العلم وعلمه
انا بس ليه سؤال بسيط وهو حسب ما فهمت من كلام حضرتك ان البوجيه بياخد طرف من الاسبراتير او موزع الشرر والطرف الثانى ارضى بياخده من جسم الموتور عند ربط البوجيه فيه صح كده
لو كان ده صح فهل علشان نرفع كفاءة الاشتعال نوصل سلك من جسم الموتور الى ارضى البطارية مباشرة فهل هذا يزيد من كفاءة الاشتعال ام لا ولا انا شطحت شوية
وكل عام وانت وجميع الاخوة بالمنتدى الرائع بخير وصحة وسعادة بمناسبة شهر رمضان المعظم
اعاده الله علينا وعليكم وعلى الامة الاسلامية باليمن والبركات
الله يخليكاقتباس:
ربنا يخليك لينا يا باشمهندس سمير كل يوم بنتعلم منك والله وخيركم من تعلم العلم وعلمه
وكل عام وأنتم بخيركده تمام ....وهى دى دايرة تفعيل الشراره فعلااقتباس:
انا بس ليه سؤال بسيط وهو حسب ما فهمت من كلام حضرتك ان البوجيه بياخد طرف من الاسبراتير او موزع الشرر والطرف الثانى ارضى بياخده من جسم الموتور عند ربط البوجيه فيه صح كده
طيب ماهو أرضى البطاريه واصل بالشاسيهاقتباس:
لو كان ده صح فهل علشان نرفع كفاءة الاشتعال نوصل سلك من جسم الموتور الى ارضى البطارية مباشرة فهل هذا يزيد من كفاءة الاشتعال ام لا ولا انا شطحت شوية
وموضوع أن أخد سلك من جسم الموتور لأرضى البطاريه غريب شويه الصراحه
أصل كده أن بأحول الموتور لأرضى للبطاريه فعلا
بمعنى أصح بأعمل أثنين سالب (شاسيه وموتور )
لأن متنساش أن المفروض الموتور معزول عن الشاسيه بالقواعد اللى جواها كاوتش ( يعنى ماده عازله )
وأعتقد ده مش حيفيد فى حاجه
لأن خط سير الطبيعى للكهرباء بدايته من الموجب - الكونتاكت - البوبينا والأسبراتير - البوجيهات
ووقت عبور التيار للثغره ومقابلته للسالب بتاع البوجيه هو اللى حيولد الشرر الكهربى
يبقى أيه فايدة أنى أوصل الموتور بسالب البطاريه
على فكره أنا مهندس ميكانيكا باور مش كهرباء
بس ممكن أفكر مع سعاتك بغض النظر عن التخصص
ولو عندك تفسير لقصدك ....قول عليه بتسلسله الطبيعى
وأيه مردوده الأيجابى على دايرة الأشعالالله يخليك ورمضان كريماقتباس:
وكل عام وانت وجميع الاخوة بالمنتدى الرائع بخير وصحة وسعادة بمناسبة شهر رمضان المعظم
اعاده الله علينا وعليكم وعلى الامة الاسلامية باليمن والبركات
اولا شكرا على ردك السريع
ثانيا انا قصدى ان الطرف السالب لما ياخده الموتور مباشرة من البطارية ممكن يكون اشد واقوى لعملية الاشتعال من لما ياخده من قواعد الموتور ثم من الشاسيه ثم من البطارية وبالتالى تكون عملية الشرر افضل ، انا بس بحاول افكر مع سيادتك بصوت عالى علشان نفهم ونتعلم اكتر وقد يكون ذلك خطأ 100 / 100 وعلى فكرة انا غير متخصص فى السيارات تماما وتخصصى فى حسابات تذاكر الطيران بس بحب الميكانيكا والحاجات الفنيه دى اوى