الف مبروك تعادل الاهلي مع النجم

**محمدايهاب** · 28-10-2007 03:00 AM

ومستوى الاهلى كان احسن من النجم

أنا أهلاووي بس بجد النجم كان أحسن و كان الأقرب للفوز محمد بركات كان أحسن واحد في الأهلي و إسلام الشاطر كان الأسوء

طبعا عشان ضريه الجزاء

ده حكم أعمى بجد

بركات الرائع مسكتش طرد واحد وانذار لواحد اهم اتنين في خط الدفاع مش هيلعبوا

متهيألي إلي الطرد ما كنش دفاع أما إلي أخذ انذار فهو هيلعب الماتش الجاي عادي

**Ahmed R08** · 28-10-2007 09:33 AM

أنا أهلاووي بس بجد النجم كان أحسن و كان الأقرب للفوز محمد بركات كان أحسن واحد في الأهلي و إسلام الشاطر كان الأسوء

بطبيعه الماطش لازم يكون النجم اقرب للفوز لانه على ارضه ولازم يلعب هجوم ويكون اقرب للتهديف ونجح الاهلى فى انه يحتوى روح الهجوم دى ويسيطر على الماطش ويخرج متعادل بل على العكس كان ممكن يفوز عشان كدة بقول ان الاهلى احسن لانه عرف مفاتيح الماطش "خططيا" وطبعا بركات ولا كلمه ما شاء الله كان عامل احلى مباراه واسلام مكنش فى الفورمه وربنا يوفق ان شاء الله :arrow:

**معاذ الشرباصى** · 28-10-2007 10:42 AM

فى 3 من النجم مش هيلعبة الماتش اللى جاى بخلاف اللعيب اللى اتطرد

امين الشرميطى
صابر بن فرج
التالت مش فاكر اسمه

بالاضافة طبعا الى رقم 2 اللى اتطرد

يبقى كده اجمالى 4 لعيبة, 3 منهم اقوى 3 لاعبين تقريبا فى الفريق

**eng_elnaggar** · 28-10-2007 11:22 AM

اكتر حاجه مضايقاني ان بركات مش هيلعب النهائي بس ان شاء الله الكاس اهلاوية ولعيبة الاهلي رجالة وموعدنا في طوكيو ...

بيب بيب اهلي ... بيب بيب اهلي

**eng_mkhalaf** · 28-10-2007 01:02 PM

إلف مبروك للأهلى ومبروك للزمالك
أمضاء
زملكاوى على أستحياء

**Hisham_ElFeky** · 28-10-2007 01:14 PM

المشاركة الأصلية كتبت بواسطة معاذ الشرباصى

فى 3 من النجم مش هيلعبة الماتش اللى جاى بخلاف اللعيب اللى اتطرد

امين الشرميطى
صابر بن فرج
التالت مش فاكر اسمه

بالاضافة طبعا الى رقم 2 اللى اتطرد

يبقى كده اجمالى 4 لعيبة, 3 منهم اقوى 3 لاعبين تقريبا فى الفريق

سيف غزال (انذارين) لن يلعب
مهدي مرياحي (طرد بركات) لن يلعب
صابر بن فرج (لحد دلوقت مش متأكدين من الانذار التاني ليه علشان مظهرش في التليفزيون) يا رب ما يلعب

الشرميطي هيلعب ماتش العودة عادي جدا

**Hisham_ElFeky** · 28-10-2007 01:18 PM

المشاركة الأصلية كتبت بواسطة abou ahmed

اكتر حاجه مضايقاني ان بركات مش هيلعب النهائي بس ان شاء الله الكاس اهلاوية ولعيبة الاهلي رجالة وموعدنا في طوكيو ...

بيب بيب اهلي ... بيب بيب اهلي

منـــــــــــــــقول
أكد الكابتن شطة المدير الفني بالاتحاد الإفريقي لكرة القدم بأنه من حق النادي الأهلي التقدم بالتماس للاتحاد يطلب فيه رفع الإنذار الذي حصل عليه لاعبه محمد بركات في لقاء الذهاب للدور النهائي لدوري أبطال إفريقيا أمام النجم الساحلي التونسي في سوسة إذا ثبت أن اللاعب لم يخطئ.

وقال شطة في اتصال تليفوني بـYallakora.com أن قواعد الاتحاد الإفريقي تسمح بتقبل أي تظلمات طالما إنها لا تمس نتيجة المباراة من قريب أو بعيد.

وحصل محمد بركات علي إنذار خلال مباراة النجم الساحلي التي انتهت بالتعادل السلبي بداعي ادعائه التمثيل للحصول علي ضربة جزاء ولكن الإعادة التلفزيونية أظهرت عرقلة اللاعب من قبل مدافعي النجم.

وسيغيب بركات بسبب هذا الإنذار عن مباراة العودة في القاهرة والتي ستقام بعد أسبوعين في إستاد الكلية الحربية.

وأكمل لاعب الأهلي السابق أنه سيكون علي النادي الأهلي التقدم بالتماس رسمي مرفق بشريط المباراة حيث جرت الواقعة للكاف ومن ثم يدرس الأخير إمكانية الموافقة علي الالتماس أو رفضه.

وأكد شطة أن هذه الواقعة جرت من قبل للنادي الأهلي أيضا في الثمانينات عندما حصل الكابتن طاهر ابوزيد علي إنذار لا يستحقه في احدي المباريات الإفريقية وتقدم النادي الأهلي بالتماس حينها للكاف وتم قبوله.

**معاذ الشرباصى** · 28-10-2007 10:23 PM

الشرميطي هيلعب ماتش العودة عادي جدا

مقالات كتير و مواقع ذكرت انه مش هيلعب

ده مقال من كاتب تونسى على موقع يلاكورة بيقول ان الشرميطى مش هيلعب

http://www.yallakora.com/arabic/arti...atid=1&region=