الموضوع: تركيب لمبات فيليبس وجهاز أنذار للبيكانتو

المشاركة الأصلية كتبت بواسطة medo_sirion

انا شايف ان اللى عملتة دة صح صح توكيل اية هيكون فى اكتر من الراجل الكهربائى اللى عملة دة سلك كهربا وسلك ارضى
بس ليا سوال هوة فك الباب لية مش المفروض العربية فيها اصلا سنتر لوك
سوال تانى هية اية المشاكل اللى قبلتك فى توكيل ابو رواش
اصل انا رايح احتمال كبير اغير العداد بتاع العربية وكذا حاجة كدة لولا انى لسة فى صيانة الاف
وشكرا

اقولك ليه هو فك الباب .. اولا طبعا العربية فيها سنتر .. بس هو ركب حاجة اسمها قربة .. علشان السنتر يبقى شغال من البابين اليمين والشمال .. يعني حاجة كدا زيادة ...

بالنسبـة لموضوع ابو رواش ... انا زي ما انت شايف ان عربيتي اتوماتيك .. يعني روح العربية هي الفرامـــل ..

روحت اول مرة فرع روكسي قلتلهم الفرامل فيها حاجة غريبة بجيب الدواسة للاخر والعربية مش بتقف برضــوا .. المهم العربية دخلت الصيانة وخرجت جربتها لقيتها بقت تمام وبتقفش وزي الفل ...

بعدها بأسبوع وفجأة وانا مااشي .... بدوس فررررامـــل مش لاقي فرامل اساسا .. الفرامــل هربت بمعنى الكلمــــة ..

المهم ربنا ستر والعربيات وسعت وانا اشتغلت بالهاند لحد ما روحت بتنا وروحت مكلم الكول سينتر .. لقيته بيقول تحجز معاد .. روحت قايله في التليفون يا ابن التتتتتتتتيتييييييييييييي ييت تييييييييييييييييت تييييييييييييييييييت ..

حطيني انتظار دقيقة ورجعلي قالي يا فندم تقدر تروح فرع ابو رواش حالا وهما في انتظارك ..

اتوكلت على الله .. ومشيت على فرامل اليد .. وفي نفس الوقت جيت اجرب الفرامل وانا ماشي لقيتها اشتغلت ..

فعرفت ان كدا الموضوع في ماستر الفرامل او سيرفو الفرامـــل ..

دخلتلهم ابو رواش .. مهندس الاستقابل دخلت عليه .. بيقولي العربية ملهاش حجز .. قلتله انا متصل وكذا .. قالي انا اسف على العربية هتبات .... وعينك ما تشوف الا النـــور

الفرع من كبيرة لصغيره كان بيتهزا وبيتسب مني ..
فجأة لقيت مدير الصيانة المهندس هشاام .. جاي بيزعق قصاادي .. وعينك ما تشوف الا النــور ,.. الراجل بقى واقف بيقول يا ارض انشقي وابعيني ...

من هنا لهنا .. العربية دخلت صيانة ونزلت قعدت في الاستراحة .. نص ساعة ونادوني .. طلعت لقيتهم بيقولولي مفيش حاجة في العربية اول ما الكلمة دي اتقالتلي .. مدرتش بنفسي الا وانا بلطش فيهم ..وماسك في خناقهم .. وامة لا اله الا الله اتلمت .. وانا وقعت من طولي لان عندي السكر فالسكر ارتفع جدا ...

المهم خدت الانسولين .. وفوقت قالولي حصل خير سيب العربية واتصل بينا بكرا وجابولي عربية مخصوص تروحني لحد البيت ..

تاني يوم بتصل بيهم .. قالولي غيروا ماستر الفرامل العمومي ...

-------------------------------

طيب ما كان من الاول .. ولا الواحد لازم يبوس الايادي او يسب ويلعن علشان تقتنعوا ..

من يومها واانا بيتعملي الف والف حساب في ابو رواش .. لانهم عرفوا اني واحد اه سني لا يتعدى ال 25 سنة .. بس مش بيسيب حقــه ..

بس ياريس ... وكل سنة وانت طيب ^_^