بص يا سيدى عربيتى 99 اتوماتيك و عاملة 163 ألف كيلو
معدل استهلاك البنزين : المتوسط 12 كم/لتر بدون تكييف و لو سفر بسرعة ثابتة بين 90 و 110 بيكون بين 15 و 16 كم/لتر
العزل: العربية موتورها ناعم لكن العزل مش قد كده و صوت الكوتش بيكون واضح فى الكابينة (الكوتش بريدجستون يابانى)
الثبات على السرعات العاليه: نقطة تفوق واضحة للعربية و جربتها لحد 180 طول طريق السخنة و تمام و الحمد لله
الماتور: سحب جيد جدا بالنسبة لحجمة (العربية اتوماتيك) مع نعومة كانت عايزة شوية عزل و تبقى قمة
صيانه العربيه: قطع الغيار الاصلى غالية بس لازم تلتزم بيها لو عايز تحافظ على العربية و ادائها. التوكيل كويس و عيوبه وميزاته موجوده فى اكتر من موضوع هنا بالضافة لأن ناس كتير برة التوكيل ممكن يشتغلوا فيها
أما التمن فبيفرق حسب الحالة طبعا
و بالتوفيق ان شاء الله
المفضلات