ايه هو طقم اصلاح الفرامل ده يا استاذ محمد ال سعره 50 جنيه
عرض للطباعة
ايه هو طقم اصلاح الفرامل ده يا استاذ محمد ال سعره 50 جنيه
ده عبارة عن البساتم الداخلية للماستر العمومى بالكاوتش بتاعها و السوست اللى جوة الماستر
دة يعتبر حل بلدى كدة لمشاكل الماستر العمومى... و فى الغالب بيفشل لان التاكل بيبقى فى الكاوتش و فى جسم الماستر من الداخل كمان فا حتى لو غيرت الكاوتش حيفضل التاكل بتاع جسم الماستر يهرب ضغط زيت و ممكن فى لحظة تلاقى الفرامل راحت
MMamdouh
بالمناسبة يا استاذ محمد اناعاوز اغير الماستر ايه افضل حاجة ممكن اشتريها بعد الأصلى يكون سعرها كويس
الايطالى بيجى بدون خزنة و بدون بلوف
MMamdouh
البلوف دى المقصود بيها الproportional valves
و دى عبارة عن صمامات هيدروليكية وظيفتها التحكم فى الضغط بتاع زيت الباكم المسلط على الفرامل الخلفية... وظيفة البلوف هى غلق مجرى الزيت لما الضغط يوصل لمستوى معين عسان العجل اللى ورا ميقفش او يعمل لوك و دة حيبقى اشبة بانك تشد الهاند و انت ماشى و العربية حتلف منك و تفقد السيطرة عليها
البلوف دى بيبقى عليها ارقام توضح الضغط اللى بتقفل عندة و كل عربية بيبقى ليها البلوف المناسبة ليها حسب قوة الفرامل الخلفية مقارنة بالامامية و توزيع الوزن فيها
و دى صورة للماستر كامل و البلوف متعلم عليها بالدواير الحمراء
http://i83.photobucket.com/albums/j3...h/master11.jpg
MMamdouh
مش عارف اقول لك ايه يا استاذ محمد بجد موسوعة فى الدايو .
بس لو انا اشتريت الماستر بدون بلوف وركبت القديمة هل فيه احتمال ان البلوف القديمة تكون مش سليمة؟
وبعدين انا لفيت على المستر الإيطالى مش لاقية والموجود فى السوق الماستر الأصلى كامل 375 جنيه والماستر الصينى 175 جنيه ومش عارف اتصرف اذاى !
معتقدش ان البلوف ممكن تبقى بايظة لانها ببساطة عبارة عن بلف و سوستة و كلهم غطسانين فى زيت الباكم طول الوقت بالتالى مفيش فرصة لصداء او اجهاد حرارى و حتى الاجهاد الميكانيكى مش عالى لان البلوف مش بتشتغل الا لما الضغط يوصل لمستوى معين ممكن عندة العجل الخلفى يقفش
الماستر موجود عند ابو الحسن ب 280 جنية... محمود badblood لسة جايبة من اسبوعين
MMamdouh
الحمد لله اشتريت ماستر جديد أصلى وحسيت بالفرق :
1- مشوار الفرامل قل جدا عن الأول
2- الفرامل بيتحس بيها بمجلرد لمس الدواسة
بس فيه مشكلة لسة ما اتحلتش وهى ان اول لما بطلع بالعربية الصبح واجى ادوس فرامل للأخر بلاقى العجل مش بيقفش بس لما بمشى شوية بالعربية (5 كم مثلا) واجى ادوس فرامل العجل ساعتها بيقفش ؟؟؟؟؟؟؟؟؟
علما بأن تيل الفرامل جديد من نوع Gold
ممكن التيل بيحتاج يسخن شوية قبل ما يشتغل كفاءتة الكاملة
MMamdouh
أحتمال تكون دى لسه فترة تطبيع للمكونات الداخليه للماستر الرئيسىاقتباس:
بس فيه مشكلة لسة ما اتحلتش وهى ان اول لما بطلع بالعربية الصبح واجى ادوس فرامل للأخر بلاقى العجل مش بيقفش بس لما بمشى شوية بالعربية (5 كم مثلا) واجى ادوس فرامل العجل ساعتها بيقفش ؟؟؟؟؟؟؟؟؟
على أساس لسه المكونات جديده والزيت بيبقى بارد لسه فى البدايه ولزوجته عاليه شويه
ومع التطبيع حتروح الحاله دى
دا لوكان التيل متغير من فتره ( قول شهر مثلا )
وتم تطبيع التيل على الطنابير
أنا بقول كده بارده لأن الحكاية دى كانت موجودة ايام الماستر القديم وكنت فاكرها عيب من الماستر .
طيب فيه حاجة كمان :
انا كنت مغير الزيت قريب وحاطط زيت mobil dot 4 ولما ركبت الماستر الجديد الميكانيكى حط زيت dot 3 وانا ما اخدتش بالى غير بعد ما خلص شغل. فهل أختلاط الزيت مع بعضه ممكن يضر فى حاجة ؟
yes
ممكن يبوظ الماستر... اما تملا الدورة كلها DOT3 او كلها DOT4... لكن تحط دة على دة غلط
MMamdouh
حضرتك متأكد من الحكاية دى ؟ اصل انا اشتريت علبة زيت Mobil DOT4 ولقيت مكتوب عليها الأتى :
A high quality brake fluid use in automotive and clutch systems meeting J-1703, Dot3 And DOt4. Mixes Perfectly with brake fluids meeting same specifications
فهل معنى كدة انها ممكن تتخلط مع زيت DOT3 ؟
على فكره يا أبو حميد
ممكن يتخلط ال dot3 مع ال dot 4
أما ال dot 5 لا تخلط مع أى نوع من 3 &4
كلام حضرتك مظبوط انا فعلا بحثت فى الموضوع ده على النت من شوية واتأكدت منه .
يمكن خلط DOT3 مع DOT4 لأنهم Mineral-based أما DOT5 فهوا Silicone-based ولا يمكن خلطه مع النوعين السابقين .
المصدر من الروابط التالية :
Brake fluid - Wikipedia, the free encyclopedia
او
Brake Fluid in Performance Motorcycle Applications
او
Maxima DOT 4 Brake Fluid - ATV - Accessories - Motorcycle Superstore
أنا معملتش بحث ولا حاجه يابشمهندس : وليد
وكنت معتقد نفس وجهة نظر أخونا : محمد
ولكن لقيت المقاله دى فى كتالوج خاص بشركة تويوتا
فحبيت أنوه لأمكانية خلط النوعين المشار اليهما ببعض
http://i728.photobucket.com/albums/w...ntitled-81.jpg