السلام عليكم ورحمة الله وبركاته

والله يا جماعه الواحد تعب من كتر ما هو عمال يدور على شغل ومش لاقى وبصراحه الموضوع ده جاب اكتئاب للواحد

المهم وانا بدور وقعت فى شغل بمرتب مغرى جدااااااااااااااااااااااا ااااااا

ولكن هتتعب بيهم جدا جدا جدا جدا جدا جدا جدا

لكن كتير مننا بيشتغل 12 ساعه وفى الاخر بياخد مبالغ بسيطه جدا وكتير جدا عنده قوه وحماس وعنده استعداد للشغل الصعب بس مش لاقى

فأنا قولت اعرض عليكم الوظيفه ربما يستفيد احد منها وده طبعا بعد اذن الاشراف وربما مشرف يستفيد من الوظيفه دى ايضا

:)))

.................................................. ..............*

مطلوب مؤهلات عاليا ودبلومات للعمل بمحلات التوحيد والنور

السن من 20 سنه الى 28 سنه

طبعا العيب القاتل هو مواعيد العمل

من 10 صباحا وحتى 12 بعد منتصف الليل

14 ساعه شغل بالاضافه الى وقت المواصلات

الوظيفه بالنسبه للمؤهلات العليا بائع

الاجازات ليك 5 ايام اجازه فى الشهر تاخدهم زى ما انت عايز

عند دخولك الفرع بتسلم الموبايل

يعنى ممنوع من الموبايل طوال ال 14 ساعه شغل

اعتقد والله اعلم ودى معلومه مش متأكد منها ان الغداء عليهم ( حاليا فى رمضان الفطار طبعا )

لو وافقت على الشغل بتمضى على ورق ياريت تقراء كويس لانى اعرف واحد بيقولى انا من ضمنهم ورقه استقاله وورقة تأمين صورى فقط

كده قولت كل حاجه وحشه والحمد لله طبعا الكل بيقول ده استعباد وخنقه ومش عارف ايه بس والله فى ناس نفسها تعمل حاجه لنفسها وخلاص

الحاجه الكويسه واللى ممكن تخلى ناس كتير يهون عليها التعب بتاع الشغل

هو المرتب

من 1600 الى 2000 فى الشهر

بتحصل على المرتب بالنظام التالى

مرتب شهرى ثابت 200 جنيه

وحافز يومى بنسبة 7% على مبيعات اليوم

يعنى مثلا كل يوم وانت ماشى مره تاخد 40 جنيه ويوم تاخد 50 جنيه ويوم تاخد 60 جنيه على حسب البيع بقى

علشان كده الاجمالى بيكون ما بين 1600 الى 2000 جنيه شهريا

اللى عايز يروح الاداره فى باب اللوق

.................................................. ..........*
اللى هيروح ربنا يكرمه ان شاء الله ويصبره ويقويه

ورمضان كريم وكل سنه وانتم طيبين