تم بحمد الله تركيب بوجيهات اسبلت فاير ولمض فليبس رالى لحبيبتى

**zakiali** · 12-12-2009 12:16 PM

المشاركة الأصلية كتبت بواسطة fadi ezzat

اولا كل سنة وانتو طيبين

النهاردة بقى ياشباب طقت فى دماغى اروح شارغ دمشق حالا علشان اجيب الوجيهات وفلتر الهواء اذا وجد
المهم ؤحت هناك وقعدت ادور على محل هاى لاين لانى مش كنت لاقى الوجيهات خالص
قعدت ادور مش لاقى حد المهم فقدت الامل وقلت خلاص مفيش بوجيهات وبتاع
بعد كدة دخلت زى ممر كدة بالصدفة وابص الاقى محل هاى لاين ههههههه
قعدت اضحك انا وماريو صديقى المهم ردخلت قولتلة سلامو عليكم رد عليا بالسلام قولتلة عندك بوجيهات اسبلت فاير الاصدار الجديد قالى اة عندى قالى فى نوع ب 100 جنية وفى نوع ب 275 قولتلة ورينى الى ب 275
قالى تحت امرك ياباشا شفت البوجيهات عجبتنى كانت نضيفة اوى اوى
ودى صورتها لل عايز يشوفها

بعد كدة كام ياعمى بعد خسم نايل قالى 250 دة علشان انت من نايل بس قولتلة ربنا يخليك ياباشا
خدت الوبجيهات ومشيت رحت محل تويننج جاراج الى فى الهرم
قولت اجيب من عندة لمض فليبس رالى وليدات امامية المهم خدت من اللمبتين وكان راجل محترم جدا جدا
كان اسمة حسن
اشتريت من اللمص وكانت باربعين جنية زى ماهى معروفة عملى خصم وبقيت ب 32 جنية للمبة المهم جبت من الليدات وكانت ب 30 جنية
يعنى الحساب
32+32+30=94
كام ياعمى حسابك قالى 60 جنية
انا مستوعبتش االحساب فى الاول لانى مش كنت عارف الليدات بكام
المهم مشيت بس كنت مقلق جدا جدا لانى كنت حاسس انى كدة واخد حاجة زيادة مش دافع حقها
المهم مشيت واتكلت بس رجعت قلقت تانى رحت متصل بية
قولتلة انت حسابك كام ياباشا قالى 60 جنية
قولتلة ازاى مش انا خدت ليدات صغيرة ب 30 جنية
قالى اية دة صح انا غلطت فى الحساب قالى انا اسف ياباشا
طيب انت هترجع ولا اية
قولتلة عند اول يوترن هرجعلك
المهم رحتلة واتحاسبنا وكان راجل زوق جدا جدا جدا
واتعرف على ماريو الى معايا وماريو دة اساسا لية فى مجال العربيات تجارة يعنى
وبعدين مشيت واتظبطت فى الطريق ظهرى اتقطم علشان الطريق دة غلس اوى اوى
وانا فى اليوم دة بس كنت ماشى 520 كيلو قبل اما اروحلة
وبعد كدة رحت شبرا وكنت مبسوط بالنور الجديد اوى اوى لانة كان جامد بجد
وكمان البوجيهات بعد اما ركبتها لقيت فرق سحب كبير اوى وحسيت بية
يارب اكون افدتكم من خلال تجربتى وادعولى انى اركب كيت كامل لعربية
k & n
بس المشكلة فى الصوت هيبقى عالى وبابا بيسوق العربية دى كتير لانى لسة ماجبتش عربية ليا
مستنى الافراج

انا اسف عطلتكم معايا ونتقابل فى مغامرة جديدة من مغامراتى .............

ممكن تقولنا يا زعيم لمض الفيليبس رالي ضوءها لونه ايه ؟ فيه ناس بتقول أبيض وناس بتقول اصفر ؟؟؟ ممكن توصفلنا من فضلك ويريت لو فيه صور بليل .. أشكرك .

**Fadi Ezzat** · 14-12-2009 03:34 PM

بص هو بصراحة بين البينين بجد
يعنى متعرفش هو ابيض ولا اصفر
بيبقى شوية كدة وشوية كدة

**Fadi Ezzat** · 15-12-2009 12:02 PM

المشاركة الأصلية كتبت بواسطة wisambasha

اولا الف مبروك لحضرتك علي البوجيهات واللمض
ثانيا لو ممكن كام سؤال علي الماشي كدة

1- هو البوجيهات دي عليها ضمان (انا فاهم كده من صورة العلبة)
2- صناعتها ايه وبتتغير علي كام الف كيلو
3- اللمض الرالي دي قوتها كام (يعني محتاجة كتاوت ولا لأ)
4- الليدات دي غاليه اوي كدة ليه انا باجيب الكارت فيه لمبتين ب 10 جنيه واحيانا ب 7 كمان (صيني)
5- هي عربية حضرتك سكودا موديل ايه

شكرا لحضرتك

1-اة البوجيهاات دى عليها ضمان 3 سنين
2-صانعتها معرفش بصراحة وبتتغير كل 100 الف
3-اة محتاجة كتاوت
4-الليدات غالية علشان اصلية فليبس اصلى انا كنت بجيب الكارات الى انت بتقول علية كان بيبوظ كل شوية لحد اما جبت ولحد دلوقتى مباظش
5-اسكودا اوكتافيا 99 وبتاعة والدى اوكتافيا a5 2007
لعدم الاختلاط

**Fadi Ezzat** · 31-12-2009 05:21 PM

المشاركة الأصلية كتبت بواسطة eng_ahesham

مجهود رااااااائع يا فادي
بس تسمحلي اسئلك
هي البوجيهات دي ينفع تركب علي البونتو(2002) ولا لا؟؟؟

اة ياباشا تركب عادى

**Omar_H** · 14-01-2010 02:47 AM

أنا كنت عايز أسأل هي البوجهات دي كام شمعة و هل تركب لبيجو 405 1600 ؟ هم اللي راكبين عندي 2 شمعة بس مش فاكر نوعهم إيه ... ولو ينفع يركبو عندي هل هيفرقو في السحب كتير ولا لأ ؟؟