شارك بترشيحك لشراء سيارة فى حدود 70 ألف

**خالد** · 28-08-2009 03:29 AM

المشاركة الأصلية كتبت بواسطة terrible_darsh

هيونداى جـيـتـز مانيوال .

مش عارف ليه مش حابب العربية دى أبداً مع أنها فى رأى ناس كتير أنها جميلة وشيك طبعاً مسألة أذواق
شكراً جزيلاً لردك

**خالد** · 28-08-2009 03:33 AM

المشاركة الأصلية كتبت بواسطة lion_heart

لانوس جميع الكماليات مانيوال ... منتشرة و سهلة فى اعادة البيع و ماشاء الله مواتيرها ممتازة وقطع غيار متوفرة سواء جدبد او مستعمل و الكل بيفهم فيها و شكلها كويس و استهلاك بنزين كويس .
وعلى فكرة ملتشتريش اى حاجة اوتوماتيك لأن ماحدش بيفهم فيه حتى لو الوكيل و اسعاره نار لو حبيت تصلحه او تغيره .
و بلاش موضوع القسط ده لانه وجع دماغ و محدش يضمن الظروف و اى قرش زيادة عن ال 70 الف بصراحة بيتك اولى بيه ..

وعلى فكرة العربية دى محترمة من تجارب الاصحاب و الزملاء فى العمل ..

الفيرنا ماتقربلهاش ...
و فى الاخر اعمل استخارة و ربنا معاك و بالتوفيق .

ربنا يباركلك ياأخى الكريم
اللانوس فعلاً جميلة بس من كتر أنتشارها أتعقدت منها
بس تقريباً برضه هاترسى عليها وأجيبها
شكرا جزيلاً ليك

**خالد** · 28-08-2009 03:36 AM

المشاركة الأصلية كتبت بواسطة original

لو بتدور على قطع الغيار والإقتصادية يبأا عليك بلانوس أو فيرنا لأن قطع الغيار فى العربيات دى هيا اللى هتدور عليك

وماتدورش على عيوبهم عشان المشكلة فى قطع الغيار مش مشكلة عربية كويسة أو وحشة
فى عربيات كتير ممتازة وخدمة شاقة بس للأسف مالهاش قطع غيار أو قطع غيارها غالية يعنى زى قلتها

كلامك رائع ومقنع جداً
فعلاً فى عربيات كتييييييييييير جميلة وكويسة ولكن قطع الغيار نار
تقريباً العطاء هايرسى على اللانوس

**خالد** · 28-08-2009 03:39 AM

المشاركة الأصلية كتبت بواسطة normandy2000

نصيحة بلاش اتوماتيك لان العطل فيه هيكلفك كتير والافضل روح مدرسة تعليم قيادة ب 200 او300جنيه وان شاء الله تبقى 100100فى المانيوال ونصيحة تانية بلاش الصينى
بما انك بتقول ان انت عايز عربية عائلية
يبقى انتا مش محتاج عربية تشد بيها وكدة
فيه كذا عربيه حلوة فى الحدود دى زى هيونداى فيرنا ودى تقريبا محدش اشتكى منها غير انها مش ثابتة فى السرعات العالية وفيه رينو لوجان و اكسنت وفيات باليو بس لو تعرف فعلا تزود الرينج بتاعك للتمانينات يبقى احسن ومن رايى احسن عربية عائلية فى حدود التمانينات هى النيسان صنى ب 88000 وربنا يوفقك ان شاء الله ويقدم اللى فيه الخير

مش حابب الفيرنا ولكن ميال للانوس أكتر
والله من كتر الحيرة بفكر أستنى شوية وأكمل وأجيب ياريس أو الصنى ربنا يكرم

**خالد** · 28-08-2009 03:42 AM

المشاركة الأصلية كتبت بواسطة evolution_turpo

لو عايزها مش كبيره او العيله 4 افراد احجام عاديه يبقى جيتز العربيه دى جامده وبعدين دى 1600 اما لو عايزها اكبر من كده يبقى تزود شويه لحد ماتوصل للاوبترا او نيو اكسنت بس مش عايز اشوفك راكب فيرنا الا اذا كنت عايز تنتحر

هههههههه
صح والله اللى عايز ينتحر يجيب الفيرنا
ده أنا بشوف شباب بيعملوا بيها عمايل سودا على الدائرى وبقول ربنا يسترها معانا ومعاهم
شكرا جزيلا ليك

**خالد** · 28-08-2009 03:46 AM

المشاركة الأصلية كتبت بواسطة أبو عبدالله

رايي تكمل عليهم وتشتري ياريس افضلك في الفئة دي وهتريحك في حاجات كتير قطع غيار معمره اقتصادية في التشغيل اعادة بيع محترمه
الياريس هتجمع لك بنود كتير فيها لصالحك
وانصحك بكثرة الأستخارة لكي ترزق الخير اين كان ان شاء الله

ربنا يباركلك ويصلح لك الحال ويكرمك
فعلاً بدأ تفكيرى يروح للياريس بناء على رأى حضرتك
جزاك الله عنا خير الجزاء
ولاتنسانا فى الدعاء بالتوفيق والسداد