الموضوع: استفسار عن الطنابير الصينى

أنا بأخرط الطنابير بتاعتى عند واحد فى الحرفيين و طبعا بفكهم لأنهم مش بيتخرطوا و هما راكبين و بيطلعوا أحسن من خرط التوكيل كمان و كأنهم لسه جداد بكيسهم لأن الراجل ده عبارة عن ورشة متخصصه فى أعمال الفرامل و عنده ماكينة خراطة حديثة و متخصصه فى خرط الطنابير فقط (يعنى مينفعش يتخرط عليها أى حاجه تانية و الطنبورة بتبقى راكبه زى ما بتكون فى العربية بالضبط) و المخرطة بتاكل الوشين فى نفس الوقت لأن ليها قلمين خراطة زى بتاعت التوكيل بالضبط و يزيد عليها عن بتاعت التوكيل انها بتجلخ الطنبورة بعد ما بتخلص و أسرع من بتاعت التوكيل بكتير لأن الطنبورة بتبقى بره العربية و الخرطة بتلففها بسرعه كبيرة و سطح الطنبورة بيطلع أنعم و مافيهوش الهوا و بتجربة الطنبوره فعلا ما فيهاش الهوا و زى الجديدة بالضبط و متجلخه زى الجديدة بالضبط لدرجة انى ممكن كنت أبيعها على انها جديدة و متخرطتش قبل كدة.

طبعا موضوع الخراطة ده كتير بيطلع و حش و الطنبورة ما بترجعش 100% و لكن الرك على المخرطة و المخرطة اللى بقولكم عليها ده 100 100 و أنا هدور على الكارت بتاع الراجل عشان أقدر أقولكم العنوان بالضبط و إسم الورشه عشان لو فيه حد عاوز يوصله بس انا مش فاكر دلوقتى بس أعرف أروحله فقط.

أه نسيت أقولكم انه تمن خرط الطنبورتين 50 جنيه.

آه ياريت الكارت بتاع الراجل