السلام عليكم و رحمه الله و بركاته
كل عام و انتم بخير

انا كنت بفكر اجيب عربيه اوبل فيكترا 2000 و دخلت على كل المواضيع بتاعتها و الاعطال و آراء الأعضاء و كده لحد ما ربنا نور بصيرتي و استعفرت ربنا و استعذت بالله من الأوبل و شرها و خلعت منها خالص

المهم بعد ما ربنا هداني و بعدت عن سكه الأوبل السودا رجعت افكر تاني فالكريستاله الي انا مرتاحلها نفسيا و عجباني قوي بس في شوية نقط غامضه ليا جدا تتمثل كالتالي:

1 - هل سحب الكريستاله الاوتوماتيك ال1300 حلو ولا ضعيف زي مابسمع؟
2 - موضوع تسقيط الموتور ده سهل ولا طلعان عين (بفكر فالموتور ال1500 dohc) و هل قطع غياره متوفره في اسكندريه؟ و لو هل فيتيس الأوتو ال 1300 ينفع مع الموتور ده ولا بيتغير؟ و لو منيوال ينفع تقلب أوتو عادي؟
3 - العربيه الي انا عايزها موديل 99 أو 2000 يعني بقالها تقريبا 10 سنين هل ده يخلي العربيه دمها تقيل يعني آثار العشر سنين باين عليها و فقدت فخامتها؟
4 - هل في ليها قطع غيار استعمال خارج متوفره فإسكندريه؟
5- هل في ميكانيكي متخصص لانسر فإسكندريه حد يعرفو؟

انا آسف علإطاله برجاء المساعده فالأسئله الي محيراني دي و جذيل الشكر مقدما