اللهم اني صائم
يكفيكوا شر محدثي النعمة
عرض للطباعة
اللهم اني صائم
يكفيكوا شر محدثي النعمة
الموضوع ده منتشر جدا فى الاقاليم عادى جدا
انك تشوف فسل يدوب دماغه باينه من ورا
الدركسيون سايق عربيه وكمان الموتسكلات
الصينى انتشرت جدا ومعظمها غير مرخص
انا كنت ناوى اجيب لاخويا الصغير (14 سنة ) مينى كوبر يتعلم فيها السواقة .. بس بلاش بعد الكلام الى سمعتة هنا :mahf(5):
دلوقتى هيزعل منىويروح يقول لمامى ويخليها تمنع عنى المصروف ..بس عادى بقا :rfds:
الله أكرم يا سيدي و ألف شكر عالأهتمام و التواصل و الرد
بالنسبة لكلمة متخلف فأحنا في مصر بنعتبرها شتيمة و ذم مش كل الناس عندها الكتب اللي انته قريت فيها التعريفات العلمية دي علشان كده انا اعتبرتها اهانة لنفسي و أهلي و أهلك و لبلدنا...عالأقل من باب ((اللي يقول لمراته يا عورة))
تاني حاجة مش مجرد ان المكان مكتوب اني في الرياض تحكم علي اني أجنبي و مستورد لأ خالص
انا مصري قلبا و قالبا ساكن في فيصل و خريج هندسة المطرية (في عين شمس) و متزوج من سراي القبة و شغال مهندس مقاول في التجمع الخامس وسط العمال و البلطجية و المقاولين و اللوادر و الرمل و السن و النقاشين و الكهربائية و مبيضين المحارة و المبلطين و غيرهم كتير.....
و وجودي هنا من كم شهر بس و راجع على طول ان شاء الله تاني لمصرنا العزيزة
يعني على رأي أحمد مكي في طير انته __ انت فاكرني أجنبي ولا ايه....لا يا حبيبي انا أبن بلد و مدقدق____
يعني لا أجازات شهر في السنة ولا حاجة لأ مصري زيكم انتقلت من سيينا لأوبترا لكرولا mmt و بعتها و الله اعلم الدور على مين
يوميا من شرقها لغربها من الهرم لمكتب في مكرم عبيد لشغل في التجمع الأول والخامس و هكذا.......يومين سعودية من ابريل اللي فات بس و راجع ان شاء الله.......
المهم.................
انا قرفان من تردي حال البلد و قلة الأدب و التربية لكن برضه حاسس ان الأمل الوحيد انه يبئى فيه سلطه للقانون
قانون مننا و لينا
حقي و حقك و ربنا عالظالم
يارب انزع من قلوبنا كلمة ((((((((فوضى)))))))))و ازرع فينا حب النظام و الخير و حب بعض......
و كل عام و انته بخير و رمضان كريم و للحديث بقية...........
و سامحنا على أي غلط بس ده من عشمنا.............
يا سيدي شرفتنا وعلى فكرة انت جايز تكون اول مرة تشوف مشاركات اخونا توت
على فكرة احنا من كتر مشاركاته اتعودنا على كلامه وفهمناه
وانا من الناس اللي بيعجبني اسلوبه في الكلام خصوصا انه مترابط
مشفتوش وهو بيتكلم على الجين تو, فاتك نص عمرك دانا لو معايا فلوسها كنت اشتريتها بسببه
لانك بتحس انه حكيم مثلا وهو بيتكلم حاسس بمرارة جواه
عارف لما فيلم بيجيب امير سابق ولا ملك سابق في بلد انتشر فيها الفوضى والعبث
انا لو بخرج فيلم مش حجيب غير توت يمثله
مش بهزر والله بكلم بجد, الراجل عنده كمية حزن على البلد كبيرة وعنده حق بالمناسبة
لدرجة اني في كذا مشاركة بزعل على زعله لاني بحس انه حاسس بالبلد اكثر مني ومن الناس اللي ضارباها طناش والكلمة اللي على لسانها اللي عايزه قطعه " خليها تولع هي كانت بلدنا" (امال هي كانت بلد مين)
ايه رايك يا توت في حبة الكلام ده :Oc_sun1[1]:
يا سلام ... كان نفسي انا في بابا زي ده ...
لكن ابوية انا .. طلع عيني لحد ما بقى يسيبلي العربية مشوار صغير كل فين وفين .. وامتى ... وانا في الجامعة .. اينعم انا كنت بسرقها من وراه من ايام تالتة اعدادي وفضلت اجرب لحد ما اتعلمت السواقة لوحدي ( اه والله لوحدي ) وبدون تلفيات او حوادث ،
لكن بابا ده ... عسل مسكر ... كان فينو ده من 15 سنة !!! كنت فرحت بيه قوي !!! لكن تسألوني دلوقتي !! اقولكم ده راجل عنده مرض نفسي وهيضيع ابنه ده وكمان معندوش احساس بالناس اللي حوليه اللي مش لقيين ياكله وهو جايب تلات عربيات في بيته منهم عربية لعيل كان زمان اللي في سنه كبيره عجلة ده اذا اشتارها اصلا ومكنش مأجرها الربع ساعة بربع جنيه !!!
الولد : بابا انا خبط بنت عند كليه التجاره
الاب: يا نهار اسود - ايه اللى حصل
الابن: عم ---- كان بيعلمنى السواقه و البنت كانت حلوه بعاكسها خبطها
الاب: و فيه حد بيتعلم سواقه عند كليه التجاره؟!
الابن: طب و انا اعمل ايه ماهو البنات هناك كتير
الاب: و البنت جرالها ايه؟
الابن: و انا اعرف منين يا بابا انا جريت على طول
الاب: طيب و حد شافك
الابن: ماعرفش احنا طلعنا نجرى هوا انا كنت المفروض استنى؟!
الاب: طيب انا هخلى عم --- يشوف الموضوع و يسأل حصل ايه للبنت- هيه العربيه خصلها حاجه؟
الابن: لأ مافهاش حاجه
الاب: الحمدلله يا ابنى ديه عهده انت عارف
ابطال العمل:
1- عم --- مجند بالشرطه
2- السياره 128 - شرطه
3- الاب: ساعتها كان لواء شرطه و مساعد مدير امن - دلوقتى عضو مجلس شعب
4- الابن: ظابط شرطه ثم وكيل نيابه
حد مستنى خير من البلد ديه؟؟!!!
احنا اللى وصلناها لكده