-
جاري جاب لإبنه عربية
إذ فجأة لقيت عربية جديدة بتركن في الشارع و هي فيات 127
عرفت فيما بعد أنها تخص أحد الجيران .. بس إستغربت جابها ليه لأن هو عنده عربية و مراته عندها عربية تانية
و إتضح إنها عربية لإبنه .
المشكلة الوحيدة إن إبنه عنده 13 سنة !
أينعم .. الرقم صحيح .. ثلاثة عشر عام فقط لا غير ..
و الولد بيستخدم العربية في الذهاب لأصدقائه في الشارع اللي ورانا و اللي ورا اللي ورانا .. أو إنه بيقعد مع صحابه فيها يسمعوا أغاني .. ولا يقربها الأب و الأم علي الإطلاق -خصوصية- .
أترك لكم التعليق .
-
تعليق علي ايه
بجد
مافيش غير
لا تعليق
-
تعليقى ....
أنا لو فى إيدى حاجة أعملها هعملها ... عشان أمنع المهزلة دى
-
2 جيراني برضه أشتروا لأوداهم موتوسيكلات علشان واحد نجح في الأعدادية و التاني نجح في أولى ثانوي
المشكلة أن الناس معندهاش دم و ال أحساس و بيفسدوا الأولاد
بس المصيبة في الحكومة ............... في أنجلترا مثلا لو أبن قاصر أتمسك بيسوق عربية و خصوصا لو بتاعة أبوه
أبوه بيدخل السجن و حبس و غرامات و رخص القيادة بتضيع
هنا في مصر " أنت مش عارف أنت بتكلم مين ؟ "
علشان كدا مصر هاتفضل هي و شعبها بلد متخلفة .......ج ع ع ..... إلى أن يجئ شخص ما لظبط و تربية هذا الشعب ( أحنا ) من جديد .
و حسبي الله و نعم الوكيل في كل أب بيعمل كدا
-
-
سيبك انت انا نفسي قبل ما اموت اعرف ايه اختصار ج ع ع بتاعة اخونا توت
المشكلة اني خيالي واسع قوي ولو كتبت اللي انا متخيله حتسجن
-
يبقا احنا كدة تمااااااااااااااااااااااا ااام
-
بلغ عنة خلية فى مرة طلع بيها وبلغ عنة المرور او اى دورية
انا عارف انة حل صعب وغريب بس دة احسن حاجة تمنعو وتخوفة من تكرار القيادة دون السن
-
انعدام مسئولية. مش خايف على ابنه؟ يبقى أكيد مايهموش الناس اللي في الشارع اللي معرضين لحوادث بسبب الننوس.
منعدم المسئولية وغالباً محدث نعمة (شبعة بعد جوع زي ما بنقول)، لأن ولاد الناس اللي بجد يعرفوا يعني ايه مسئولية ويعرفوا يقردوا الأمور صح ويعرفوا يعني إيه احترام
-
الناس جرلها ايه الواحد حاسس انه عايش مع كائنات فضائية افعال و اقوال و ردود غريبة المجتمع المصري بجد بقى غريب انا حاسس اني تدريجيا بتشرنق لاني خلاص مش عارف اتعامل و نبي لو الراجل ده ابنه عور حد بالعربية دي يكون التصرف معاه ازاي حسبي الله و نعم الوكيل جهلة
Content Relevant URLs by
vBSEO 3.6.0 PL2