ايه الى ينفع يتعمل مع موتور فيات 131 / 1600 سى سى
ارجو الافاده
ايه الى ينفع يتعمل مع موتور فيات 131 / 1600 سى سى
ارجو الافاده
زي اللي ممكن يتعمل مع أي موتور تاني ( فيما عدا طبعا تعديل ال computer chip لانها كاربراتير) و دة على حسب مستوى التعديل اللي انت عايزه
المستوى الأول
تقدر تجيبلها فلتر سبور عشان يدخل هوا أكتر ( راعي تجيبه للكاربراتير مش للانجكشن عشان ما تدوخش بعد كدة هاتوصله إزاي )
طقم بوجيهات NGK , أو split fire بالكابلات بتاعتهم
المستوى التاني
كاربراتير 2 كامة 16 صباب
هيدرز بماسورة شكمان 2" عشان يطلع العادم كويس و الموتور ما يبقاش مكتوم
MSD عشان يزودلك كهربا العربية من 12 , لـ 16 فولت
المستوى التالت
تقدر تركبلها تربو أو سوبر تشارجر , و دة يديك تقريبا 30% زيادة من الهورس باور بتاع الموتور
و طبعا لو عليت الهورس باور بتاع الموتور أوي كدة , يبقى هتحتاج تغير تغير اجزاء أساسية تانية عشان تستحمل الاداء دة
يبقى هتحتاج طقم بساتم مضغوط
طقم دبرياج سبور
تغيير فتيس
طلمبة بنزين عشان تقدر توازي سحب البنزين الكتير المطلوب
إحتمال تغيير كرونة
:B4_048:
بس لاحظ
أولا
انا جمعنهم في مجموعات عشان أقربلك الفكرة و اديلك من خلالها خلفية على مستوى المصاريف ( طبعا كل ما علي المستوى كل ما هاتصرف أكتر) , لكن مش معنى كدة ان كل مجموعة لازم تكون مع بعض , انت بتختار اللي انت عاوزه
ثانيا
ان اللي انت سألت عليه هوة تعديلات الموتور , و دة اللي انا قلتلك عليه
لكن العربية منظومة متكاملة , يعني لو انك زودت الموتور و بقى قوي و بيجري , يبقى لازم تعدل الفرامل عشان تقدر توقف القوة دي
ولازم تغير العفشة و تجيب عفشة سبور عشان تقدر تتحكم فيها على السرعات العالية و إلا ..:funny34d:
و تجيب طقم جنوط و كاوتش أعرض عشان تزيد مساحة تلامس العربية مع الأرض و تكون ثابت على الارض مع السرعة دي
ثالثا :
أي تعديل بيتعمل على الموتور عشان تطلع منه قوة و سرعة أكتر طبعا بيأثر على عمر الموتور , و معظم التعديلات دي , بتأثر على استهلاك البنزين كمان, يعني ما تسألش بعد كدة البنزين راح فين
اسف ان كنت طولت عليك
و عموما ربنا يوفقك ,و ابقى قوللنا عملت ايه فيها :S_thum1[1]:
موتور ال 131 ده 2 كامة ولا كامة واحده
شيلة و حط مكنة 2000 2 كامة
MMamdouh
هوا فعلا موتور ال131 ينفع يركبله تربو او سوبر شارجر (على فكره هوه كامه واحده مش اتنين)
وانا باسمع ان فى حاجه اسمها اعاده تقسيم الموتر انك ممكن تزود عزم العربيه بس تستغنى عن السرعه او العكس
وشكرا على ردك ليا
لالا انا مركبه فى 124
بص انا فعلا فعلا ال 131 امنية حيات بجد بس بتعديلاتى انا على العربية علشان ان شاء الله فعلا انا دى اللى هدخل بيها الاوتو كروس بس ربنا يكرمنى و اقدر اعمل عليها التعديلات اللى انا عايزها ........بص انا هقلك انا فى دماغى ايه و العادى ايه
ان احط فيها موتور BMW BLACK 2500 VANOUS مع التيربو بتاعه و تغير العفشة بbilistein و oil cooler Fبحجم كبير fuel r egulatorو
intercooler و roll bar كامل للسياره
و طبعا كاوتش 17/285
نظام فرامل بنظام فرامل bmw و التعديلات المعروفة
و على فكره فى فعلا واحد تقريبا عامل كده و معروف جدا للى بينزلوا الاتوكروسات اسمه كتكتوت و هو معروف جدا
لكن التعديل العادى على ال131 و اللى كتير اوى عاملينوا و سعروا معتبرش غالى بالنسبه للاداء اللى هتاخده موتور لانشيا ديدرا 2000 انجيكشن بالعفشة و الطنابير بتاعته و فلتر و exhust sys. كبير و طقم كهربا بتاع عربيه كويسه زى الجولف (و ده عن تجربه فى 128 و فرق جامد)
متابع
بص انا ماقدرش افتى فى الاسعار بس تقريبا مش هيعدى ال 4000 عشان ده موتور مستعمل برده خلى بالك من باقى التعديلات زى الفلتر و الديفيل و تظبيط الكهرباء و الحاات دى عشان بتفرق جامد و بالذات موضوع الكهرباء بيفرق فرق كبييييييير اوىىىىى و متكبرش الجنط عن 16 عشان تبقى بتجرى و انت مستريح برده