لانســـر الجديدة

**sherif_84** · 28-10-2007 05:55 PM

هى عربية ممتازة مفيش كلام عليها لكن سعرها هو اللى مبالغ فيه كتيييير على عربية لانسر
كما ان الفوانيس الخلفية زى الإلنتــرا طبق الأصل ونفس ارتفاع الاكصدام الخلفى بتاع الإلنترا
انتوا معايا ولا فى حد عنده إضافة ؟

**mina_ramsis** · 28-10-2007 07:53 PM

انا شايف ان سعرها مبالغ فيها جدا و من قدام اخده شكل الفولفو الجديده مش عارف اسمها ايه و من ورا مجمعه بين حاجات كتيره زى الفا روميول و مازدا 3

**hazem_khidr** · 28-10-2007 10:15 PM

هيا شكل العربيه كلها مقتبس من الالفاروميو 156 و لما شوفتها من قريب حسيت ان خامات التابلوه مش قد كده يعني ما يندفعش فيها المبلغ دا كله

**Sharky** · 28-10-2007 10:23 PM

انا شايف ان سعرها مبالغ فيها جدا و من قدام اخده شكل الفولفو الجديده مش عارف اسمها ايه و من ورا مجمعه بين حاجات كتيره زى الفا روميول و مازدا 3

+1

بالنسبة لسعرها انا شايف 150.000 مبالغ فيه قوى

**ابوحميد** · 29-10-2007 12:54 AM

هيا شكلها يستاهل بصراحة
بس عموما ميندفعش فيه المبلغ دا كله عشان شكل وبس
اصل هيا مش سيفيك

**wawoo** · 29-10-2007 01:48 AM

العربيات الانسر الجديدة اللى موجود فى مخزن الرواس مركونة بقلها كذا شهر من ساعة ما وصلت ,مشوفتش عربية اتباعت من ساعتها , هى هى نفس العربيات مركونة من يوم ما وصلت ,
عشان المصرين مش مغفلين يعنى , لية كل الزيادة دى و الاسعار برة ارخص من كدة بكتير , مش معقولة الجمارك و التجار وصلو بالاسعار للمستويات دى , مش ممكن اللى بيحصل فى البلد دى , طيب يعنى الواحد يكسب كام عشان يشترى عربية , و لا نشترى الصينى اللى بيتابع بببلاش فى بلدة , الموضوع وصل لمرحلة هبل فى هبل و مش فى العربيات بس دة فى كل السلع و الخدمات حتى الانترنت فى مصر سعرها اضعاف اضعاف سعرها برة , دى بقيت سيرقة علنى و من جميع الجهات , الحقونا .......

**Migo123** · 29-10-2007 03:55 PM

العربيات الانسر الجديدة اللى موجود فى مخزن الرواس مركونة بقلها كذا شهر من ساعة ما وصلت ,مشوفتش عربية اتباعت من ساعتها , هى هى نفس العربيات مركونة من يوم ما وصلت ,
عشان المصرين مش مغفلين يعنى , لية كل الزيادة دى و الاسعار برة ارخص من كدة بكتير , مش معقولة الجمارك و التجار وصلو بالاسعار للمستويات دى , مش ممكن اللى بيحصل فى البلد دى , طيب يعنى الواحد يكسب كام عشان يشترى عربية , و لا نشترى الصينى اللى بيتابع بببلاش فى بلدة , الموضوع وصل لمرحلة هبل فى هبل و مش فى العربيات بس دة فى كل السلع و الخدمات حتى الانترنت فى مصر سعرها اضعاف اضعاف سعرها برة , دى بقيت سيرقة علنى و من جميع الجهات , الحقونا .......

+100000000000000000000000

**limo** · 29-10-2007 07:42 PM

العربيه شكلها افخم من القديمه واكبر من القديمه
اعتقد انها لو كانت ارخص 10 الف كان هيبقى عليها اقبال جامد

**Sharky** · 29-10-2007 10:53 PM

رأى الشخصى لو كانت بتبدأ بـ110.000 الف و بتنتهى بـ 135.000 الف كانت عملت مبيعات قياسية فى مصر و أكتر من اللانسر القديمة

**Ahmed Anwer** · 29-10-2007 11:05 PM

كما ان الفوانيس الخلفية زى الإلنتــرا طبق الأصل ونفس ارتفاع الاكصدام الخلفى بتاع الإلنترا
انتوا معايا ولا فى حد عنده إضافة ؟

مفيش أي حاجة فيها من الإلنترا

بس شكلها مش بيعجبني الصراحة ،، بحس إنها عاملة زي مازنجر و هتتحول :mrgreen: :mrgreen: و وشها زي الفك المفترس :mrgreen: ،، و من ورا شكلها عاملة زي ما تكون واخدة شلوت ، إرتفاع الشنطة عالي بطريقة مش متناسبة مع بقية العربية

لأ تحس إن فيها حاجة غلط مش مضبوطة

الغريب إنها بتنتشر جامد جدا أن كل شوية أشوفها مترخصة ،، و مابقالهش شهر و لا اتنين

أنا مش معاكم إنها مابتتباعش